خبر جديد جدا يارب يفرحكوا

[Car's Sniper]

النهاردة بالصدفة اتعرفت على تقريبا خبير الجودة (ماسألتوش على وظيفته بالتحديد) بمصنع الامل بتاع العربيات الbyd وقاللى على خبر حلو جدا
قال:لو عايز تشترى عربية استنى شهرين كده ..احنا بنجمع دلوقتى فى عربية لادا هتنزل ب 35 الف(اكيد فى وسط المولد اللى احنا فيه سعرها هيكون فوق كدة) و بيقول انها واخدة من قدام شكل البى ام دبليو ومن ورا مش فاكر قال شكل ايه بس قال ان شكلها جامد جدا....
ده كله مش مهم وحاجات قديمة ...نيجى بقى للمفاجأة...العربية دى ممكن تمشى بالبنزين او الكهربا وبيقول انها ممكن تمشى لغاية 540 كيلو بالكهربا...كدبت ودانى وسألته تانى قلتله فى مصر؟؟؟ قاللى اه ...قلتله وبتمشى 540 كيلو لما تتشحن فى المرة الواحدة؟؟؟!!!1 قالى اه
قلتله والله لو شكلها شبه القرد الجربان وبتمشى بالكهربا لاجيبها......يارب يتطلع الكلام ده صح ونترحم بقى من البنزين ووجع الدماغ ده

[abogogo]

هو قال لك استنى شهرين بس ولاشهرين بعد عشرين سنه يعني عشرين سنة وشهرين ....... ياريت كلامه يكون صح

[د.محمود صلاح]

شركة byd بالفعل بتنتج عربيات هجين ,, وياريت نشوف في مصر العربيات الكهرباء بجد

[hero_hamada]

ياررررررررررررريت
ساعتيها هبيع العربية الى انا لسه مشترتهاش
واجيبها على طول
هههههههههههه

[lada2010]

اخيرا لادا هتنزل بتحديثات جديدة على راى عدوية لادا يا عزول لادا بحبوا والحب عبادة

[Ahmed Nouh]

byd f3 ليها نسخه هايبرد كانت موجوده فى فورميلا الاهرام اللى فات , وبعد المعرض اتعملها ايفنت منفصل وجربتها

هل معقوله لو نزلت يبقى سعرها قليل كدا ؟ , العربيه فعلا فيها تقنيه عاليه وامكانياتها كهايبرد عاليه جدا مقارنه بكل الهايبرد العالمى من نفس الفئه

ولا انت تقصد فعلا انها هتكون لادا ؟

[ACE]

لادا عمرها ما عملت حاجه عدلة
فبصراحة مش بثق فيها
حتى لو كهرباء

شكرا يا باشا على الخبر تسلم الايادى

[Car's Sniper]

هو قال لك استنى شهرين بس ولاشهرين بعد عشرين سنه يعني عشرين سنة وشهرين ....... ياريت كلامه يكون صح

ههههه لا ,شهرين بس

شركة byd بالفعل بتنتج عربيات هجين ,, وياريت نشوف في مصر العربيات الكهرباء بجد

نفسى بقى نخلص من قرف البنزين دا بقى

ياررررررررررررريت
ساعتيها هبيع العربية الى انا لسه مشترتهاش
واجيبها على طول
هههههههههههه

ههههه مانا قلت كده بردو مع انى بحب عربيتى جدا ...بس مدام فى كهربا يبقى طظ فى البنزين

اخيرا لادا هتنزل بتحديثات جديدة على راى عدوية لادا يا عزول لادا بحبوا والحب عبادة

انا مش مصدق بردو...عربية بقالها 25 سنة على نفس التصميم تيجى فجأة وتتطور بالمنظر ده

byd f3 ليها نسخه هايبرد كانت موجوده فى فورميلا الاهرام اللى فات , وبعد المعرض اتعملها ايفنت منفصل وجربتها

هل معقوله لو نزلت يبقى سعرها قليل كدا ؟ , العربيه فعلا فيها تقنيه عاليه وامكانياتها كهايبرد عاليه جدا مقارنه بكل الهايبرد العالمى من نفس الفئه

ولا انت تقصد فعلا انها هتكون لادا ؟

هو قاللى لادا.. واللى اعرفه ان مصنع الامل هو تقريبا اللى بيجمع اللادا...دانا زهقت الراجل ساعة ماقاللى الخبر ده كل مايقول كلمة اسأله فيها تانى زيادة تأكيد...وكان بيتكلم بكل ثقة فى القاعدة اللى كانت بتضم ناس كتير يعنى مش كلام فى الهوا

لادا عمرها ما عملت حاجه عدلة
فبصراحة مش بثق فيها
حتى لو كهرباء

شكرا يا باشا على الخبر تسلم الايادى

ليه بس كده دى من اقوى هياكل السيارات فى العالم والاكبر سمكا فى الصاج..اينعم دبابة بس ييجى منها وخصوصا لادا سمارة....العفو يا باشا ده شىء لا يذكر من اللى اتعلمته منكوا فى المنتدى الجميل ده




وباركولى بقى ياجماعة دى المشاركة ال100 ليا....يعنى مئويتى

[Crazy_Sandy]

البى واى دى F6 بتمشى بالكهربا و كانت معروضة قبل كدة سياره وحيده يتيمه فقط و قالوا انها هتنزل فى خلال شهور و حتى الان مسمعناش حس ولا خبر ....



يا ريت تقولنا سعرها هيكون كام

[dode2002]

يبقي الكهرباء هتغلي

[ahmedegypt]

اللادا هتفضل لادا حتى لو هتمشى بالمية

ثانيا العربيات اللى بتمشى بالكهربا لو نزلت مصر مش هتكون اقل من 200 الف مش 35 الف

اعتقد انه بيحور

لان اللادا العادية القديمة بتتباع ب48 الف فازاى يعنى 35 الف و شكلها حلو و كمان بتمشى بالكهربا

[mr_sameh]

ودي سرعتها كام

[levelpower]

انا اشك انها تنزل اصلا

[ابو فرح]

يبقي الكهرباء هتغلي

ههههههههههههههههههههه اكيد

[elassar2010]

هو قال لك استنى شهرين بس ولاشهرين بعد عشرين سنه يعني عشرين سنة وشهرين ....... ياريت كلامه يكون صح