إحذروا المياة على ديسكات الفرامل الساخنة

[HSultan]

مضطر أغير ديسكات فرامل سيارتي الإسكودا a5 بسبب غربلة عند إستخدام الفرامل عند السرعات بعد ال 90 كيلومتر
ب 800 جنيه بسبب غسيل خاطئ أو المرور ببركة مياه والديسكات ساخنة مع إن عمر الديسكات لا يتعدى ال 40000 كم
خلي بالكو - حد عنده تجربة إصلاح مثل هذا العيب عند خراط

[Imhotep]

شكرا على التنبيه.... ربنا يستر

[د.محمود صلاح]

توجد مخارط مخصصة للموضوع ده

[elmadawy]

فعلا موضوع غسيل العربية وهي سخنه مش حلو وله تاثير سلبي علي ديسكات فرامل العربية شكرا علي المعلومه

[EgyptianTune]

توجد مخارط مخصصة للموضوع ده

عن تجربة عمرهم ما هيرجعوازى الأول يمكن أسوأ كمان

[mhmdalsaadany]

شكراً علي المعلومة الهامة ونصيحة هات جديد أحسن

[mr_sameh]

انا وقعت في نفس المشكله ونصيحه بلاش تخرط الديسكات

[yoko]

أنا عملت معايا كده وبعد ٥ الاف بس !!!!!!!!!!
وخرطوهالي في التوكيل وماثرتش لإن الريجة كانت خفيفة

[Abdo_Eldesokey]

أنا خرطت مرة وظبطت شوية لكن رجعت تاني ، التغيير هو الحل :b4_033:

[Karim_Monir]

حصت معايا في الكرولا وغيرتهم في الضمان على حساب التوكيل
وفعلا لو خرطتهم بياثرو على تيل الفرامل ووالمساحة الفعلية لانه بتكون خدت جزء بسيط من الطنبورة
ولو العربية يها abs غالبا لمبة الفرامل هاتفضل منورة على طول
ولو مفيهاش لازم تسحب هواء وتعوض الفارق بتاع نقص سمك الديسك

[ramylanos]

انا معايا a4 خرطهم ورجعوا زي الاول

هات من فتح الباب في شارع دمشق عنده بريمبو ايطالي حلوه جدااا

[HSultan]

شكراً لكم جميعاً على إفادتكم وإنتوا وجهتوني للتغير وأرجوا إننا نكون أفدنا الناس بالحرص من المياه على الديسكات الساخنة