أريد أن أشتري سيارة ماتريكس 2008 أو نصيحتكم

[fahd_628]

البونتو عربية جميلة و ايطالى بس مشكلتها انها عربية صغيرة ممتازة جدا جدا للمدينة

الباليو و السيننا بلاش لأنهم تقفيل صينى

اونو تقفيل برازيلى على ما اعتقد

رأى هات شاهين

[ahmad2008]

شكرا لك أيها الفهد
بمناسبة الشاهين سمعت إنه سوف يقف إنتاجه في مصر
وسيستبدل بالفيرنا
هل هذا صحيح
عموما أنا ما زلت أميل الى اللانوس

[الريس]

لو هبد و رزع بلاش كوري و دي نصيحتي
لو عاوز تركب فيات حديث شوية هات تمبرا ..
غير كده الحديث ضعيف على مدقات و مطبات البلد و ظروفك

[مدحت منيب]

بصراحه " انا ليزر " جاب الخلاصه ..

هات اللانوس عشان ترضى نفسك و ده عنصر هام لان يغور القرش اللى ما ينزّه صاحبه ، و راعيها شويتين فى المطبات .

و اعمل صياناتها صح فى وقتها

وايه يعنى ن كل ما تعوز مقصات هاتها لها

ما فيش مشكله

الصرف على العربيه بيخلّيها الى الابد بحاله ممتازه

[عزوز]

اركب جيب وسيبك من السيدان

[أبو ياسين]

ان معايا لانوس بعمل بيها حوالى 120 ك فى اليوم بقالها 6 شهور و شاريها زيرو مشتكتش و الحمد لله
مع ملاحضه ان فى شوارع صعبه اوى بامشى فيها حوالى 10 ك شوارع مكسره وباقى المشوار طوالى

[Hossam_Hassan]

خليك فى شاهين زيرو و اتكل على الله

[ahmad2008]

شكرا للإخوة الأعزاء
كنت اليوم بالقاهرة - للمرور بالمعارض وأخذ فكره
بصراحه نفسياتي تعبانه - العربيه اللي تحس إن فلوسها حلال
وتدفع الفلوس وانت مطمئن ثمنها لا يقل عن 120ألف وأكثر
زي البيجو 307 والميتسوبيشي وغيرها موديلات فخمه مالناش فيها
واللانوس حوة وممتازة من بره لكن لما تقعد في العربيه
التقفيل والتشطيب والكاسيت وبتاعة أكواب الشاي دي
زي ما يكون بلاستيك قديم متشطب كويس
وكأن العربيات بتتقفل تحت السلم أو المهم للشركات المنتجه ديا
عايزة فلوس وبس ..... وبعدين العربيه في التوكيل بيقولوا ب67.5ألف والاستلام بعد ثلاث شهور .... بره التوكيل الكاش 70 عشان حتستلم في نفس الأسبوع
ولو قسط طبعا البنديره بترتفع ياحبيبي 40% والغريب بعضهم قاللي : لازم المدام تضمنك !!!!!!!!!! ليه ؟!!!!!!!! لازم وبس .... المدام زوجتي لا تعمل والحمد لله وليس لديها وظيفه ...برضو لازم المدام . ياعم بلاش أجيب من عندكم إحنا فلاحين ومانحبش حريمنا تظهر ــــــــــــــــــــــــــــــ
المهم أني حمد الله كثيرا أنني من طبقة شبه متوسطه أو معرفش المهم أني قريب من الناس اللي بيسموهم محدودي (أو قل محلولي الدخل) وكذلك البسطاء من عامة الناس
الغريب ان الناس بتوع المعارض عندما تتحدث عن التقسيط يستقل بيك ويعاملك معاملة وكأنه يمن عليك إنه بيقسطلك مع إنه المستفيد وإنت الي بتفيده والعربيه بيحتفظوا بملكيتها ومع ذلك بيتكبروا عليك .... على رأي اللي قال : حسنه واحنا أسيادك !!!!
دوشتكو شاااااااااكر جدا للإخوة الذين شاركوني