الداخلية : لا إحلال لسيارات الملاكي مطلقاً (منقول)

[cyborg_ift]

نفى اللواء فؤاد الدنف مدير الإدارة العامة للمرور ما تردد من شائعات عن إحلال وتجديد السيارات الملاكي القديمة وإحلال أخرى جديدة محلها على غرار مشروع التاكسي الجديد.

وأوضح اللواء الدنف أن الإحلال والتجديد للسيارات الأجرة فقط ولا نية مطلقا لتطبيق هذا النظام على الملاكي.حسب صحيفة "الجمهورية" الأربعاء؟
.
وانتشرت شائعة على نطاق واسع من بدء تنفيذ مشروع التاكسي بشأن إحلال السيارات الملاكي الجديدة محل القديمة التي تم صنعها قبل عام 1980 ،وذلك رغم أن مجلس الشعب رفض في وقت سابق اقتراح بهذا الشأن نظرا لأنه يقوم على إجبار أصحاب السيارات القديمة للتخلي عنها.

من ناحية اخرى، أشار مدير الإدارة العامة للمرور إلى أن الإدارة قامت بوضع كاميرات مراقبة على الطريق الدائري للمساهمة في الحد من التكدس على الطرق السريعة.


الحمد لله .. والشكر لله

[mrsailor]

نفى اللواء فؤاد الدنف مدير الإدارة العامة للمرور ما تردد من شائعات عن إحلال وتجديد السيارات الملاكي القديمة وإحلال أخرى جديدة محلها على غرار مشروع التاكسي الجديد.

وأوضح اللواء الدنف أن الإحلال والتجديد للسيارات الأجرة فقط ولا نية مطلقا لتطبيق هذا النظام على الملاكي.حسب صحيفة "الجمهورية" الأربعاء؟
.
وانتشرت شائعة على نطاق واسع من بدء تنفيذ مشروع التاكسي بشأن إحلال السيارات الملاكي الجديدة محل القديمة التي تم صنعها قبل عام 1980 ،وذلك رغم أن مجلس الشعب رفض في وقت سابق اقتراح بهذا الشأن نظرا لأنه يقوم على إجبار أصحاب السيارات القديمة للتخلي عنها.

من ناحية اخرى، أشار مدير الإدارة العامة للمرور إلى أن الإدارة قامت بوضع كاميرات مراقبة على الطريق الدائري للمساهمة في الحد من التكدس على الطرق السريعة.


الحمد لله .. والشكر لله

يبقى اسعار العربيات حاتولع تانى و مبروك للى اشترى مرسيدس تمانينات باسعار لقطة .. انا رأىى ان اللى معاه عربية يخليها شوية و ماحدش يبيع دلوقتى

[cyborg_ift]

يبقى اسعار العربيات حاتولع تانى و مبروك للى اشترى مرسيدس تمانينات باسعار لقطة .. انا رأىى ان اللى معاه عربية يخليها شوية و ماحدش يبيع دلوقتى

والله الموضوع ده كان قالب بطن الواحد بس الحمد لله على كده

[zyadahmed]

مشروع احلال التاكسى اصلا فشلا فبالتالى تم تأجيل مشروع الملاكى وكمان الحكومة مش عايز تفتح جبهات جديدة خصوصا فى العام الفاصل 2010 /2011

[AMA]

ولا أسعار هتولع ولا حاجة بالعكس دا فيه أسعار بتنزل كل يوم عن التانى كفاية السيارة (الشانا بينى) موديل 2008 بقيت بـ18 ألف و بـ20 ألف جنيه رغم إنها زيرو بحاجة و أربعين ألف

[abou_ruqi]

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟؟

يا أخونا الشرطة سلطة تنفيذية , مجلس الشعب هو اللي مخول له إصدار القوانين , يعني أي نفي من خارج مجلس الشعب يعتبر توقعات لا أكثر و لا أقل

يعني سيادة اللواء معلوماته عن الموضوع هي نفس معلومات الإنسان العادي , هو إيش عرفه الدورة القادمة من مجلس الشعب حيتناقش فيها إيه ؟؟

هو حد عارف لسه مين الأعضاء القادمين أصلا ؟؟

اللي أقدر أقوله إن غالبية المجلس القادم حتكون من الحزب الحاكم
وما دام المهندس عز قال إنه عاوز يستصدر القانون ده , يبقى حيستصدر القانون !!!!


سعادة اللواء بقه بيدلي بتصريحات على أساس إيه ؟؟؟

[Ghamrawy]

يا جماعة بالراحة بس

هو مال سيادة اللواء مدير الإدارة العامة للمرور بالقانون ؟
سعادة اللواء بقه بيدلي بتصريحات على أساس إيه ؟؟؟

بيفتى زى بقية ولاد بلدى الا ما رحم ربى

و طالما اشتد النفى فى الموضوع ده يبقى حايحصل حايحصل و ان ما كنش بالاحلال حايبقى عن طريق رفع الضرايب و الرسوم على تراخيص القديم

[eng.octooo]

وانا الى فرحت بالخبر ...يعنى فية امل انهم ينفذوا الاحلال !!!! بجد حرام عليهم

[abo_lamar]

توقعوا أي شئ ممكن يحصل

[amrelsaqqa]

يالهوى انا كنت فرحت ودلوقتى متلخبط ، يعنى نفي سيادة اللواء ده نفى قاطع ولا ممكن القانون يطلع ؟

عموما القانون ده والله ما يفرق معايا سواء اتطبق ولا لا

ولو طلبت همشى بالعربية من غير رخص ولو سألونى ايه ده هقوللهم دى كارو مش انتوا مش معترفين بيها كعربية ، انا راكبها على انها كارو ههههههههه

[Ahmed Galal]

كل شىء بقا متوقع و جايز فى مصر و احنا فى الاخر ماشيين مع التيار و ربنا يستر علينا من التيار اللى عمال يشد ده

[dode2002]

لما نشوف اخرتها معاهم

[mahmoudysf]

محدش عارف حاجة في اي حاجة دى بلد الفوازير

[mrsailor]

ولا أسعار هتولع ولا حاجة بالعكس دا فيه أسعار بتنزل كل يوم عن التانى كفاية السيارة (الشانا بينى) موديل 2008 بقيت بـ18 ألف و بـ20 ألف جنيه رغم إنها زيرو بحاجة و أربعين ألف

انا قصدى السيارات اللى ليها اهل و توكيلات و تاريخ .. مش الحاجات الصينى اللى كلها ليدات و شاشات و ملهاش اهل و لا ولى امر .. مع احترامى الشامل لمالكى السيارات الصينية

[cyborg_ift]

صحيح ماهي بلد أرخص حاجه فيهه الكوسه