هي إيه الورقة دي..,,!!!

[icehearted girl]

السلام عليكم ورحمة الله وبركاته

معلش كنت عاوزة استفسر عن حاجة حصلت

دلوقتي اخويا كان ماشي نحية ترسا وطالع علمريوطية... وهو بيعدي الترعة المفروض يمشي نحية الشمال عشان الكوبري دا اتجاهين وبيفصل بينهما طوبة كبيرة شوية

بس هو مخدش باله ودخل يمين مفيش فرق متر تقريبا

المهم سمعنا صفارة عسكري ورا وعمال يشاور

نزلنا لقيناه بيقول كدا عكس اتجاه وبتاع

اخويا قاله معلش اول مرة اجي من هنا المهم قاله خلاص ولايهمك محصلش حاجة

بس انا فضلت واقفة وصممت اشوفه شطب المخالفة او قطعها عشان مبقتش اصدقهم لما يقولوا خلاص

المهم لقيته مطلعلي ورقة بيضا فاضية فيها كام رقم عربية كدا ومن ضمنهم رقمي وقام شاطب عليه

المهم اي بقي الورقة دي يعني؟؟؟ يعني هو اخر اليوم بيسجلهم فعلا في وصولات ولا الورقة دي اشتغالة عشان الناس تنزل تراضية؟؟؟

[ahmedbasto]

الله اعلم ممكن الاخوة يفيدوكى

[mo7a_mo7a]

الاحتمالين قائمين
لكن حكاية الاشتغالة اوقع

[Khaled_Nowaihy]

الورقة دى بيديها آخر النهار للضابط أو أمين الشرطة اللى هو تبعهم ويعملوا بيها المخالفات وهم قاعدين على القهوة

[kemoelord]

طيب كويس ان حضرتك عملتي كده لان انا تقريبا اتحطيت في نفس الموقف وقولتله اول مره اجي المكان ده وقالي مفش مشاكل ودي كانت تقريبا المره الوحيده الي مشيت فيها عكس ,, وكانت المفاجاة الكبرى
مخالفه محترمه 1100 ج سير عكس اتجاه

[abogogo]

الورقة دى بيديها آخر النهار للضابط أو أمين الشرطة اللى هو تبعهم ويعملوا بيها المخالفات وهم قاعدين على القهوة

+1111111111

[Samir Elshahawy]

المهم اي بقي الورقة دي يعني؟؟؟ يعني هو اخر اليوم بيسجلهم فعلا في وصولات ولا الورقة دي اشتغالة عشان الناس تنزل تراضية؟؟؟

هيا الاخيرة , علشان تراضيه بالمعلوم

[icehearted girl]

متأكدين ؟؟؟ يعني مش هروح الاقيها منورة فمخالفاتي؟؟


استاذ كيمو هو برده شطبها قدامك؟؟؟ ولا انت وثقت فيه ومشيت؟؟

[human]

انتى و حظك
و كما قال حكيم الزمان يا مأمنه للعسكرى يا مأمنه لطلعت مصطفى و السكرى

[kemoelord]

متأكدين ؟؟؟ يعني مش هروح الاقيها منورة فمخالفاتي؟؟


استاذ كيمو هو برده شطبها قدامك؟؟؟ ولا انت وثقت فيه ومشيت؟؟

طبعا وثقت فيه ومشيت هههههههههه ما هو اصل انا طيب بهبل معلش معلش

[solycar]

انتى و حظك
و كما قال حكيم الزمان يا مأمنه للعسكرى يا مأمنه لطلعت مصطفى و السكرى

الحكيم ولا سوزان تميم

[Ahmed Hassan]

المهم اي بقي الورقة دي يعني؟؟؟ يعني هو اخر اليوم بيسجلهم فعلا في وصولات ولا الورقة دي اشتغالة عشان الناس تنزل تراضية؟؟؟

وصولات المخالفات لازم تكون مع ضابط. علشان كده الصبيان بيعملوا الواجب في ورقه بيضا... و بعدين يبيضوهم في دفتر المخالفات في الآخر. و ده - بجانب ان العساكر مبيعرفوش يقروا - بيتسبب ان الارقام تتنقل غلط في دفتر المخالفات و الناس تلاقي عليها مخالفات في اماكن عمرها ما راحتها :)

سؤال بقى بره الموضوع...

وهو بيعدي الترعة المفروض يمشي نحية الشمال عشان الكوبري دا اتجاهين وبيفصل بينهما طوبة كبيرة شوية

بس هو مخدش باله ودخل يمين مفيش فرق متر تقريبا

كوبري او شارع اتجاهين يبقى المفروض ياخد يمينه مش شماله. هل انا فاهم غلط و لا حضرتك اللي اتلخبطتي و انتي بتكتبي؟

[icehearted girl]

لاهو مش كوبري بلمعني للي حضرتك تقصده

هي قنطرة صغيرة فوق ترعة المريوطية

فونت جي طالعها بتكون تلقائي واخد يمين شوية

المفروض بقي تكسر شمال جامد علشان تحافظ علي الاتجاه

[abo_lamar]

انتى و حظك
و كما قال حكيم الزمان يا مأمنه للعسكرى يا مأمنه لطلعت مصطفى و السكرى

هههههههههههههههههههههههههههههه

[M.Osman]

انتى و حظك
و كما قال حكيم الزمان يا مأمنه للعسكرى يا مأمنه لطلعت مصطفى و السكرى

ههههههههه