If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
" فيه موتورات ممكن بيتعملها لحد 60 خمس عمرات 10 20 30 40 60"
أسف هنا خطأ مطبعى الأرقام 10 20 30 50 60.
[COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
الصقر سوف يحلق عاليا رغم أنف قانون المرور الجديد.
[url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]
كان عندي مشكلة طرحتها في موضوع can't turn the ignetion on please help ???.ok و هى
اعتقد ده خلل في ظبطة الهوا والبنزين ياريت لو حد يفيدنا في الموضوع ده و يقولينا هيا بتتظبط ازاى و نعرفها ازاي اتظبطت ولا لا انا بردة عندى ريحة العادم و تاخير في الدوارة و سحب مش اد كده ياريت لو حد يفيدنا وبالتفصيل
و ده كان عن انها مبتدورش من اول تكة
ياريت افادتك يا حازم وشكرا
بص يا سيدي الموتور ال 1800 نادر لما تلاقيه مستعمل قليل قوي و من زمان و الاحسن يا اما تجيب موتور 1600 بفتيسه يا اما موتور 2000 حتلاقي موديلات عاليه لحد 86 كمان(موتور الاريجنتا و 131 سوبر و يركب عندك عادي من غير اي تعديل)
انما حتي لو لقيت موتور 1800 اقصي موديل له 76 و مش حيبقي قد كده .
حاليا اسعار المواتير ما اعرفها لكن متهيالي انه حيبقي في حدود 2000 او 2500 و العمره حتتكلف في حدود ال 2000 برضه.
بالنسبه للمشكله اللي عندك ف دي ظبط تاكيهات و مشكلتها انها عاوزه ميكانيكي صح يظبطها لانها 2 كامه و ظبطها رخم بجد مش اي حد يضبطها
العمر الافتراضى النظرى لأى سيارة هو 100 ألف كيلو أو 10 سنوات و لكن هذا العمر نظرى فقط أما عمرها العملى فأكبر من ذلك بكثير و بعد هذا العمر نطلق عليها سيارة قديمة.
و تتراوح الأعمار الافتراضية للسيارات عموما و هى تختلف من مكون الى أخر, مثلا لو أخذنا المحرك كمقياس لعمرها الافتراضى فسوف نجد أن أى محرك عمره عمرتان فقط ماعدا محركات البيجو التى يجرى لها عدد لا محدود من العمرات. و العمره عمرها بيختلف من سيارة الى أخرى, و اليك الأعمار التقريبية حسب المتعارف عليه بين الميكانيكية :
مرسيدس : 300-400 ألف كيلو قبل أن يحتاج المحرك لعمرة.
بيجو : 250-350 الف كيلو.
فيات : 200-300 ألف كيلو( موديلات فيات الكبيرة و هذا قد لا يسرى على الموديلات الصغيرة مثل ال128 و ال127).
اليابانى و الكورى : 100-150 ألف كيلو.
طبعا هذه الأعمار قابلة للزيادة بشكل كبير اذا قدت السيارة بطريقة هادئة, فقد ترتفع بعمرها الى الضعف, و قد تقصف عمرها الى النصف اذا قدتها بطريقة سريعة.
أما عمر اسطوانة الدبرياج فهو يتراوح قياسيا ما بين 100-200 ألف كيلو حسب القيادة أيضا.
أما بالنسبة لعمر السيارة ككل فالمفترض أنه 10 سنوات تدخل بعدها السيارة فى طور السيارات القديمة.
و لا تنسى أنه يمكنك السير مسافة لا بأس بها ربما تقارب عمرة و المحرك يحتاج لعمرة بدون أن تلاحظ أى شىء, و يطلق على المحرك فى هذه الفترة "خفيف", و هنا يمكن السير به مسافة لا بأس بها قبل أن يطلق عليه محرك "مفوت". و لا يتأثر أداءه كثيرا بل على العكس قد تشعر أن المحرك "الخفيف" أكثر سرعة و قوة و هو الملحوظ فى كثير من السيارات بينما يكون المحرك "قافش" و خشن فى بداية فترة عمله أو بعد العمرات.
تعليق بسيط جدا
كلامك كله صح
مع تحفظ بسيط جدا
انه صح بمقاييس سنة 1970
لكن النهاردة وانا بقرأ هذا الكلام حاسس انى رجعت 38 سنة لورا
متهيألى الأرقام دى محتاجة تحديث لتناسب عام 2008
اللى اعرفه انى فى المانيا كنت بركب عربيات زلمكة تاكسى عاملة 500 ألف كيلومتر و600 ألف كيومتر فى ظل اشتراطات بيئية وفحص سنوى لا يرحم وكانت مافيهاش اى مشاكل من اى نوع علما بان الناس دى مبتفتحش مواتير، والغريب ان نفس الكلام كان ينطبق على عربيات بيتلز الشكل القديم صناعة المكسيك اللى كانت بتتباع فى المانيا حتى نهاية التسعينات
وبرضه اعرف انى فى البحرين كنت بشوف عربيات يابانى (اة والله يابانى) من الفئة الصغيرة( يعنى كورولا وصنى وسيفيك) كاسرة ال 500 ألف وال 600 الف واصحابها بيسافروا بيها السعودية طوال الوقت وبرضه مافيش جرام زيت بينقص من الموتور
واعرف ان فى بلدنا العزيز العربيات اللانسر اللى مش متهانة بتتباع عاملة 160 الف كيلو و170 الف كيلو وتكشف على كبس الموتور فى المحطة تلاقيه 90% ، يعىن لسة الموتور جديد
واعرف ان عندنا 7 عربيات شاهين فى الشركة كاسرين ال200 ألف كيلومتر بدون جرام زيت واحد ناقص
وشفت عربيات لانوس كتييييييييييييييييييييييييييييييييير جدا كسرت ال 200 ألف والمحرك لسة بحالته،
اه بالمناسبة، حكاية العدد اللانهائى من العمرات ده اعتقد انه كان ايام عز وراحت، النهاردة المحركات بقت انتيمونيا ،(عارف طبعا ان الشميز لسة حديد بس هل عندك فكرة ازاى لما الشميز يتاكل هتعرف تطلعة وتركب غيره فى بلوك انتمونيا؟)
احنا هنا على كوكب الأرض وحاليا احنا فى سنة 2008 فمتهيألى ان احنا محتاجين ناخد المعطيات دى فى اعتبارنا
طب اتا عايز افهم قصة ظبط الهوا والبنزين و مساميرهم اللي في الكربراتير بالتفصيل الممل
وليه بتقول انها تاكيهات انا حاسس ان المتور صوته بيعلى والسحب مش اد كده اوي فكنت فاكر انه مشكلة تشبيع بنزين زياده او نقصان
حكايه المسامير اللي في الكاربيراتير ما اقدر ارحها نظري لازم يكون في كربيراتير قدامي علشان اعرف اشرح عليه.
التاكيهات لو مش مضبوطه بتاكل بنزين و سحب العربيه بيضعف و بتأثر في كل الحاجات دي
يعني اشيل حكاية الهوا والبنزين من دماغي
طيب ازاي اعرف ان الاسطوانة الدبرياج سليمة (عايز اختبرها)
لما اكون ماشى وبسحب وانقل علي النقلة الاعلى واشيل دبرياج قبل مادوس بنزين العربيه بتتحجم في السرعة اوي (بحس انها بترجع ) ده طبيعي ولا ايه ولا ده اسطوانه ولا ايه
دي كده سده في البيكات او عندك بيك صغير .
الاسطوانه علشان تختبرها ممكن انك تقف و من الثبات تجيب الرابع و تحاول تطلع بالعربيه بالراحهه و لو العربيه طلعت و مشيت يبقي كويسه لو العربيه بطلت يبقي الاسطوانه وحشه بس ما تعملش الحركه دي كتير
دي 1800 وبعدين انا كنت روحت لواحد تخصص رادياتير خلاها 110و120 فعلاو سخنها 10 دقايق وبعدين كانت حلوه لمسافة 200 متر وبتسحب كويس وبعدين الموتور اتخنق وبقي سحبة اضعف من الاول فروحت لواحد تاني قالي انت ليه عملت كده وراح عاملهم 115و 125 الخنقة راحت والسحب زاد شوية بس مرجعش زى ال200 متر فضغطت علي الراجل وهو كان رافض الحقيقة وزودتهم الى 125و 160 حسب واحد قريبي عنده لادا 1300 cc و قلت لو حصل اى مشكلة ارجعهم تاني بس محصلش حاجة تذكر غير البنزين زاد استهلاكة شوية انا مشكلتى كلها اني عايز العربية تسحب وهى تقدر علي فكرة
اية رايك ارجعهم 115و 120 تاني
اسف اقصد تخصص كاربراتير وبعدين ليه السحب عندى بيبقي اعلي لما الدواسة بتاعة البنزين متكنش لاخرها زي ماحد كان قال في مشاركة من المشاركات انه لمل يدوس ويشيل في 132 العربيه بتسحب احسن وده حقيقة ولو دوست علا الاخر العربيه بتاخد راحتها ليه
بس يا باشا اللي عندك دا كله حله سهل جدا
و هو انك تشوف صنايعي محترم و تيل تانك البنزين تغسله و تجيب طقم بوجيهات نضيف شامبيون او بوش انسب حاجه لمواتير الفيات و ياسلام لو كان تلاته او اربعه شمعه و فلتر بنزين و تخليه ينضف الكاربيراتير و يظبط التاكيهات و يظبط التاكيهات و يظبط التاكيهات شوف انا بكررها كام مره .
و تركب البيكات بتاعها حتلاقي العربيه بتشد معاك و استهلاكها قل.دا في حاله لو الكرونه و الفتيس بتوعك كويسين.
لو استهلاك البنزين عندك بالبيكات دي مش فارق قوي يبقي خليهم .
حكايه الدواسه دي مش لاقي ليها تفسير لكن نا كنت بعمل كده في ل 132 و الفيات عموما كنت بكارك في اخر ربع الدواسه .
علي فكره لو بتحاول تشد علي الخامس مش حتلاقي نتيجه لو عاوز تشد يبقي علي التالت او الرابع
في ال 132 ال 2000 دي كانت سرعتها علي الغيارت
الاول 52
التاني 98
التالت 148
الرابع افتح عليه زي ما انت عاوز
بالمقارنه ب ال 1800 المفروض الفرق مش حيبقي كبير مع مراعاه العمر يعني العربيه لو وصلت 40 اول و 70 تاني و 110 تالت يبقي كده تمام اوي
استني خد الارقام ده عندك
الاول عندي 30 وصوت الموتور بيعلي اوي وال rpm بيوصل لل4000 والثاني حوالي 50 بس هبقي اتاكد لك والثالت 80
قولي بأه ليه بتعمل معايا كده
كانت بتعمل استهلاك كام معاك ال2000 في الصفيحة
انا سمعت ان ال1800 نفس حجم بساتم ال2000 بس هوه طلع عليها الاسم ده علشان بتوفر في البنزين عنها شويه صح
كان اخر سرعة العربية كام
Comment