مين افضل و امهر سائقين من خلال مشاهداتك اليومية حسب نوع العربية

[Hossam_Hassan]

كلنا وحشين قوى فى سلوكنا، بس بجد اللى باحترم سواقتهم هم سواقين التاكسى الكبارة اللى بيكونوا راكبين 504، مش عارف ليه بقابل كتير منهم محترمين فى سواقتهم، ده بالنسبة للقاهرة، اما الصعيد فالناس هناك مؤدبين فى سواقتهم و اللى بجد بجد باكره سواقتهم، أى عربية نمر شرقية لدرجة انى متعقد منهم - مع احترامى الشديد لكل أهالى الشرقية -

[Dr_Mido]

:dسواقين ميكروباص لاطريق الزراعى وخصوصا سواقين المنيا
ربنا مايوريكو الجنان اللى بيعمولة على الطريق ماشيين فى الحارتين وعادى الطريق رايح جاى بتاعهم

[cpt_shawky]

سواقين ميكروباص الدائرى موقف العاشر الناس دى تستحق عن جدارة تاخد كاس فورمولا 1......انا كتير بحب اركب معاهم وكرسي قدام اهم شئ واتفرج بقا :)احلى من دريم بارك مليون مرة :D:D:D:D


المرتبة التانية سواقين C T A :D


:p:p:p اركب وأدعيلي

[yahyanaabil]

انا مش بحكم بالعربيه لان عتدى واحد صاحبى معاه شاهين 98لما بيشد على البحر بيبهدل الدنيا والغريب ان العربيه سحبها مش طبييعى انما العربيات اللى توحى ان اللى راكبها سواق محترف
الbmw دبانه بالذات لو كان مظبطها ده تقلق منه وبعد كده الجولف4
وفى عربيات الناس لما يركبوها يبقو فاكرين انهم الوحدين اللى بيعرفوا يسوقوا زى اللانسر والفيرنا

[analyzer]

انا برضه بحكم من طريق المشي والحدفة والبصة والايحاءات اللي بيمشي بيها البني ادام
بس النهاردة الصبح واحدة خاتني احكم غلط خالص
انا الشارع اللي ساكن فيه شارع متفرع من شارع رئيسي كبير
وبما ان الغاز الطبيعي بيدخل عندنا بقي الشارع عبارة عن حفر بينهما مسافات صغيرة تطلع عليها بالعربية
وبدور وهاخد نص الشارع بضهري زي كل يوم
لقيت واحدة خارجة بلانوس وتقريبا ماشية على 60 والشارع مايستحملش اكتر من 3 كم في الساعة
العربية كانت لانوس بتتنطط منها وبتطير تقريبا
انا بصراحة ماكنتش مستوعب ولولا ان العربية كانت باردة كنت حصلتها ووقفتها لانها كان ممكن تقتل اي شخص بالطريقة دي
بس برضه مش بحدد الجنس ولا العربية
بس بصفة عامة كل الشباب الروشة بتوع القليوبية اللي ماتعرفش ان العربية ملاكي ولا ميكروباص من كتر الاستيكر والنواكل اللي ملزقينها وكانهم شاربين بالقرش كله دول لازم ابعد عنهم

ايه بس يا كريم مالهم شباب القليوبية انت بتجمع كل القليوبية طيب يا راجل مقبلتش ولا واحد كويس دى الحكمة بتقول لكل قاعده شواذ ولا ايه .
واعتقد ان طريقك هو الدائى ومعظم الدائرى نمر قليوبية فكونت الفكرة من هنا بس لو ركزت وفكرت اكتر هتلاقى كتير تانيين بيعملو نفس الاخطاء وهتلاقى كتير قليوبيه ماشيين صح ومن غير الاستكر كمان

[Dr Ahmed]

ههههههههههههههه...ماشى يا كيمو .... طب أنا هغطى العربية استيكرات ونواكل وأنا جايلك المرة الجاية...

[SEATLOVER]

أجمد تعليق شوفته فى الموضوع ده إن إحنا فعلا فى مدينة ملاهى كبيرة بس مابنلعبش عربيات متصادمة بنلعب عربيات متسارعة



------------

نفسى يا جماعه نقدر نفرق و نبطل نفرض أحكام جماعية على كل الناس أو على فئة ما بسبب إنطباعات شخصية على مجموعة منهم



هاضربلكم مثال و أرجوا إن نتأمله حبه عشان نكون موضوعيين :
-------------------------------

دلوقت عندنا أسرة مكونة من 5 أفراد و الأسرة دى تمتلك 4 عربيات كالتالى

1- 128
2- كرولا
3- فيرنا أو لانسر
4- بى إم 520

الأسرة دى الأب راجل 68 سنة الأم 48 سنة و الأولاد واحد 30 أخته 25 و الأخ الأصغر 18 سنة

لو الواد الصغير ده شاب روش و راكب الانسر أو الفيرنا هاينطبق عليه إنطباعات معظمكم لكن لو والده ركب العربية فى أى مشوار فالوضع غير طب لو أخوه الكبير ده عاقل و راسى مش بتاع غرز ولا تزنييق ؟ الوضع غير

طب فرضا الواد الصغير ده ضرب على ال 520 مشوار ؟ هايسوقها ذى ما باباه أو مامته سايقينها ؟
طب أخته هاتسوق ال 128 هاتقولوه بتزنق و مش بتعرف تسوق طب لو ساقت الكرولا ولا اللانسر ؟

إعملوا التباديل كلها و التوافيق

-------------------------

النتيجة ماينفعش نحكم على محموعه من الناس بنفس الأسلوب ده لمجرد إنهم سايقيين ماركة معينه نهائى

وأرجع أقول التعميم فى هذه الحالة غلط تماما و كل السائقيين فى الشارع حواليك توقع منهم أى حاجة فى أى وقت حتى لو سايق فيرارى

مش جايز سايق بورش و معدى من جنبك و ماسك حاجة ساقعه أو سخنة بيشربها إتدلقت عليه ؟ فجأه ...إتخض و ساب الطريق عربيته حدفت عليك هب لبست فيه مع إنه واد جامد و راكب بورش وبتبرق و مفيش فيها خدش واحد؟

الموضوع ماينفعش فيه التعميم و لازم تحرص من كل إللى حوالييك دى وجهة نظرى

-لو احنا فى مدينة ملاهى فدة ميزة و عيب :
العيب ..ان عنيك فى وسط راسك دايماً
الميزة ...اننا من افضل البلاد كسائقين و بالذات اللى راح الخليج هايقولك سمعتنا اية فى السواقة

المثال المستخدم كان لأسرة جايبة ب 600 الف عربيات مفيش بنها اى صلة ...و اعتقد دة نادر اوى و لو حصل مابيديش انطباع عام لسائقين نوع العربية دى لأنة بيبقى مشوار و خلص.

بخصوص التعميم احنا طبعاً مش بنعمم بس بنتكلم انة اختيار نوع العربية بيفرق فى طريقة سواقة اللى راكبها ...يعنى مش معقول و احد اقعد يدرس فى امكانيات السوبارو و جابها هايكون سواقتة ذى اى عربية تانية بنفس السعر ...على الناحية التانية اكيد فى انطباع عام عندنا كلنا على نمط سواقة الهوندا سيفيك و الانسر ذى ما قال معظم اللى شاركوا ...لانها واضحة جدا ( انا شخصياً بقدرهم جداً بس ساعات بيزودوها شوية )


وبالنسبة للى سايق البورش و ماسك حاجة ساقعة ولا سخنة و اتدلقت علية ...هو دة اللى هايلخبطة و يدخلة فيك .....!!!!!!
90% لو طلعتلة عربية راكنة من الجنب و هو ماشى على 100 هايعمل خمستين قبل ما يحصلها و ممكن يركن بدالها .

الخلاصة :: احنا مش بنعمم ابداً و كل قاعدة لها شواذ و مش المقصود ابداً ولا الصح اننا نحكم على سواقة الناس بنظرة طبقية او حسب تمن العربية ...و الدليل من كلام المشاركين مش من كلامى
BM الدبانة .... مش غالية ...بس محترفين
الابيزا و الهوندا و الانسر ..الموديلات القديمة اللى هى مش غالية ....بس محترفين



و من جهة تحرص من كل اللى حواليك دة اكيد و واجب بس حط نفسك مكانى ...
لو انت داخل شارع ضيق و اتقابلت مع عربية سوبارو جاية فى المقابل ....هاتوسعلها اوى و تقفل مرايتك اليمين عشان تبقى هاتلمس العربية اللى على يمينك و تخاف على نفسك اوى ذى ما تكون مقابل عربية من 3 ارقام ؟!!!!

وعلى العموم كلها وجهات نظر مختلفة بس لو ركزت فى ردود كل اللى شاركو هاتتطلع بتيجة فيها انطباع عام ذكى من كل الاعضاء .

[memo_hefnawy]

صدقنى لو مشيت و ركزت فى مناطق مختلفه هاتشوف العجب

أنا شخصيا أعرف أكثر من صديق إشتروا عربيات من الفئات المصنف أصحابها بأنهم محترفيين إللى إشروها لسه بيتعلموا سواقه و على قدهم

مش كل واحد ركب سوبارو بقى معلم ولا كل واحد ساق دبانة بقى جامد ولا كل واحد راكب سيفك بقى صايع :) صدقنى فى يوم من الأيام هاتغير رأيك بس يارب ماتغيروش لما حد من دوول يريح عليك أو يخربشك :)

[mino]

كل سواقين اوتوبيسات النقل العام بجميع احجامها و خاصة الجديد منهم بيجرو و يعملوا غرز و لا كأنه راكب ملاكي

[Karim_Monir]

ايه بس يا كريم مالهم شباب القليوبية انت بتجمع كل القليوبية طيب يا راجل مقبلتش ولا واحد كويس دى الحكمة بتقول لكل قاعده شواذ ولا ايه .
واعتقد ان طريقك هو الدائى ومعظم الدائرى نمر قليوبية فكونت الفكرة من هنا بس لو ركزت وفكرت اكتر هتلاقى كتير تانيين بيعملو نفس الاخطاء وهتلاقى كتير قليوبيه ماشيين صح ومن غير الاستكر كمان

لاء ابدا ماقصدكش طبعا بس فيه نوعية كدة تحس انها راحت عند بتوع الاستيكرز اللي تحت الكوبري وملى العربية استيكر وكتير قوي تلاقيهم حاطين الكلام بالمقلوب وفتها بعيني وكلة كوم والنواكل كوم
انا لما شوفت واحد عامل ايه في الكرولا نزلت شيلتهم وكسرتهم من العربية بالذات اللي ورا
بس دي انطباعات عن اناس معينة طب برضة سواقة الشباب الحلوة بتوع المنصورة بشعة
مش كلهم ناس منهم كدة بيتعرفوا
دكتور احمد ممكن تجيبلي شوية الزقهم على العربية معاك اهو ابقي شاب روش ويمكن الناس تخاف مني

-------
حفناوي معاك حق عندنا في الشغل واحد معدي ال 50 وسواقتة بيجي الرابع على 40 لسه جايب حتة جولف 4 في طقم جنوط 17 غالبا واخدها زي ما هيا
انا لو شوفتة عالطريق هاوسعلة لكن لو عرفتة عمري ما هاوسعلة لانه هايشلني وراه:o