هوا يعني ايه ضريبه مبيعات.. بياخدوها مقابل ايه يعني ؟

[eng.octooo]

انا والدى معاة مرسيدس 200موديل 81 كانت ايامها بسعر خيالى والى كانوا جايبنها وقتها هما 8 فى البلد ...دلوقتى تمنها مايجيش 50 الف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ دة استظراف

[M.Mostafa80]

ياجماعه الموضوع واضح الكلام فى معناه ان مثلا لو جبت عربيه ب 15 وبعتها بعشرين يعنى كسبت خمسه ياخد هو 10 فى الميه منهم يعنى 500
وفى الغالب الحركه دى معموله عشان التجار اللى واكلنها والعه
بس طبعا ابقو قابلونى لو الكل مكتبش سعر العربيه بقيمه اقل ودا بيحصل فعلا دلوقتى
هما مش لاقيين حاجه يغطو بيها العلاوه ال 10 فى الميه اللى هتنزل

[M.Mostafa80]

لو انا فاهم غلط ياريت حد يوضح

[khalid_adel]

يا جماعه دي ضريبة مبيعات مش ضريبة العربيه نفسها
تتطبق على مين
اللي بيكون نشاطه شراء وبيع السيارات ( التجار )
يعني دلوقتي التاجر يشتري العربيه مستعمله ب 90 الف ويبيعها ب 95 الف في حسابات التاجر (دفاتره القانونيه ) حيسجل في عمليه البيع 95 الف و ضرائب مبيعات = (95-90)*10%=500 جنيه فقط
بدل من ضرايب مبيعات سابقة كانت ب 9500 جنيه وطبعا مفيش مجنون حسجل ده ابدا
نيجي بقى للحكمه من الموضوع ده
كده حيخلي فئة معينه من التجار اللي بتمارس نشاط بيع وشراء يدخلو في حسبة ضرائب المبيعات علي السيارات ويقولو دي الضريبة اتخفضت والدنيا بقت حلوة
بس نيجي من ناحية تانيه كده الناس حضطر تسجل العربيه بعقد بالقيمة الحقيقيه سواء في الببع او الشراء ليييييييييييه
لان لو مثلا اشتري عربيه ب 90 وسجل في دفاتره 90 الف تكلفه او مخرن وباعها على الورق ب 2000 جنيه يبقى الفرق 88 الف جنيه ارباح رأس ماليه اضرب في 20% ضرائب ارباح تجاريه وصناعيه يعني 17600 جنيه ضرايب
يعني البسسسسس
ياريت متكونوش توهتو بس ماتقلقوش كله ليه صرفه في الاخر
ملحوظه انا مش بعمل دعايه ولا بيزنس لاني لسه معنديش مكتب مراجعه باسمي :):):) يعني معندي درج مفتوح والحمد لله :)
ياريت يا حسام كوداك تأكد على كلامي لان الساعه 3 الفجر وممكن اكون هيست في نقطه وانت ياباشا اهل الضرايب

[amrmohamed1975]

ضرائب مبيعات على السيارات المستعملة !!!!!؟؟؟؟؟؟؟؟

أصدر د.يوسف بطرس غالي وزير المالية قواعد جديدة لحساب ضريبة المبيعات على السيارات المستعملة تقضي بأن تكون القيمة المتخذة أساسا لحساب الضريبة العامة على المبيعات بالنسبة للسيارات المستعملة عند إعادة بيعها في السوق المحلي بواقع 10% من الفرق بين ثمن الشراء للسيارة وثمن البيع.
يأتي القرار الجديد بديلاً للقرار السابق لوزير المالية والذي آثار الكثير من المشاكل مع تجار السيارات والذي كان يقضي بحساب ضريبة المبيعات على السيارات المستعملة بواقع 30% من ثمن البيع، حسب صحيفة "المساء" يوم الخميس.
طبعا الكلام منقول من موقع كونتكت كار نقلا عن جريدة المساء السؤال هو ما هي صحة هذا الكلام و فى حالة صحته هي ناقصة كمان ضريبة مبيعات على عربية جت بعد شقاء و بهدله و اصلا مدفوع ضريبتها اول مرة و انتي بتشتريها على الزيرو لما تيجي تبيعها هتكسب فيها قوم تدفع ضريبة و لو بيعها و خسران عن تمنها الاصلي الحكومة هتدفعلك الفرق و الا ايه !!!!!!!

[eino666]

ما خلاص يا عم بطرس بيعتنا هدومنا هتبيعنا ايه تانى علشان الضرايب اللى عمال تنزلهلنا كل دقيقة هو فيه ايه الرحمة حلوة
ارحموا من فى الارض يرحمكم من فى السماء
............................
محمود عينو

[بحري]

مش بطرس اللي بيفرض الضرايب..اللي مشغلين بطرس هم اللي بيطلبوا منه لم أي فلوس بأي طريقة

[romeo_6887]

انا لو رديت مش هتوقف بس انا احتمال اخد تأبيده و حسبي الله و نعم الوكيل

[د.محمود صلاح]

يا جماعه دي ضريبة مبيعات مش ضريبة العربيه نفسها
تتطبق على مين
اللي بيكون نشاطه شراء وبيع السيارات ( التجار )
يعني دلوقتي التاجر يشتري العربيه مستعمله ب 90 الف ويبيعها ب 95 الف في حسابات التاجر (دفاتره القانونيه ) حيسجل في عمليه البيع 95 الف و ضرائب مبيعات = (95-90)*10%=500 جنيه فقط
بدل من ضرايب مبيعات سابقة كانت ب 9500 جنيه وطبعا مفيش مجنون حسجل ده ابدا
نيجي بقى للحكمه من الموضوع ده
كده حيخلي فئة معينه من التجار اللي بتمارس نشاط بيع وشراء يدخلو في حسبة ضرائب المبيعات علي السيارات ويقولو دي الضريبة اتخفضت والدنيا بقت حلوة
بس نيجي من ناحية تانيه كده الناس حضطر تسجل العربيه بعقد بالقيمة الحقيقيه سواء في الببع او الشراء ليييييييييييه
لان لو مثلا اشتري عربيه ب 90 وسجل في دفاتره 90 الف تكلفه او مخرن وباعها على الورق ب 2000 جنيه يبقى الفرق 88 الف جنيه ارباح رأس ماليه اضرب في 20% ضرائب ارباح تجاريه وصناعيه يعني 17600 جنيه ضرايب
يعني البسسسسس
ياريت متكونوش توهتو بس ماتقلقوش كله ليه صرفه في الاخر
ملحوظه انا مش بعمل دعايه ولا بيزنس لاني لسه معنديش مكتب مراجعه باسمي :):):) يعني معندي درج مفتوح والحمد لله :)
ياريت يا حسام كوداك تأكد على كلامي لان الساعه 3 الفجر وممكن اكون هيست في نقطه وانت ياباشا اهل الضرايب

تمام الف شكر لتوضيحك ..كده الصورة وضحت تماما ... البايع والمشتري الأفراد مالهومش دعوة بالموضوع ده خالص