برجاء الافاده؟

[waelmegahd]

انا عايز اشترى عربيه من بور سعيد ولعلم سيادتكم انى زوجتى عندها اصابة عمل بنسبة 35% وهى تعمل فى جهه حكوميه فما هى نسبة الاعفاء وهل يمكن ان اسوق هذه السياره باعتبرى انى زوجها او بتوكيل انى اعمل عندها سائق وهل هذا هوالحل فبرجاء الاجابه
والف شكر لاخوانى فى هذا الموقع الجميل

[romeo_6887]

لو ناوي تشتري عربيه معوقين لازم هتكون باسم زوجه حضرتك و مينفعش تبقي باسم حضرتك و مينفعش موضوع التوكيل ده و بعدين انا معرفش هينفع من اساسه موضوع البيع عشان حضرتك من اهل محافظه بورسعيد

[yaserbasha2000]

انا عايز اشترى عربيه من بور سعيد ولعلم سيادتكم انى زوجتى عندها اصابة عمل بنسبة 35% وهى تعمل فى جهه حكوميه فما هى نسبة الاعفاء وهل يمكن ان اسوق هذه السياره باعتبرى انى زوجها او بتوكيل انى اعمل عندها سائق وهل هذا هوالحل فبرجاء الاجابه
والف شكر لاخوانى فى هذا الموقع الجميل:ta_clap[1]::ta_clap[1]::ta_clap[1]:

اصابه العمل او تقريرها مش معتبر بيه في حاله سيارات المعاقين

الخطوات كالاتي
1- بتقدم طلب لتحديد ميعاد كشف في القمسيون الطبي (خلف مجلس الشعب بالقرب من وزاره الصحه)
2- بتدفع رسم في حدود 100 جنيه للكشف ده (غالبا ميعاد الكشف بيغيب شهور)
3- قبل ميعاد كشف القمسيون بتعمل كشف نظر في مستشفي المنيرة العام
4- بتعمل كشف القمسيون وهو ده اللي بيحدد نسبه العجز وهل ليك الحق في سيارة او لأ و ايه نوع التجهيزه المناسبه لحالتك ( ممكن يجيز ليك مانيوال بس او اتوماتيك او مانيوال)
كمان هما بيسجلوا عندهم يوم الكشف الجمرك الذي ترغب في الشراء منه في حاله موافقه القمسيون(بورسعيد-مدينه نصر-اسكندريه)

5-بتعرف نتيجه القمسيون بعد شهر تقريبا بالسؤال عندهم
6-لو نتيجه القمسيون ايجابيه وصرحوا ليك بعربيه تدخل علي مراحل الشراء

وهل يمكن ان اسوق هذه السياره باعتبرى انى زوجها او بتوكيل انى اعمل عندها سائق

قانونا لايمكن تسوق العربيه مكان صاحبها باي طريقه قانونيه سواء توكيل قياده او تامين عن سائق والمرور عارفين كده كويس جدا خصوصا بعد الموضوع ده مانتشر من اربع سنين

فأنك تسوقها -وفيه كتير عاملين كده-فانت وحظك وشطارتك في اللجان في حاله وقفوك

[waelmegahd]

انا من القاهره طب ينفع اسوق وهى معايه فى مشكله ورايكم اشترى ولا اجيب عربيه من هنا على قد فلوس بسراحه شوفت عربيات هناك باسعار خياليه بدلا ما اشترى 128 من هنا برجاء الرد