امسك الشمال وكبر الدماغ

[lamborghiniMan]

يا جماعه عاوز اخد رأيكم في حاجه مهمه جدا جدا جداا
تريح الناس في الشارع
وانت بتسوق عربيتك
لو ماشي علي مهلك هتمشي شمال ولا يمين
ولو هتمشي سريع هتمشي ازاي
ياجماعه الموضوع ده مهم جدا
في ناس والله والله والله بتسوق ومتعرفش الحكايه ديه
ياريت لو في ردوود
نفسي الموضوع يكبر والناس تعرف الحكايه ديه

[lamborghiniMan]

يعني محش رد ياجماعه
هوا انا بقول حاجه غريبه ولا اييييييييييييييه ؟
الناس فيين ؟

[tutankhamoun]

يا راجل يا طيب ده أنت مستعجل قوي
ده الفرق بين ردك رقم 1 و رقم 2 هما ثلاثة دقائق فقط
نرجع بقى لموضوعك
اللي عايز يمشي على مهلة يمشي يمين طبعا
و السريع يمسك شمال
بس في مصر .......... الناس بتسوق بمزاجها على الآخر و كله على كله و كله ينطح كله

[ahmedezzat78]

المصيبه ان على السريع النقل بيمشى شمال و بيحدف زلط

السواقه بقت بالدراع

[dr.ayman]

اليمين لو ماشى بطىء و الشمال للسريع بس مش كل الناس عارفه اصلا ان الشمال و اليمين فى فرق بينهم

[analyzer]

اعتقد ان ده اول بند من بنود قوانين السواقه
يمينى بطئ وسط اسرع شمال اعلى سرعه
ولا يتم التنقل بين الحاراة الا بقواعد 1
- تدى اشارة فى الاتجاة المراد الانتقال اليه
2- تنظر فى المراة الوسطى ثم مرئه الجانب الى هتنتقل اليه
3- يجب عدم الانتقال اذا وجد ان السيارة القادمه فى الحارة المجاورة مسرعه وهتلحقك قبل ما تشد بعربيتك
ده الى المفروض يحصل ولكن للاسف ده مبيحصلش خالص اما لعدم المعرفه او للبلطجه او قلة الادب او انعدام الاخلاق الا من رحم ربى
وربنا يهدى كل ضال

[Dr_Mido]

اعتقد ان ده اول بند من بنود قوانين السواقه
يمينى بطئ وسط اسرع شمال اعلى سرعه
ولا يتم التنقل بين الحاراة الا بقواعد 1
- تدى اشارة فى الاتجاة المراد الانتقال اليه
2- تنظر فى المراة الوسطى ثم مرئه الجانب الى هتنتقل اليه
3- يجب عدم الانتقال اذا وجد ان السيارة القادمه فى الحارة المجاورة مسرعه وهتلحقك قبل ما تشد بعربيتك
ده الى المفروض يحصل ولكن للاسف ده مبيحصلش خالص اما لعدم المعرفه او للبلطجه او قلة الادب او انعدام الاخلاق الا من رحم ربى
وربنا يهدى كل ضال

كلام مثالى بس زى ماقلت مبيحصلش
والله بحس ان السواقه عندنا خناقه ولازم محدش يعديك ولو عداك يبقى تحس انه غلط فيك تقلب بسبق ونتيجته سئيه سوا عليك او عليه او على الطريق والناس اللى فيه
و موضوع العند والغرز
ميبقاش شب ومعاة عربيه كام Cc الا اذا عمل فيه برم وسايق على 180
مكلنا بنعرف نجرى على سرعات عاليه
اى حد مبيعرفش يسوق حتى وداس بنزين فى طريق واسع ممكن يوصل ل 200
بس تطلع محور وتجرى على 160 واتخد غرز علشان تعدى الزحمه اتعملت مع واحد صاحبى راكب بيجو 206
وبياخد غرزة من عربيه لقا واحدة تانيه فى وشه فرمل جامد العربيه لفت ودخلت بجنبها فى الرصيف وعجلها اتنى
:dبس ارجع وااقول بمناسبه ان قانون الغابه هو اللى ماشى فى الشارع ونظريه عرضها وعدى هى الاساس فانا شخصيا بطبقها بس مش على طول

[seka]

انا ححكلكم على حكاية كدة بخصوص لية النقل الكبير بيمشى على السريع على الشمال كنت راكب مكروباص تويوتا من القاهرة طنطا زراعى وكنت قاعد قدام وبعدين لقيت نقل كبير جاية بسرعة من الشمال فقولت للرجال شوف الاستهبال بتاع السواقين لقيت السواق بيكلمنى بصوت عالى و يقولى حقه قولته ازاى يعنى فقالى اليمين مينفعش حد يمشى عليه خالص عشان بيبقى فى عربيات وقفة و او ورش بتبقى وكله جزء من اليمين عرفت بقى يا بيه واما الموضوع قلبتة فى دماغى عرفت لية السواق اتحمق له بالرغم ان كان ممكن النقل يدهس المكيروباص ويموتنا واخدت بالى ان صحيح سواقين الاجرة والنقل بالاجمع ناس من قاع المجتمع رد سجون حياتهم كلها بالدراع وعشان بنلقى سلوكيات و اوضاع غير حضارية بالمرة على الطريق

[Dr_Mido]

مش شرط سواق ميكروباص او نقل علشان يبقى بلطجى
فى منهم ناس محترمه وفى سواقين ملاكى ولا .... عايز ضر ب النار مش بنوع العربيه بشخصيه اللى سايق

[seka]

بس 90% من المشاكل جاية منهم

[Eng.Ahmed]

فيه ناس بتعمل حاجه مستفزه اكتر زى الى بيمشى نص فى الحاره الشمال و نص فى الحاره الوسطى و كمان ماشى على مهله اوى و يولع اى حد عاوز يعدى من جنبه

[Dr_Mido]

د بقى لو طلته هخنقه ولو راكب عربيه جيب ولا حاجه هطلعله الشنطه من الكبوت علشان يبطل يمشى فى نص الشارع

[seka]

والله اى سلوك غير طبيعى على الطريق ينرفز خاصة انا تلاقينى فتحت الازاز واعد اشتم

[tutankhamoun]

بس 90% من المشاكل جاية منهم

+1000000000000000000000000
+100000000000000000000000000
+14000000000000000000000000000000
+1900000000000000000000000000000000000

فعلا غالبيتهم من قاع المجتمع أخلاقيا

[sab3aawy]

واضح ان نظرى ضعف،

انا اول ما شفت العنوان قريته: البس الشماغ وكبر الدماغ

قلت ايه الحكاية ،هى السعودية احتلت مصر خلاص وهيلبسونا اشمغة وللا إيه

ياللا مش مهم