عربيتى اتبهدلت على ايدك يا مصر , منك لله يا مصر

[Eng_Mostafa_89]

الشعب المصري دة غريب جدا جدا وصعب ارضائة
يعنى الحكومة عملة المطبات دى علشان تختبر العربيات ومدى قوتها ومدى استحمالها
لان العربيات غالية زى مانت عارف ومش كل يوم هتشتري
فهما بيعمل المطبات دى علشان تعرف ان عربيتك متينة وتستحق الفلوس اللى انت دفعتها فيها
ولو العربية جرالها حاجة بعد الشر بيقى تنصح الناس متركبهاش تانى

وكفاية انك تعمل تيست للعربية بنفسك وتشوف النتايج بعنيك
مفيش بلد غيرك كدة

بس كدة عرفت اية قيمة المطبات :)

[ابو فرح]

الحمد لله انك بخير

[Ahmed Nouh]

لا حول ولا قوة إلا بالله... مفيش فايدة

حمد لله على سلامتك يا أحمد باشا... دي اهم حاجة

الله يسلمك يا محمد , وربنا يعدل الحال المعووج

قدر الله و ما شاء فعل و الحمد لله انك بخير

الحمد لله على كل حال , شكرا يا استاذ احمد

حمد لله على سلامتك, و ان شاء الله تكون حاجه بسيطه فى العربيه.
طب بقى على الاوتوستراد عند مدخل شق التعبان الاتجاه الى جاى من حلوان للمعادى كان فيه علامات تحذيريه و يفط و اشارات ان فيه مطب, بس المشكله ان مافيش مطب, و فضلت فتره طويله كده اليفط موجوده و المطب مش موجود لحد مالناس اخدت على ان مافيش مطب و كلهم بيجرو عادى, لغايه لما عملوا المطب و طبعا بردو الناس فضلت تخيش عنده لحد ما اتعرف, ياعنى و لا فالحين كده ولا كده مش عارفين ننظم اي حاجه.

الله يسلمك يا مصطفى , حته اليافطه من غير مطب دى صباح المزاوله

على طريق المنصوره فى حته كدا وقعدت فى مره مهدى فيها كتير مش لاقى المطب اول ما شديت بقا وقولت اشتغاله لقيت الهضبه فى وشى , فى مصر لا تثق فى شاره ولا فى يافطه ولا فى ظابط ولا فى عسكرى ولا فى مشاه ولا حتى فى اللى قاعد جنبك لما يقولك خش لسه بعيد

حسبي الله و نعم الوكيل .. الف سلامة عليك يا ابو حميد

الله يسلمك يا ابو حميد , ايوه كدا يا راجل حد يبقى اسمه احمد ويتقال له يا عزت :)

اه خريج ازهر دفعة 2000 :-)
وانت ايه؟
بقولك
ماجربتش وانت مروح تقف قدام باب الفندق وتسالهم عن المسئول اللي عمل المطب بالشكل ده
ولو طلعلك حد من العلاقات العامة قوله ازاي تعملو كدة ولو قالك مش احنا واستهبل
قوله انك هاتدخل على كل المواقع اللي بتقيم الفنادق على مستوى العالم وهاتكتب ريفيو زي الزفت لغاية مايشيلو المطب او يعملو يافاطات تحذيرية
وان مفيش اي قانون بيقول انهم يعملو مطب فيشاره(منزل وفي منحنى بالشكل ده)
جرب اهو تهتهم

يا باشا انا ازهرى المولد والمنشأ , والدى شغال فى الازهر وانا وكل اخواتى من اولى ابتدائى فى الازهر بس انا الوحيد اللى اتوكست ودخلت فى الاخر تجاره ازهر رحت محول علطول خاص , لكن حاليا ملفى لسه فى تجاره وعمال اسقط هناك وحولولى شريعه تقريبا او لغه عربيه الله اعلم والدنيا ماشيه زى الفل

فكره الفندق دى جامده قوى , تصدق هعملها بجد , انا بس فى فكره فضايح كدا الاول فى دماغى لو محصلتش هعمل الفكره دى , ما هو الواحد لازم يستغل مكان شغله برده

سلامتك يا نوح ..

البلد كلها مطبات , سواء صناعية او طبيعية اتعود يعنى .

الله يسلمك يا درش , ادينا طالعين نازلين رايحين جايين , هنعمل ايه !!

ربنا يعوضك عن اللى حصل اللى انا جربته فى مطب على طريق الواحات و كان النور قاطع بطول الطريق اللى كان فاضى فكنت بجرى و فجأة كلت مطب على 100 بس ربنا سلم..... ربنا يرحمنا من اللى بنشوفه ده

ربنا يرحمنا جميعا , انا امبارح من الخضه فضلت صاحى لحد الصبح مع انى كنت بموت اساسا وانا راجع عايز انام

زى ما يكون كنت ضارب فنطاس ريد بول

لاحول ولا قوة الا بالله
الف سلامه على العربيه يا احمد باشا
ومعلش هو دا حالنا ،تحس انهم بيقفلوها في وشك :معاك فلوس تجيب عربيه يبقى هنخربهالك ولو معاكش عربيه هنعملك مواصلات غير آدميه ولو هتقضيها مشي هنشيل الرصيف او هنعمل فيه حفر (رجلي كانت هتتكسر لما اتحشرت في حفره معرفش لزمتها ايه وانا ماشي على الرصيف)
وسلامة البرنامج !!!!

الله يسلمك يا مصطفى , واحنا ملناش غير اننا نقول اللهم اجعل برنامجهم عليهم لا لهم

الشعب المصري دة غريب جدا جدا وصعب ارضائة
يعنى الحكومة عملة المطبات دى علشان تختبر العربيات ومدى قوتها ومدى استحمالها
لان العربيات غالية زى مانت عارف ومش كل يوم هتشتري
فهما بيعمل المطبات دى علشان تعرف ان عربيتك متينة وتستحق الفلوس اللى انت دفعتها فيها
ولو العربية جرالها حاجة بعد الشر بيقى تنصح الناس متركبهاش تانى

وكفاية انك تعمل تيست للعربية بنفسك وتشوف النتايج بعنيك
مفيش بلد غيرك كدة

بس كدة عرفت اية قيمة المطبات :)

امال لو الجمارك اتشالت واشترينا هامر هيعملو ايه ؟ , خط مدفعيه بتصريح مفتوح لإطلاق النار !!

انا عربيتى شبعت تيسات , عايزين مرحله الاستمتاع بقا

الحمد للة انك بخير

تسلم يا ابو فرح

[Ahmed Hassan]

على فكره يا ابو حميد... انا شايف انك انت (و شرذمه قليله من المواطنين) اتدلعتوا قوي و بقيتوا بتتكلموا في كماليات و رفاهيات غريبه جدا!!

يا راجل يعني ماسك في الحفر و البلاعات و الطرق الضلمه و المطبات و الشوارع الغير آدميه اللي بتتسبب في اصابة و وفاة العشرات كل يوم و تدمير عربيات الناس - اللي محدش منهم كمل قسطها- اللي راكبينها علشان ترحمهم من المواصلات (اللي هيا كمان غير آدميه او مش موجوده اصلا) ماسك في كل ده... و سايب كل الانجازات و الحاجات الحلوه التانيه!!!!!

صحيح البني آدم ميملاش عينه الا التراب

[Ahmed Nouh]

على فكره يا ابو حميد... انا شايف انك انت (و شرذمه قليله من المواطنين) اتدلعتوا قوي و بقيتوا بتتكلموا في كماليات و رفاهيات غريبه جدا!!

يا راجل يعني ماسك في الحفر و البلاعات و الطرق الضلمه و المطبات و الشوارع الغير آدميه اللي بتتسبب في اصابة و وفاة العشرات كل يوم و تدمير عربيات الناس - اللي محدش منهم كمل قسطها- اللي راكبينها علشان ترحمهم من المواصلات (اللي هيا كمان غير آدميه او مش موجوده اصلا) ماسك في كل ده... و سايب كل الانجازات و الحاجات الحلوه التانيه!!!!!

صحيح البني آدم ميملاش عينه الا التراب

يا فندم ابدا , احنا سعداء بالمطب وانا شخصيا رايح بكره اتصور جنب المطب

متعه واثاره وتشويق هى شعار شوارعنا دلوقتى , حد فى الدنيا بيهشك المواطن بالشكل ده

طب ورحمه الضمير انا امبارح عشت تجربه طيران حر بعربيتى لن انساها ابدا , طرت قبل كدا على طريق المنصوره وطرت على الاوتوستراد بس عمرى ما طرت زى امبارح , ده غير ان كان اول مره اتوصل لمفهوم OverSteer واقعيا والحمد لله عرفت انى بعرف اتفاهم معاه

-----------------

بعد الفحص والتدقيق اكتشفت خسائر مغامره الامس

اولا قفل الكابوت فيه حاجه مش مظبوطه وبقا الكابوت يتهز وهو مقفول كدا ومش عاجبنى وضعه حتى صوت القفل والفتح بتاعه اتغير ومحتاج اشوفه عن حد بتاع كوالين , الكلاكس مغلوش وشويه شغال وشويه لا ومعرفش ده بيتلكك ليه وايه علاقته باللى حصل , برده لقيت ان صوت الموتور الغريب حصل بسبب ان علبه الفلتر الماسوره اللى خارجه منها لوش الهوا اللى راكب قدام كانت اتفكت وركبتها وكله بقا زى الفل بس للأسف لقيت الكلبسات اللى ماسكاها من قدام اتكسرت

قواعد الموتور شكلها مش عاجبنى وعايز ابص عليها عند الميكانيكى

واخيرا شرخ فى الشكمان من تحت محتاج ابص عليه برده لانه مش عامل اى صوت غريب ولا حاجه وعايز اعرف اذا كان اساسا كدا ولا ده من امبارح

[MohaMed_Refaat]

الف حمد الله على سلامتك يا احمد وربنا يعوضك خير وياجرك فى مصيبتك ويخلفك خيرا منها :::

فعلا مشكلة المطبات دية حاجة مقرفة بجد وخصوصا المطبات علوها زاد بشكل فج اصبحت زى متكون تلة او جرف صغير :::

الغريبة انى عمرى مشوفت مطبات فى الاقصر ابدا الا لازم تكون ملونة بفسفور وتكون متدرجة بميل مش عارف اشمعنى المدن السياحية بيهتموا بيها فى المطبات وكل شئ .....

[Ahmed Hassan]

يا فندم ابدا , احنا سعداء بالمطب وانا شخصيا رايح بكره اتصور جنب المطب

متعه واثاره وتشويق هى شعار شوارعنا دلوقتى , حد فى الدنيا بيهشك المواطن بالشكل ده

طب ورحمه الضمير انا امبارح عشت تجربه طيران حر بعربيتى لن انساها ابدا , طرت قبل كدا على طريق المنصوره وطرت على الاوتوستراد بس عمرى ما طرت زى امبارح , ده غير ان كان اول مره اتوصل لمفهوم OverSteer واقعيا والحمد لله عرفت انى بعرف اتفاهم معاه

-----------------

بعد الفحص والتدقيق اكتشفت خسائر مغامره الامس

اولا قفل الكابوت فيه حاجه مش مظبوطه وبقا الكابوت يتهز وهو مقفول كدا ومش عاجبنى وضعه حتى صوت القفل والفتح بتاعه اتغير ومحتاج اشوفه عن حد بتاع كوالين , الكلاكس مغلوش وشويه شغال وشويه لا ومعرفش ده بيتلكك ليه وايه علاقته باللى حصل , برده لقيت ان صوت الموتور الغريب حصل بسبب ان علبه الفلتر الماسوره اللى خارجه منها لوش الهوا اللى راكب قدام كانت اتفكت وركبتها وكله بقا زى الفل بس للأسف لقيت الكلبسات اللى ماسكاها من قدام اتكسرت

قواعد الموتور شكلها مش عاجبنى وعايز ابص عليها عند الميكانيكى

واخيرا شرخ فى الشكمان من تحت محتاج ابص عليه برده لانه مش عامل اى صوت غريب ولا حاجه وعايز اعرف اذا كان اساسا كدا ولا ده من امبارح

ايوه كده... نبص للجزء المليان من الكبايه (بس الراجل يلاقي الكبايه اصلا!!)

الحته اللي في الشكمان دي شكلها كدا shield فوق الماسوره مش هيه الماسوره... علشان كده مش هتلاقي تسريب. بس ممكن دلوقت او بعدين تعمل معاك صوت شخشخه.

بالنسبه للكابوت في الغالب هتلاقي المشكله اللي عند القفل بسبب المفصلات. ضبطهم الاول قبل ما تخلي حد يلعب في القفل و باذن الله هيضبط معاك.

برده الكلاكس هتلاقي الصاموله اللي ماسكه الكلاكس نفسه عايزه تتربط لان المفروض هيا الارضي بتاع الكلاكس.

باذن الله كله يتضبط و ترجع العربيه زي الاول. و تكون جاهز لمغامره جديده

[Ralliart]

على طريق المنصوره فى حته كدا وقعدت فى مره مهدى فيها كتير مش لاقى المطب اول ما شديت بقا وقولت اشتغاله لقيت الهضبه فى وشى , فى مصر لا تثق فى شاره ولا فى يافطه ولا فى ظابط ولا فى عسكرى ولا فى مشاه ولا حتى فى اللى قاعد جنبك لما يقولك خش لسه بعيد

اهو طريق المنصوره ده من كتر ما اتزاولت بقيت كل ما اشوف يافطه بقول دعاء الاستخاره (ادوس ولا ما ادوسش )
والغريب ان اخويا كان مستحقرني وبيقولي يابني مفيش هنا مطب انت مش عارف تحفظهم!!!
وكأن انا الغلطان !!

[mohamed_mohsen]

الف سلامه عليك.....و حسبي الله نعم الوكيل في الناس اللي مابتراعيش ربنا و تعمل اللي علي مزاجها
و مصر....مصر باعتنا,,,,بالرخيص قوي :(

[M.Mosaad]

خدها نصيحه كل ما الطريق يبقي حلو تعرف ان في مطب او حفرة في طريقك حاجة كدة جر رجل

الشوارع كلها افخاخ لأصطياد العربيات و لو حطلك يافطة قبله مش هتاخد المطب يبقي كدة المطب او الحفرة ملهمشي فايدة لان الناس هتاخد بالها

انا بقي عندي سؤال ايه فايدة الكام مطب اللي في الشارع دة ورا بعض يعني مين هيهدي عندهم كلم سيخ حديد و خلاص زي اللي محطوطين عند بيت الريس كدة ملهومشي اي معني غير خراب العفشة

حاجة تقرف

[gebreel]

يا باشا القصة مش في انك تاخد حاجة منهم او لأ الفكرة في ان ممكن حد غيرك ميعرفش اي حاجة عن المطب ده و يلبس فيه و ميعرفش يتصرف و تبقى النتيجة مش كويسة و بالتالي اسمحلي اققلك انك ممكن تشيل ذنب كل واحد يلبس في المطب و ده نتيجة انك مأخدتش اي فعل تجاه الناس اللي مبتهتمش بحاجة دي و لو اخدت موقف و محدش عمل حاجة يبقى انت عملت اللي عليك
و افتكر الحديث اللي فيما معناه من وجد منكم منكرا فليغيره بيده فان لم يستطع فبلسانه فان لم يستطع فبقليه و هذا اضعف الايمان
و ان باللي انت هتعملو ده ان شاء الله تاخد ثواب اماطة اذي عن الطريق و في كل الاحوال انت كسبان ثواب =)

[AAAH]

وحسبى الله ونعم الوكيل فى اللى سايبنا كدا للناس دى تبيع وتشترى فينا لأن محدش كان هينفعنى لما ادخل بالعربيه فى شجره وتجيب أجلى

+1111111111111

[AMIRELGOHARY]

المشكلة طبعا مش مصر فى حد ذاتها لكن الحكومة اللى بتصرف الفلوس غلط والناس اللى كل انتخابات يروحو ينتخبوهم تانى.
جربنا الناس دى 100 مرة ومش نافعيين. عايزيين حد يبص على تجربة ماليزيا و تركيا مش يقارنا بجزر القمر واوغندا.

[pro_samir]

يا راجل خضتني عليك

ربنا ستر الحمد لله ان جت علي كدة وحمد الله علي سلامتك

ومش هحكيلك عن حاجة لأني مش عارف احكي عن اية ولا اية

نموت نموت وتحيا المطبات

بحب مطباتك يا مصر

[pro_samir]

يا باشا القصة مش في انك تاخد حاجة منهم او لأ الفكرة في ان ممكن حد غيرك ميعرفش اي حاجة عن المطب ده و يلبس فيه و ميعرفش يتصرف و تبقى النتيجة مش كويسة و بالتالي اسمحلي اققلك انك ممكن تشيل ذنب كل واحد يلبس في المطب و ده نتيجة انك مأخدتش اي فعل تجاه الناس اللي مبتهتمش بحاجة دي و لو اخدت موقف و محدش عمل حاجة يبقى انت عملت اللي عليك

هو اللي يشيل ذنب ؟

مش عارف حضرتك بتتكلم بجد ولا بتتريأ

عموما ممكن يروح يدهن المطب فوسفوري أسهل ولا يحط يافطة علي حسابة