وجب التنبيه للأعضاء بخصوص محل الكاوتش ده

[osama.m]

ربنا يهديهم
انا بروح لواحد بس و مش بغيرة حتى لو العجلة حصل فيها حاجة .. بركب الاستبن و امشي علية لحد ما اخلص مشواري .. و اكتر حاجة بدفعها 4 جنية في الخرم و الراجل عمرة ما قاللي يعمل خابور .. بس للامانة انا بتعامل معاه من اول عربية اشتريناها يعني من فترة فا الراجل بيعاملنا كويس

[alisleman]

مرة حصلت معايا فى عربيتى اللى قبل كدة وانا ماشى حسيت بدبه فى العجل دخلت اكشف قالى العجله فاضيه قالتله ازاى وهى مش على الارض قالى الجنط هو اللى عامل كد قولتله ماشى شوف فيها ايه جاب ازازة المياة بالصابون طلع 6 اخرام قاللى فى خوابير 10 جنيه وفى خوابير المانى 12 جنيه ورانى الكيس دة والكيس دة وقولتله اشتغل وانا عارف انه نصاب وقولت خليه يعمل اللى هو عاوزة وانا فى الاخر اللى هاعورة بعد ماعمل 6 اخرام قاللى فى خرم تانى قولتله اعمله بس يابيه هاحسبك على 6 بس وعاوز 60 جنيه قولتله ليه هى 10 جنيه فقط قاللى ليه ومش ليه قولتله مفيش غيرها 60 جنيه ليه يعنى انا مفكر الكيس كله ب 10جنيه فى 10 خوابير لكن 60 ماكنت اشتريت فردة جديدة 250 جنيه افضل ورميتله 20 جنيه فى الاخر ومشيت بس بعد خناق كتير

[alisleman]

انا مش عارف انتم اذاى بتلحموا الخرم ب10 جنيه انا عندى كل بتوع الكاوتش بيلحمو الخرم سواء مكوه او خابور ب3 جنيه فقط....

هو دة السعر الصح وبيديلوة تبس 2 جنيه يعنى 5 جنيه كله على بعضه

[Dr.lancer]

قاللى فى خوابير 10 جنيه وفى خوابير المانى 12 جنيه ورانى الكيس دة والكيس دة

عمل الحوار ده معايا برضه

انا أأكد كلامك لانه قد قام بنفس الفعل معى

النهارده فى زميل برضه ساكن جنبى عمل معاه نفس الشىء و أتضح أنه معروف فى المنطقة و شغله أساسا على العربيات اللى بتمشى على الطريق السريع ده فى طريقها للدائرى يصطاد منها العربيات

شكرا جدا للتنبيه ولو حضرتك عايز حد في المنطقة مبروك غطاطي على شارع فيصل ممتاز بس هو دايما زحمة.

حتعامل معاه إن شاء الرحمن. و فعلا زى ما الواحد له الميكانيكى و الكهربائى بتاعه لازم يكون له بتاع كاوتش أيضا.

[ابو حسين]

لا حول ولا قوة الا بالله شكرا للتنبيه

[ابو فرح]

حسبنا الله و نعم الوكي

[icehearted girl]

كلمة اكشفي علعجلة عشان مريحة دي مبتطمنيش وبحس انه عمل حاجة

ممكن حضرتك توصفلي المحل بلتفصيل عشان اول امبارح كنت معدية ملمكان دا والشنطة افتحت

نزلت ابص فالارض علي اي حاجة ازنقها بيها

لقيت كمية ازاز مكسر حتت ومسامير صغيرة لاحصر لها وقدام المحل بغباء شدييييييييييييد

[Dr.lancer]

ممكن حضرتك توصفلي المحل بلتفصيل

حضرتك لو فى شارع الهرم و رايحة للدائرى المعادى حتاخدى شارع المريوطية و لازم حتعدى على فندق سياج حتاخدى الشارع ده للأخر حيوصلك لشارع اللبينى و حتلاقى المحل على الشارع الرئيسى لازق فى سور المدرسة هو لوحده على طول سور مدرسة الأهرامات للغات. مافيش غيره فاتح.

[icehearted girl]

هو بعينه

عرفته

اصل المحل دا جنبي

وبزود عنده كتير جدا

ومن ضمن الناس اللي عقدوني فلتزويد الكاوتش

لان غالبا فنفس اليوم بيحصل مشكلة فلكاوتش

[tamer_aj]

يارب إهدي.

[Lion_Heart]

الله ينور عليك انك وضحت المكان ده بالصور كمان....
بس هل ممكن حاجة تتعمل ضد الناس دى لوقف آذاهم عن الناس ؟

[Dr Ahmed]

الصابون أفضل من الماء فى الكشف لأن الفقاقيع اللى بيعملها بتكبر فوق الخرم لحد ما تفرقع فالأصول يحط صابون تانى ويتأكد
إنما الماء مش هينفع فى زجاجة لأن مش هيبان أى حاجة فلازم الحوض

وعندنا برضه لحام الكاوتش 3 - 4 جنيه مافيش 10 دى أبدا

[sv065]

مشكور علي التنبيه الممتاز والأكثر من رائع خاصة أنه مرفق به خريطة المكان ولقد حدث مع أخي مثل هذا الموقف بالحرف الواحد ولكن مع محل آخر لا أتذكر مكانه بالظبط وعلمت من بعض الناس حدوث مثل هذا الموقف بالتحديد مع الكثيرين كما لو كان سيناريو تتبعه كل المحلات إلا من رحم ربي


وإسمحوا لي إخواني الأفاضل أن أقترح فتح موضوع يكون مخصص للإبلاغ عن كل محلات النصب والغش في أي شيء يخص السيارات وتكون نواة طيبة منا في إجبار كل منعدمي الضمير علي عدم الغش حتي ولو كانوا مكرهين ولله الأمر من قبل ومن بعد

وهذا رابط الموضوع المقترح

http://www.nilemotors.net/Nile/152168-a.html#post3872692372

دمتم بود

[dolly13]

انا عندى الفردة الشمال امامى دايما بتنقص وبتبقى 20 او 22 وانا عرفت ان العيب من البلف تقريبا لانها لو مخرومة وسبتها يومين كانت هاتبقى على الارض
طبعا كل ماروح ازودها عند اى واحد يقوللى اكشفلك عليها وانا اقوله لا بعدين
الاسبوع اللى فات جوزى هو اللى كان بيزودها وانا قاعدة فى العربية المهم الراجل اقنعه انه يكشف عليها ولانه عارف القصة سابه يكشف عليها وطبعا المية بقللت وقعد يتحايل عليه يعملها وهو رفض لكن كدة انا اتاكدت بالدليل القاطع ان المية دى هى اللى بتعمل كدة
يعنى من الاخر طالما انت شايف ان الكاوتش مهوى شوية يبقى اوعى تعملها فى ساعتها ولو نامت بعد كدة ايقى غير الاستبن واتصرف فيها بطريقة صحيحة لكن شغل النصب ده خلاص بقى مفقوس قوى

[Medo.Malek]

لا حول ولا قوة الا بالله حضرتك شوف الموضوع ده !! عايز رأيكو يا اخوانى فى اللى حصلى النهارده !