هاكر يقتحم منتدى اسبيرانزا كلوب

[hazem_khidr]

يا فرحتك يا بورت:):)

[Dr Ahmed]

يا عيني حتى لما عملولها منتدى ....باظ

جامدة يا دكتور أحمد...
يعنى كده ممكن نقول ان المنتدى قفش منهم فراح التوكيل ولسه مستنى دوره يتصلح..

بس فعلا فيه لغز.. إشمعنى الهاكر دا نشّن على منتداهم...؟؟؟
هم اكتسبوا أعداء كتير فى فترة قليلة دا أكيد.. لكن هل دا ليه علاقة بالهاكر، وللا بعدم جودة درجة التأمين عندهم وللا إيه.. وللا دى بركة دعاء باورت.. وللا إيه بالضبط؟؟؟

[fahd_628]

انا الموقع عندى شغال كويس ؟

[Dr Ahmed]

[cpt_shawky]

وتجاوزت اسبيرانزا كلوب الأزمة وعادت من جديد.....هى دى اسبيرانزا يا جماعة زى القط بسبع ارواح

[Ahmed Samy]

وعلمت جريدة (حبيبي يا غالي) من مصادر غير موثوقه أن هناك مفاوضات دارت على مدار الساعات التسع الماضيه بين القائمين على المنتدى المكلوم والشاب (الشبيح) اللي اغتال البراءة في عيون المنتدى الوليد . و أثمرت التوصل الى (خيار) استراتيجي بفتح الموقع مرة أخرى مقابل فدية مادية ضخمة بلغت 100 مليون دولار اسبرانزاوي يقبضها الشبيح على دفعات لمدة 60 شهر بدون ضامن بدون توكيل بدون نسخة مفتاح .

وتوالت الاتهامات الرسمية و غير الرسمية من أعضاء (المنتدى المكلوم) , وحامت هذه الاتهامات نحو بعض المنتديات (المناهضة) للاتجاه الصيني العام .

و في نفس السياق بعث السفير الالكتروني الصيني برقية عزاء و دعم للقائمين ووعد بتحمل جمهورية الصين الشعبية للأقساط الفردية من الفدية -عدا القسط 13 لأنها مش ناقصة- وتعهد بوضع المنتدى على قائمة المؤسسات المستحقه للدعم الأمنى و التكنولوجي الصينى و ذلك لافتقاره لبعض النواحي المتعلقة بالسيطرة .

و كتبت جريدة (الشرق البعيد عنك حياتي عذاب) , انه يجب على المنتدى المكلوم استيعاب الدرس و تجفيف منابع الارهاب عن طريق التقليل من الأحكام العرفية و طرد الناس المسالمين وخصوصا من أصحاب الدعوات المستجابه.

و نهاية دعوة للقائمين على منتدانا الحبيب حفظ الله ترابه من كل غادر مكار برفع حالة التأهب للون البرتقالى المحمر الفاقع تحسبا لأي هجمات كيدية ( لأني ماينفعش يعدي عليا يوم من ما أشوف الشاشة الزرقاء)

ودمتم

[mohamed10]

اعتقد ان هذا المنتدى يجب اب يظل على احترامه وعدم المساس بالاخريين لان لكل منا وجهة نظره فى اختيار سيارته وايا كان هذا الاختلاف فى نوع السيارة يجب الا يسبب عداوة او بغداء بين الناس وبعضهم البعض واذا اساء اليكم احد فى يوم من الايام فليقل حسبى الله ونعم الوكيل بدون شماته فى احد لان الدنيا يوم للك ويوم عليك كما ان من مبادى هذا المنتدى الجميل الذى تشرفت بالانضمام اليه هو احترام الاخريين وعدم مهاجمتهم لاننا فى الاخر نسعى الى نقل تجاربنا وخبراتنا للاخريين لعلهم يستيفيدون منها .

[Dr Ahmed]

وعلمت جريدة (حبيبي يا غالي) من مصادر غير موثوقه أن هناك مفاوضات دارت على مدار الساعات التسع الماضيه بين القائمين على المنتدى المكلوم والشاب (الشبيح) اللي اغتال البراءة في عيون المنتدى الوليد . و أثمرت التوصل الى (خيار) استراتيجي بفتح الموقع مرة أخرى مقابل فدية مادية ضخمة بلغت 100 مليون دولار اسبرانزاوي يقبضها الشبيح على دفعات لمدة 60 شهر بدون ضامن بدون توكيل بدون نسخة مفتاح .

:):):):):):):):):)
وياتر سعر الدولار دا كام مليم؟

[Ahmed Samy]

ده عرض و طلب
النهاردة بمليم......... بكرة بنص مليم..... كده :)

[temoo_110]

هههههههههههههههههههههههههههههههههههههههههههههههههه ههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههه
هههههههههههههههههههههههههههههههههههههههههههههههههه ههههههههههههههههههههههههههههههههههه
انا بصراحة موت من كتر الضحك من كتر اللى قريتوه منكم بس تقريبا المنتدى ده يستاهل
وشوية اللى عمل الهاكر على الموقع كان المفروض يعملوهم هاكر على عربيتهم الاسبرنزا

[وائل عطية]

بعد إذن حضراتكم أنا شايف إن التعليقات مُبالغ فيها وفي غير محلها
أي حد مُعرض لكده !!!

[وائل عطية]

اعتقد ان هذا المنتدى يجب اب يظل على احترامه وعدم المساس بالاخريين لان لكل منا وجهة نظره فى اختيار سيارته وايا كان هذا الاختلاف فى نوع السيارة يجب الا يسبب عداوة او بغداء بين الناس وبعضهم البعض واذا اساء اليكم احد فى يوم من الايام فليقل حسبى الله ونعم الوكيل بدون شماته فى احد لان الدنيا يوم للك ويوم عليك كما ان من مبادى هذا المنتدى الجميل الذى تشرفت بالانضمام اليه هو احترام الاخريين وعدم مهاجمتهم لاننا فى الاخر نسعى الى نقل تجاربنا وخبراتنا للاخريين لعلهم يستيفيدون منها .

هذا مايجب أن يحدث بالضبط
من فضلكم لا يجب التعرض للآخرين بالأذى ..واللي بيحصل دا أذى معنوي
منتدى اسبيرانزا نعرف منه ناس كتير مُحترمة وعلى خلق، ولا يجب التعميم في إبداء الخصومة أبداً !!

[sab3aawy]

يا جماعة أى منتدى أو موقع معرض للموقف ده، يبقى ايه لازمة الكلام اللى بيتكتب ده؟

احييك على الرأى ده، فعلا يا جماعة، مهما كانت درجة امن اى منظومة الكترونية فهلا معرضة للإختراق، وممكن ده ببساطة يحصل ليان او لأى حد تانى، فانا رأييى ان الخلاف فى الرأى بينا وبين اى حد لا يعطينا الحق فى مثل هذة التصرفات

[ابو سيف]

باشمهندس سبعاوي و الاخ وائل عطيه احييكم جدا على هذا الرأي بصراحه انا دخلت مخصوص لما لاقيت اخر واحد رد هو سبعاوي و لما دخلت لاقيت وائل عطيه قبله و دة فعلا الرد اللى كنت منتظرة من امثالكم
احييكم على رجاحة عقلكم ادبكم في الاختلاف
و يا جماعه الخير اظن اننا كلنا كبار بما فيه الكفايه اننا منفرحش في حاجة زي دي ابدا و مظنش ابدا ان اي حد هيكون فرحان لو لقى نفس رد الفعل لو لاقدر الله حصل دة هنا
و الغريب ان في اخوة افاضل اعربوا عن مدى سعادتهم و اظهروا نيتهم في تحقيق دة من زمان و انهم كانوا ناويين يعملوا دة بنفسهم!!!!!!!!!!!!!!!!

[Ahmed Samy]

يا جماعة بلاش الموضوع يتقلب جد !
لأنه موضوع أصغر من بعض الكلمات الرنانة المستعملة في النقد المحترم،
ولم يتعرض احد لشخوص أعضاء المنتدى بسوء بتعميم أو إفراد
انا حسيت النقد ذو التعابير القوية يميل لكونه مزايدة على الأدبيات عن كونه تأثر بموضوع شديد الهامشية.