ايه رايكم في العربيات المستعمل من بورسعيد؟؟؟؟؟

[3mr Farrag]

هل الاحسن لو الواحد هيجيب عربيه مستعمله ينزل بورسعيد
يجيب من هناك...يعني انا اللي اعرفه ان العربيات بتكون حالتها احسن
و فابريقه و ممكن الاقي اي حاجه عايزها.....
طبعا كلامي مع دفع الجمارك...مش سيارات المعوقين

[turboman]

معنى الكلام دة انك ممكن تجيب حاجة موديل 2000 مثلا و تدفع الجمارك ولا انت بتجيبها موديل السنة بنفس قانون الجمارك العادي؟

[3mr Farrag]

لأ قصدي حاجه موديل قديم....

[turboman]

يا ترى يا جماعة محدش مهتم بالموضوع ولا محدش عندة معلومات؟

[tutankhamoun]

مـــن قـــــال لا أعـــرف فقــد أفتـــى
و اللــــــه أعلــــــم

[mostafabakry]

بس انا اعتقد انك ما تقدرش تشتري عربية مستعملة من بورسعيد الا في حالتين يا اما انك من البلد و هترخص منطقة حرة وساعتها تقدر تخرج بيها برة البلد بتصريح و تقريبا لك 3 شهور في السنه خارج بورسعيد او انك بترخص ملاكي عادي في حالة اعفاء الإعاقة الطبية ( المعاقين)
انا اللي اعرفة انك عشان تدخل البلد عربية من الخارج و تجمركها لازم تكون نفس سنة الموديل او تكون انت المالك الأول للعربية من وقت شرائها و يكون معاك اوراق تثبت كدا من السفارة اللي في البلد اللي كنت فيه و ساعتها بيتم خصم 10% عن كل سنه استعمال بحد اقصي 50% تقريبا يعني لو العربية موديل 2000 و عليها جمارك 50000 جنيه و انت المالك الأول ليها يبقي تدفع جارك 25000 جنية بس عشان سنوات الإستعمال
و الله اعلم
اعذروني لو كنت غلطان

[Akram]

طيب ايه اخبار سيارات المعاقين , و إزاي ممكن يبيعها , و هل هناك فترة لا يمكن البيع خلالها , و أفضل طريقة للشراء من بور سعيد يعني هل من معرض ولا منين.

[3mr Farrag]

بس انا مش قصدي اجيب عربيه معاقين.....
انا اللي اعرفه ان فيه سوق عادي ....بتشتري منه اي عربيه مستعمله و بتدفع جماركها
و تطلعها بره بورسعيد عادي...

[theking2690]

يا ريت يا جماعه تردو فى الموضوع ده لأنى برده عايز اعرف معلومات عن الموضوع ده

[zezo13178]

عربيات المعاقين بتاخد حظر بيع 3 سنوات وفيه ناس بتدفع غرامه وتتصالح مع الجمارك بس لازم تشتريها باسم حد معوق
اشهر سياريتين شعبيتين في ( بورسعيد ) الهوندا والجولف وحتلاقي حالات زيرو باذن الله

[tutankhamoun]

عربيات المعاقين بتاخد حظر بيع 3 سنوات وفيه ناس بتدفع غرامه وتتصالح مع الجمارك بس لازم تشتريها باسم حد معوق
اشهر سياريتين شعبيتين في ( بورسعيد ) الهوندا والجولف وحتلاقي حالات زيرو باذن الله

حظر بيع سيارات المعاقين 5 سنوات و ليس 3
أنا لي 3 أصحاب معاقين و معاهم سيارات معاقين و متأكد مليون % من الكلام ده

[zezo13178]

الحظر كان 5 سنين واتخفض ل 3 سنين يا باشا والله اعلم

[Mostafa Taher]

خد اى عربية استيراد هناك وادقع الجمرك بتاعها اللى اسمها ضريبة الخزينة وادفع غرامة فك حظر البيع للمعاق 9800 جنية ورخص باسمك

[fakoussa]

الاخ مصطفى بكرى كلامه صحيح شروط شراء السيارات فى بورسعيد :
-لابد من ان تكون من مواطنى بورسعيد
-يسمح للاسرة الواحدة بامتلاك سيارة واحدة فقط منطقة حرة
-لا يجوز دفع الجمارك على السيارة المنطقة الحرة بجميع انواعها و موديلتها


يعنى من الاخر مينفعش تشترى عربية منطقة حرة بورسعيد و تدفع جماركها و ترخصها ملاكى .

[mostafabakry]

الاخ مصطفى بكرى كلامه صحيح شروط شراء السيارات فى بورسعيد :
-لابد من ان تكون من مواطنى بورسعيد
-يسمح للاسرة الواحدة بامتلاك سيارة واحدة فقط منطقة حرة
-لا يجوز دفع الجمارك على السيارة المنطقة الحرة بجميع انواعها و موديلتها


يعنى من الاخر مينفعش تشترى عربية منطقة حرة بورسعيد و تدفع جماركها و ترخصها ملاكى .

الظاهر انك من بورسعيد يا باشا صح ولا انا غلطان

بصراحة البورسعيدية هما اللي متظبطين صح الصح بسبب المنطقة الحرة دي انا لما بكون هناك عنيا بتزغلل من العربيات اللي بشوفها هناك

هي مشكلتها الوحيدة حكاية تصريح محدد للخروج من بورسعيد و بيكون تقريبا 3 شهور
الحكاية دي هي اللي منعاني من ان اشتري عربية منطقة حرة بإسم المدام اصلها من بورسعيد و طبعا احنا عايشين برا بورسعيد فمش عارف ازاي نحل المشكلة دي
السؤال اللي هو محيرني و مش لاقي اجابة عليه

ايه موقف العربيات المنطقة الحرة الحالية بعد الغاء المنطقة الحرة من بورسعيد زي ما بنسمع حاليا انها خلاص هتتلغي
هل هيجمركوها و لا هيبقي ايه نظامها ساعتها
يا ريت لو حد عنده معلومة يفيدنا بيها و يا سلام لو كان بورسعيدي (ابو نسب زي ما بنقول عندنا في الصعيد)