ايه الفرق ؟

[nileeeeee]

السلام عليكم اعضاء المنتدى الكرام

انا معايا عربية لادا 2105 مو 95 العربية مش وحشة وحمالة اسيه المهم
انا قررت انى اغير العربية بعربية احسن :b4_039:
انحصر تفكيرى فى عربيات روشة ومدلعة شبابية المهم رسيت على انى قررت حشترى فيات بونتو 94

لكن فجأة فكرت هوا ايه الفرق بين الفيات بونتو وبين اللادا خصوصا ان الموديل فرق سنة بغض النظر عن الاوبشن
وكمان لاءنى حدفع 10000 جنيه فرق

فبما انى عديم الخبرة فى المجال ده حبيت انى اسئل ايه اللى ممكن الاقيه فى العربية الفيات دى جديد عن اللى فى اللادا :b4_048: ؟؟؟

[pro_samir]

لو العربية مش تاعباك في حاجة بلاش تغير الا لما تكون هتركب عربية تحس فيها بفرق جذري

بالنسبة للبونتو اعتقد الفرق بالنسبالك هيكون في الراحة و نعومة العربية غير فرق الشكل الأنسيابي سواء الداخلي او الخارجي لأن الادا تصميمها قديم جدا جدا ، فرق سنة في الموديل اوك بس فرق ييجي 20 سنة في تصميم العربية

[د.محمود صلاح]

لو العربية مش تاعباك في حاجة بلاش تغير الا لما تكون هتركب عربية تحس فيها بفرق جذري

مؤيد كلام حضرتك .. لو هتغير لزيرو او كسر زيرو ماشي اما غير كده فتكاليف وخسارة مرتقبة

[powerofhelll]

مش بتتحسب كده الفرق في الموديل حاجه و في التصنيع حاجه تانيه يعني مثلا الادا توكنولجيا التصنيع من 1970 لاكن البونتو من93 كده يعني و بعدين في فرق في النعومه و السحب و الشكل الخارجي و شويت الكماليات

[nileeeeee]

الف شكر يا جماعة على الردود على اى حال انا حابب انى اغير اللادا لاءن كتافى ورمت منها

[د.محمود صلاح]

الف شكر يا جماعة على الردود على اى حال انا حابب انى اغير اللادا لاءن كتافى ورمت منها

قصد حضرتك ان العفشة والدركسيون ثقيل ؟!

[nileeeeee]

اكيد يا د.محمود حضرتك عارف اللادا عربية تقيلة ودركسيونها جامد وخصوصا فى الركنة

[dode2002]

غير ياباشا

[omar-saad]

نصيحتى ليك غير احسن
العربية دى عملتلى باى وتراى
بعد ركوبة اربع سنين ونص