تحذير من توتال الأتوستراد

[yoko]

النهارده ولتاني مرة يتعمل فيا الحركة دي من بنزينة توتال الي في الأتوستراد أول مره قلتله ٩٢ أول فصله لقيت الباشا بيطلع مسدس ال٩٠!!!! قلتله بقولك ٩٢ قالي ﻷ إنت قلت ٩٠ قلتله حط الإتنين وتسعين وللعلم أنا عمري ما بحط ٩٠ ولا حتى في ال١٢٨
النهارده قلتله ٩٢ ودخلت أعمل حاجة في العربيه وطلعت ببص لقيته حط ٩٠!!! برده بس المرادي كان فول ٢٢ لتر قلتله شيل الي في إيدك وكملي ٩٢ ومكنش عاجبه وقالي مفيش فرق بينهم وقالي بالفظ إنت تعرف أصلا الفرق بينهم!!!! طبعا هزقته بإحترام ومرة واحده لقيته إختفى وجة واحد تاني هو الي كمل وحظهم حلو إني كنت متأخر عشان الكليه وطبعا إتضريت أحط octan booster علبتين (تمن تفويله كامله) لإن عربيتي ال٩٠ ممكن يدمر الموتور عشان التربو وطبعا العربيه صوتها عالي وإستهلاك بنزين عالي جدا!!!

[ihabchina]

قبلها علطول فى بنزينة وطنية.. احسن وانطف طبعا فى التعامل

[yoko]

عارف وأنا دائما بحط منها أو من إمارات مصر بس أوقات بسرح وأفوتها فبطضر أحط منها

[romeo_6887]

90 في اللينيا ؟ انا اسمع ان المفروض تحط 95
انا لو مكانك كان العامل ده سمع شتايم الدنيا كلها

[yoko]

90 في اللينيا ؟ انا اسمع ان المفروض تحط 95
انا لو مكانك كان العامل ده سمع شتايم الدنيا كلها

حظة إن كان عندي محاضرة مهما جدا متأخر عليها لو مكنش كده كنت عملتلهم مشكله وخليتهم ينزلوا البنزين الي في العربيه كلها وتتفول من الأول وجديد

[fadyspot]

قدر الله و ما شاء فعل يا yoko بس خللي بالك بعد كده عشان بجد كلهم بيستهبلوا اليومين دول حتى هنا في اسكندرية , اخر مرة المفروض اننى مفول 92 و العربية بتكركر ولا كاننى حاطط 80 ربنا يستر علينا من اللى جاي كمان

[yoko]

قدر الله و ما شاء فعل يا yoko بس خللي بالك بعد كده عشان بجد كلهم بيستهبلوا اليومين دول حتى هنا في اسكندرية , اخر مرة المفروض اننى مفول 92 و العربية بتكركر ولا كاننى حاطط 80 ربنا يستر علينا من اللى جاي كمان

يا رب وأنا حاسس إنها مقصوده لإنها تعملت فيا مرتين وفي قريبي مره (كلهم في نفس البنزينه) هو مفيش حد بيحط ٩٠ فعيزين يخلصوه ولا إيه؟

[د.محمود صلاح]

فكرة : - اكتب بنزين 92 فقط !! على غطاء التانك

[yoko]

فكرة : - اكتب بنزين 92 فقط !! على غطاء التانك

تفتكر هتفرق ده كان عايز يلبسني العمة وبيقولي ميفرقوش ال٨٠ عن ال٩٠ عن ال٩٢ عن ال٩٥ !!!!!!!!!!!!!!!!!!!!

[ahmedhilmy]

انا ساكن قريب منهمو مبرداش احط من عندهم خالث بحط من وطنية

[yoko]

بصراحة عندك حق لإن دي مش أول مرة يعملوا حركات مش تمام

[mahamedaraby]

معرفش عامل البنزين ده بيفكر ازاى انا تقريبا اى بنزينه بدخل فيها يقولى 92 اقوله اه فول او كده يعنى هو اللى بيعرض وال 128 بقوله حط 90

ولا كمان غلطان وبيقتى ويقولك كلوا واحد ربنا يرحمنا من الناس اللى عامله تفتى وخلاص بليه المصرى ده مصيبه

[eng_ahmedryad]

وقالي بالفظ إنت تعرف أصلا الفرق بينهم!!!!!

والله منتها قلة الأدب ، إزاي يقولك الكلام ده ، ده هو اللي مايعرفش الفرق أكيد ، كان المفروض يتهزء ومش بالأدب .

[yoko]

معرفش عامل البنزين ده بيفكر ازاى انا تقريبا اى بنزينه بدخل فيها يقولى 92 اقوله اه فول او كده يعنى هو اللى بيعرض وال 128 بقوله حط 90

ولا كمان غلطان وبيقتى ويقولك كلوا واحد ربنا يرحمنا من الناس اللى عامله تفتى وخلاص بليه المصرى ده مصيبه

أعتقد إنه المفروض يميز شكل العربيه!!!

والله منتها قلة الأدب ، إزاي يقولك الكلام ده ، ده هو اللي مايعرفش الفرق أكيد ، كان المفروض يتهزء ومش بالأدب .

للأسف حظه حلو إنه كان الصبح وكنت متأخر على الكليه لإنه غير كده مكنتش سبته غير لما أجبله مصيبه بالذات إنها مش أول مرة!!!

[تامر.محمد]

ما فكرتش انهم ممكن يكونوا كلهم واحد فعلا
في البنزينة دي ؟

و اكيد انت فاهم انا اقصد ايه