هل تشجع صناعة بلدك ؟ وما هي شروطك لتشجيع صناعة بلدك؟؟

[ahmed1981]

يدور النقاش كثيراً حول تشجيع الصناعة الوطنية المصرية
وكلنا وطنيون نحب بلدنا وأهل بلدنا ولا يوجد من يجرؤ على إتهام أحد بعدم الوطنية
لكن هل تشجيع الصناعة الوطنية يكون على طول الخط بدون شروط

هل نقوم بتشجيع الصناعة الجيدة المتقنة وكذلك الصناعة الرديئة المغشوشة على حد سواء ؟؟؟
أم نقوم بتشجيع الصناعة المتقنة الجيدة الأمينة وإن كانت في طور التطور ونحارب بكل ما أوتينا من قوة تلك الصناعة المغشوشة التي لا دين ولا ضمير لأصحابها

أتمنى أسمع آراؤكم
وشكراً

[tutankhamoun]

أنا أشجع الصناعة المصرية ذات السمعة الجيدة و ذات الجودة الجيدة
و أشتري المصري حتى لو كان هناك مقارنة بينه و بين منتج مستورد بنفس السعر و المصري أقل تكنولوجيا و لكن في نظري المصري يكسب و بحب أنفع مصر
و بدون تشجيع المنتج المصري من قبل مصريين سنظل في الخلف دائما ..........
و شكرا

[PRO-DRIVE]

نعم لو كانت جيدة حتى لو أقل من المستورد بقليل

و مدام في تطوير يبقي عمره ما حيفضل مكانه
:)

[aif]

اشجع الصناعة المصرية طبعا.. لكن يكون فيها الحد المعقول من الجودة ولو كانت اقل من المستورد
المشكله عندنا ان مافيش اتقان وخصوصا في التشطيب والتغليف ( الفينيشنج )

[segsauer]

المشكله عندنا ان مافيش اتقان وخصوصا في التشطيب والتغليف ( الفينيشنج )

المشكلة عندنا أن مافيش ضمير و كل حاجة ماشية بالبركة

[Mohamed_Hegazy]

انا اشجع الصاعة الحليه على طول الخط ولايوجد فى قاموس الشراء عندى غير هذا الا فى مسائل نادرة واضطرارية ولكن ابحث عن الجيد منـــــــــــة

[Mohamed_Hegazy]

"المشكله عندنا ان مافيش اتقان وخصوصا في التشطيب والتغليف" هذه هى التضحية التى سيكون عليها الاجر ومنها النفع ان شاء الله يأستاذ احمد إبراهي

[Chicco]

اللي إتلسع من الشوربة بينفخ في الزبادي .........أوف أوف :D
الموضوع بقى ضحك على الدقون ....منتج أقل جودة بسعر أعلى و كمان مفيش خدمة ما بعد البيع (لازم واسطه في كل حاجة ؟!)
و المستهلك الغلبان هو اللي لازم يضحي عشان خاطر مصر ..... سؤال بسيط ليه المنتجين الحلوين مايضحوش شوية و يتنازلوا عن هامش الربح الخرافي عشان خاطر مصر
و شوية اسئلة صعبة : ليه مافيش مكاتب خدمة عملاء تحل مشاكل من غير واسطة (ده منهم مبيردش على التليفون أصلا ) فين مراقبة الجودة و فين المواصفات القياسية المصرية و جمعيات حماية المستهلك إلخ إلخ

[جندى مجند]

أنا اخترت "نعم لو كانت جيدة حتى لو أقل من المستورد بقليل" لكن عايز أضيف عليها شرط واحد: ان السعر يكون أقل من المستورد -- يعنى مثلاً لو حضرتك جيت تشترى بلوفر مصرى تلاقى حاجة من اتنين: إما ان ذوقه كويس و خامته حلوة و السعر طالع فى العلالى جداً جداً أو ذوقه ردئ و خامته رديئة و سعره معقول (مش حأقول رخيص لأنى مشفتش بلوفر مصرى رخيص) -- قارن الكلام دة بأى دولة عربية حضرتك بتلاقى فيها أذواق راقية جداً و خامات ممتازة و أسعار معقولة جداً ... يبقى اللى حاصل ان مصنعى الملابس فى مصر بيستغلوا الحماية اللى بيديهالهم القانون فى انتاج منتج ردئ أو منتج مبالغ جداً فى سعره ... يبقى ايه اللى يخلينى أشجع واحد بيضحك عليا و بيخدعنى فى السعر أو الجودة؟؟؟

على الجانب الآخر هناك منتجات مصرية ممتازة و اللى أنا جربته منها تجربة شخصية و لمدة عدة سنوات: تليفزيونات و ثلاجات توشيبا، أطقم الصحى أيديال استاندرد و ديورافيت (بتحصل أحياناً بعض المشاكل لكن خدمة الدعم الفنى ممتازة و سريعة و بيتم تغيير قطع الغيار مجاناً من غير حتى ما يطلب الاطلاع على فاتورة الشراء أو تاريخ الضمان) و بوتاجازات كريازى (برضة بتحصل مشاكل لكن الدعم الفنى ممتاز) ... و المنتجات دى يعتبر سعرها بالنسبة للمثيل المستورد منافس جداً و حتى لو جودة التشطيب أقل قليلاً فتوفير بضعة آلاف من الجنيهات فى المقابل يعتبر صفقة رابحة.

[عزوز]

الصين مش هتدينا فرصه

[Mohamed_Hegazy]

ياعام Chicco انتة راجل فرنساوى على يابانى الكلام داة ما بمشيش معاك وبعدين الناس دول سيبك منهم خلليك فى السريع المضمون انتة لسة هاتستنا لحد مايتهجو - وانصحك كمان تخخللى طيارة امريكانى صغيورة كدة على ضهر العمارة واول ماتشوفها بتتحرئ طير ياباشا حياتك غالية

[Mosso]

انا اخترت " نعم مهما كانت جودتها حتى لو رديئة "
اهو على الاقل يبقى زيتنا في دقيقنا و احنا بايدنا بنكبّر بعض
طب ده انا مستني مصر تصنع بس " آله حاسبه " و انا هشتريها حتى لو بتجمع و تطرح غلط

[emadkamel]

اشجع الصناعه الوطنيه لما الصناعه الوطنيه تشجعنى ... يعنى الاقى الحاجه متقفله صح ... فى ضمير فى صناعتها وتسعيرها...يعنى لعب الاطفال البلاستيك مافيهاش حز يعور الاطفال ... اساسا تكون معموله من بلاستيك نضيف... اللبن مايكونش فيه بودرة سيراميك وسماد يوريا ... المياه المعدنيه تكون اصلا معدنيه مش ميه حنفيات .... الفراخ ماتكونش سافه هرمونات ... الخضار مايكونش غرقان مبيدات مسرطنه .... العربيات تبقى متقفله صح ماتدخلش ميه ..... الخ الخ

لما ده يحصل اكيييد كلنا - كمستهلكين يهمنا فى المقام الاول فى الزمن الاغبر ده الجوده والسعر - كلنا هانشجع الصناعه الوطنيه

على فكره يوجد صناعات وطنيه كتير مشرفه جدا وبنعتمد عليها زى زجاج جريش، والاسمنت والحديد والسيراميك والملابس .... يعنى الصوره مش سوده اوى

[Chicco]

ياعام Chicco انتة راجل فرنساوى على يابانى الكلام داة ما بمشيش معاك

لا يا عم فؤاد لا أنا ياباني ولا فرنساوي يمكن إنت تركي بس مش واخد بالك ;)
و الموضوع مش للتشكيك في وطنية حد الموضوع هل تشتري منتج مصري برغم كل عيوبه
زاي ما قلت ياما اشتريت و لسة بشتري مصري بس كمية الاحباط اللي الواحد شافها يخليه ينفخ في الزبادي

وانصحك كمان تخخللى طيارة امريكانى صغيورة كدة على ضهر العمارة واول ماتشوفها بتتحرئ طير ياباشا حياتك غالية

مش فاهم قصدك إيه بالظبط يا ريت توضح ........و على فكرة أنا في كندا مش أمريكا

[ahmed]

يا بشوات هو احنا عندنا صناعه اساسا ده احنا لا بقى عندنا زراعه ولا صناعه

مين يقول ان المنتج الصينى ((مش بتكلم على السيارات )) مثلا زى اللبس او حتى الولاعه يكون سعرها رخيص جداا وتقفيل اللبس حلو جداا وبسعر رخيص
وتقولى صناعه بلدك
هو احنا عارفين نعمل رغيف عيييش لما هانعمل صناعه
انا مش متحامل على الصناعه الوطنيه بس انا نفسى تكون منافسه للى موجود فى السوق عشان اقدر احط فلوسى فى حاجه كويسه