لمحبى السرعة .....حادثة موت فى الاسكندرية بالصور

[pharonicking]

انا مش حاتكلم كتير بس الله اعلم ده حصل ازاى هما كانو ماشين فى الحارة الشمال و فجأة طلع على الجزيرة و دخل فى عمود نور كانو 3 فى العربية واللى سايق طلعو بالعافية بعد محاولة نصف ساعة









وربنا يسترها علينا كلنا و يبعدنا عن شر الحوادث

يارب الناس تتعظ

[bmya]

الصور مش ظاهره عندي غير نصها بس
بس عموما انا ليه واحد صحبي عامل حادثه على الكورنيش من من كام شهر
بسبب واحد بهيونداي كوبيه فرحان بنفسه وبالعربيه اللي بابي جايبهالوا وجاي في ملف وبياخود غرزه راح العربيه معومه منه وخبط صحبي من وره وخده صحبي معه ودخلوا في عامود نور
وانا ببقى ماشي 80 مثلا وحاسس اني مش ماشي اصلا لاء وكله يعدي من جمبي ويبصولي بقرف كده على اساس اني مبعرفش اسوق يعني وماشي 80 جوه البلد في الصيف وطبعا بيكونوا شافو النمر دقهليه ويقولك ده اكيد حمار بقه
حاجه تقرف بجد الكورنيش ده

[hse920]

لا حول ولا قوة الآ بالله
انا واحد من الناس اللى بتحب الجرى ومؤخرا بحاول امسك نفسى كتير والتزم بالطريق والالتزام بجد طلع كويس جدا ومريح للاعصاب وحجات كتير
بس اللى يخنق انى القى واحد ماشى بالسرعه القانونيه وفاكر انه كده اللى ملتزم بالطريق. الطريق مش بس سرعه قانونيه او ماشى بالراحه

ياريت نحترم الطريق والعربيات والناس اللى ماشيه معانا

[ahmad--ezzat]

مش دى نوبيرا؟

ربنا يسطر

[gado2416]

لا حول ولا قوة الآ بالله
انا واحد من الناس اللى بتحب الجرى ومؤخرا بحاول امسك نفسى كتير والتزم بالطريق والالتزام بجد طلع كويس جدا ومريح للاعصاب وحجات كتير
بس اللى يخنق انى القى واحد ماشى بالسرعه القانونيه وفاكر انه كده اللى ملتزم بالطريق. الطريق مش بس سرعه قانونيه او ماشى بالراحه

ياريت نحترم الطريق والعربيات والناس اللى ماشيه معانا

+111111111111111111111111

[n8os]

استر يارب واحفظنا

[sniperfox]

الجرى مش وحش بس تقدر عربيتك ممكن تروح بيك لحد فين او بمعنى تعرف فين حدود عربيتك الى مش ممكن تتخطاها علشان ميحصلكش زى الى فى الصوره
مع احترامى لكل من يملك اى عربيه كورى العربيات دى بتجرى ميتوقفش

[beeboo2005]

رينا يستر

ربنا يستر علينا و يحمينا من شر الطربق.
فعلا كورنيش الأسكندرية ده السواقة عليه فى غاية الخطورة و تجيب للواحد الضغط. الواحد بقى يكره مشوار السكندرية بسبب اللى بيشوفه اثناء السواقة على الكورنبش و هوه راجع من الأسكندرية يقعد يشكر فى ربنا أنه سترها معاه فترة سفريته للأسكندرية.
ده طريق طيارات مش عربيات, و الأسكندرانبة (من غير ما يزعلوا) غاويين اخذ الغرز عليه بمنتهى السرعة. يا ساتر من ده طريق.

[amr100]

ربنا يكيفينا شر الحوادث جمعيا

[Eng_Mostafa_89]

ربنا يستر طريقنا كلنا

[organic_magic]

الحمد لله الصور عندى مش واضحة مشفتش حاجة

الحمد لله وانا كمان - ياعم افرض واحد قلبه خفيف شويه مش ممكن يتعب من الصور (ان مشفتش الصور بس دا من كلام الاعضاء)

وجزالك الله خيرا علي النصيحه

[M.Mosaad]

لا إله الا الله

حاجة صعبة جداااااااااااااا

و الله الجري و الشد ملوش اي لازمه لان الواحد مش بيستفاد منه اي شيء غير انه بيخرب العربيه و لو حصلت حادثه الواحد بيخلص في ثواني

ربنا يستر طريقنا كلنا

[shaddadfalcon1]

انا لسه ناقل سيدي بشر من شهرين وشغلي في سموحه
بصراحه هي كام مره اللي رحت فيها من عالكورنيش وبعديها بقيت اخد الدائري
اطول بس اريح وفي معظم الأحيان اسرع

[meller]

ربنا يستر طريقنا كلنا ان شاء الله

[Abo_Lina]

بالحضن يا عامود ليك وحشة يا راجل ..


لازمتها إيه السرعة غير إنه خسر عربيته و ممكن يخسر روحه ..
و طبعا شماعة القدر و النصيب موجودة ..
يسوقوا برعونة و يعملوا حوادث و يقولوا قضاء و قدر أصل العامود كان فيه مغناطيس شد العربية