السيارات الصينية..!

[walidzakzok]

فعلا والله يا دكتور الفئة السعرية دي فى مصر للاسف مفيش فيها عربية ممكن تتركب للاسف ....وانا شايف الكلام دة لحد دلوقتي حتى بعد ظهور اللوجان والساجا

[m.salama]

وبعد دوخة مع بتوع العفشة لقينا بلاستيكاية من تحت المساعدين بتخبط في السوست وتعمل أصوات

وبعد فترة لقيت الزجاج الأمامي ينزل ولا يطلع بداية من الساعة 12 ظهراً الى الثانية عصراً فقط ( والله العظيم كما أقول بالضبط ) ,, طبعاً روحت لكهربائي عشان انا من المنيا وصعب اروح التوكيل عملنا عدة محاولات لحد ما عرفنا وجود خلل في بوردة التحكم وغير المقاومة البايظة واتحلت المشكلة

ولما روحت التوكيل وسألتهم على البوردة قالوا ب 1100 ج وما بتتصلحش ومارضيتش اغيرها ولقيت الناس هناك تبدي تذمراً شديداّ من السيارة ومشاكلها

وبعد شهر جابت زيت باور من تحت والعلبة الباور باظت .. غيرتها على حساب التوكيل

أقصى سرعة لها كانت 160 بدون تكيف بالطبع ولو شغلت التكييف العربية تسخن

وبعد شهر لقيت مؤشر البنزين بيلعب .. روحت لنفس الكهربائي فكينا التانك ونظفنا العوامة واتصلحت وبعديها بشهر كررنا نفس الحكاية مرتين وسلمتها للمشتري بنفس العيب

وبعد سنة بالتمام والكمال لقيت التوكيل شال اسم الشركة من على الصيانة وبطل يستورد عربيات تاني ومخزون قطع الغيار فضى لدرجة عدم وجود زجاج او فوانيس او اي حاجة

دب الرعب في قلبي بعد ما كنت مصبر نفسي


قررت البيع فوراً


بعتها بعد اعلان في جريدة الاهرام ولم يتصل بي احد نهائي الا بعد اسبوع من الإعلان واحد منن الزقازيق
قال لي انه عارف العربية دي ولها فرع صيانة في الزقازيق
واشتراها مني ب 41 الف يعني خسارة 23 الف جنيه في سنة ونصف ( كانت ب 64 الف ج ) وبعد بيعها ب 9 شهور مسكها توكيل تاني أظن انه محترم شوية عن السابق

وبالتالي لا أنصح بالصيني بتاتاً ,, اشتري أي حاجة من شركة عريقة توكيلها محترم

شكرا لنقل تجربنك انا اوافق معاك لكن بالنسبة speranza & brilliance؟ وخصوصا ان اصحاب توكيلتهم ناس محترمة ؟ وهما ابو الفتوح ل speranza ال كان ماسك توكيل bmw قبل مايتهم في قضيته وكان يستحوذ علي دايو ايضا ..و bavarian auto group ل brilliance وانا فعلا اثناء تحريري لهذا الموضوع لم افكر الا في الشركتين دول يعني في سيارات صيني معينة انا عن نفسي مش بفكر فيهم كماركة ولا اسم مثل السيارة التي تشابه ال terios القديمة وال مشابهة ايضا لل C-class واخيرا وليس اخيرا ال Mini cooper الصيني

[m.salama]

بالنسبة ليه الصيني مبيركبش عربية صيني : لان المستهلك معندوش ثقة في منتج بلدة اولا ثانيا لان الصين لم تنتج لحد الان محرك سيارة وكل الموجود تجميع في الصين بس مش متصنع بالكامل في الصين وهوة دة السر الي مخلي الدول العظمي متتطورة والصين مش عارفة تحصل تقدمها
الدول الكبيرة تنتج منتج كويس وتبيع منة فترة لغاية الصينيين لما يبداو يقلدو المنتج دة وينزلوة ارخص في الوقت دة بتكون الدول دي خدت مكاسب كفاية ومش هتدور مين الي قلد بل ستستمر في انتاج منتج احدث!
والدليل علي دة الاي بود!
اكبر سوق في الصين لسيارات الفولكس

اوفق معاك وشكرا علي معلوماتك لعدم خبرتي زي ما قولت في البداية انا لا اعرف ماذا يركب الصينيون..بس دي حاجة ايجابية لرؤيتي لانهم مثلا جمعوا مواتير Mitsubishi في Speranza ودا ممكن يكون عامل يطمن شخص ناوي يشتري هذة السيارة..وكنت عايز استفسر علي حاجة هي ماتور التيجو ال 2000 cc هو بتاع ال Mitsubishi Galant زي Speranza A620؟

[m.salama]

الكلام ده كان في 6 - 2006 الوضع كان ازاي ؟

كنت عايز 1600 بها جميع الكماليات وفي حدود ال 70 الف فقط
ماكنش فيه الا الفيرنا 1500 او الشاهين 1600 في التوقيت ده واللانوس الكاملة كانت بالحجز ولفيت على المعارض على واحدة كاملة ما لقيتش حتى عند ابو غالي
وكان الجيلي والشيري لسه جداد في السوق
ذهبت جربت الشيري جوه معرض الفرسان ما عجبنيش صوتها من داخل الكابينة
ذهبت للشاهين عند شيرين كار الراجل صاحب المعرض كان بيبيعهالي وهو مكسوف وقال لي بالحرف الواحد بعد ما خلصت وقررت اني اشتريها " تعالى لي بكرة نمر على المصنع نربطها شوية " !!! روحت خالع منه يا فكيييييك

اعلانات الجيلي كانت بالهبل في الجرايد

ذهبت للمصرية قال لي ب 66 ذهبت للتوكيل كان عامل عرض ب 63900 ج
زي الأعمى خلصت فيها بدون مخ من زهقي وكثرة لفلفتي على المعارض

ان شاء الله ربنا يكرمك ويكرمنا بأحسن منها..اكيد ربنا حيعوضهالك و ممكن يكون تعويضه أحسن بكتير من اللى أنت متخيله أو من اللى أنت ممكن تضايق أو تكتأب عشانه

[د.محمود صلاح]

ان شاء الله ربنا يكرمك ويكرمنا بأحسن منها..اكيد ربنا حيعوضهالك و ممكن يكون تعويضه أحسن بكتير من اللى أنت متخيله أو من اللى أنت ممكن تضايق أو تكتأب عشانه

شكراً لدعائك ,, بالفعل طلعت من المصيبة دي ووقعت في ضحضيرة ( ميجان 2006 أعلى فئة مستعملة ب 111 الف وبعتها بعد شهرين من رعبي منها وعليها ب 95 الف )

[m.salama]

شكراً لدعائك ,, بالفعل طلعت من المصيبة دي ووقعت في ضحضيرة ( ميجان 2006 أعلى فئة مستعملة ب 111 الف وبعتها بعد شهرين من رعبي منها وعليها ب 95 الف )

هي عربية ممتازة بس سوقها في مصر بيقع كل يوم عن اليوم القبله..واحد قريبي لسة جايب واحدة 2005 أعلى فئة..جنط,سقف بانوراما,زينون بـ60,000 ألف جنيه!!..110.000 km

[ihabchina]

مواضيع متكررة ومتشابة عن الصينى

http://www.nilemotors.net/Nile/92377-a.html

http://www.nilemotors.net/Nile/146164-a.html

http://www.nilemotors.net/Nile/146166-a.html

انا هرد بحاجة واحدة بس

اللى سافر مثلا shanghai ياريت يقولى شاف عربيات اية هناك!!

الاجابة /0 من العربيات الصينى هنا فى مصر وشكرااااا

خدوا الكلام من واحد صينى ههههه ده انا عايش معاهم وحافظهم صم

[د.محمود صلاح]

ihabchina حضرتك

حتى ولو ماركة عالمية ومتصنعة في الصين ؟

[snakeson2]

لو ماركة عالمية متصنعة في الصين بتكون متجمعة وبيراعو فيها ادق معايير الجودة لان المراقب علي الشغل اجنبي ويحب يتابع كل كبيرة وصغيرة وبيبقي معاهم كل التكنولوجيا!
الصيني مجرد عامل عندة وبيعمل الي بيتطلب منة !
الصينيين فيهم داء زي اغلب المصريين مبيحبش منتج بلدة ومبيشجعوش! ودة سر تخلفهم من وجهة نظري
انا مش عايش معاهم بس انابتكلم زيهم وبفهمهم !
هههههههههههههه

[ihabchina]

فى مثل هما عارفية جدا وكل اللى بيتعامل معاهم عارفة

اللى متغطى بالصينى عريان ههههههه