إعـــــــلان

Collapse

.

,
See more
See less

حضرتك التخطي من الشمال و ليس اليمين

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    حضرتك التخطي من الشمال و ليس اليمين

    صبحنا و صبح الملك لله

    ياماشيين يكفيكوا شر المتخطيين


    ماشي الصبح في حالي ورايح شغلي و ماسك أقصي اليمين و بدأت أهدي علشان في مطب صناعي قبل الملف اليمين و أديت أشارة يمين

    عربية فيرنا ورايا تقودها سيدة يبدوا من شكلها أنها محترمة في الاربعينات و هي كمان ادت أشارة يمين و لكن ...
    ايديها الاثنين و يمكن كمان رجليها علي الكلاكس مش عارف هي عايزة ايه

    المهم لفيت يمين و أذا بيها ورايا و مصممة تدخل من بيني و بين الرصيف اللي علي يميني و انا لسه سايب الاشارة اليمين شغالة يبقي المفروض هي تعمل أيه ؟؟

    المهم اخر مازهقت شغلت الانتظار ووقفت و أذا بيها تقف علي بعد مليمترات من أكصطدام سيارتي بعد أن سمعت صوت فرملة قوية هزت الشارع كله

    طبعا نزلت من عربيتي بمنتهي الهدوء و توجهت أليها و دار بيننا هذا الحديث :

    * هي : ايه ده حد يقف كده ؟؟ مش تفتح علي الصبح ؟

    .... أنا : نعم !!!! حضرتك انا اديت أشارة يمين من قبل الملف و سيادتك لازقة فيا و بعدين فضلت عاطي لك أشارة يمين علشان تفهمي أني ماسك اليمين و لو عايزة تعدي الشمال كله مفتوح قدامك و بعدين أديت انتظار ووقفت

    * هي : و حد برضه يمشي في اليمين ؟؟ أنت مش شايف أني عايزة أعدي من اليمين ؟؟ و لا أيه لازمتها المرايات اللي عندك دي ؟؟

    .... أنا : أنا اسف جدا يا أفندم حضرتك شايفة أني لابس رقبة و مش بأقدر أبص في المرايات
    بس هو حضرتك فيه معلومة ماحدش قالك عليها و أنتي بتطلعي الرخصة فحبيت أقولها لك و هي ان التخطي من الشمال مش من اليمين و اليمين ده للسير البطئ

    * هي : نعم حضرتك فاضي و بتهزر علي الصبح

    .... أنا : لأ حضرتك ده مش هزار دي أبسط قواعد المرور

    * هي : طيب ياسيدي متشكرين علي المعلومة الهايلة دي و منكم نستفيد , ممكن بقي توسع علشان انا أتأخرت و لا الدرس ماخلصش لسه ؟؟

    .... أنا : أيوه لسه فيه حاجة كمان تبقي تسيبي مسافة بينك و بين اللي قدامك و أسف علي أني عطلت حضرتك

    طبعا هي رجعت لورا بأقصي سرعة و من غير ماتبص في المرايات و بأفكر حضراتكوا أننا كنا واقفين بعد الملف بحوالي 10 متر فطبعا كانت هاتلبس في عربية جيتا بتلف يمين و من غير ماتبص علي اللي وراها طلعت علي طول و عملت حركة امريكاني و هي بتبص لي شذرا

    طبعا مشيت علي الصبح و انا مش عارف أبقي زعلان و لا أضحك فعلا شر البلية مايضحك
    للدرجة دي انعدمت لدينا أبسط قواعد الذوق و المعرفة

    مع خالص تحياتي
    سمير الشهاوي
    [SIGPIC][/SIGPIC]
    الكلمات الدلالية (Tags): التخطي, السلام, اليمين, حضرتك, ليس
  • #2
    لا تضحك ....وفعلا شر البلية ما يضحك

    واعتبرها يا سيدي في مقام اختك والدتك...........كبر الجمجمة......الشارع بقي فيه بلاوووي
    kkkkkk_kkkkkk سابقا

    Comment

    • #3
      احيي حضرتك على إيجابيتك و صبرك.
      [CENTER][SIGPIC][/SIGPIC] [/CENTER]

      Comment

      • #4
        كأنك بتحكى على الموقف اللى حصل معايا يوم السبت

        ماشى على اقصى اليمين ولمحت ورايا واحد جاى بفيرنا برضه بسرعة فقلت هيعدى من ع الشمال الاقيه قرب من المراية اليمين وراح معدى من جنبى ع اليمين ( مش عارف ازاى ) و بصلى شذرا برضه !!! على اساس ان انا اللى حمار مش هو !!
        بس الاختلاف انه كان واحد مش واحدة وانى لا وقفت ولا نزلت لأنى لونزلت كان هيحصل حاجات مش لذيذة وخصوصا انى كان معايا ناس

        Comment

        • #5
          فى قاعدة مرورية فى مصر بتقول leadys first
          وفى قاعدة تانية بتقول الست لو عايزة تعدى من الشمال وسع لها فى الحال ......
          ولو عايزة تعدى من اليمين وسع لها حبتين ....
          ولو خايف على الاكصدام ابعد مترين للامام .......
          ولو خايف بقى على العربية اركن لو شوفت ست معدية

          ههههههههههههه
          روق يا باشا مش مستهلة احنا ياما شوفنا منهن فى البيت وبره البيت
          ربنا يخليهن ويبارك فيهن
          [B][SIZE="3"]مصر تستحق الخير
          [/SIZE][/B]

          Comment

          • #6
            طيب كل اللي قولتوه ده تمام لكن تعملو ايه لما تلاقي نفسك في طريق سريع عبارة عن حارتين وفي واحد دماغة عالية ماشي بتريلا على الشمال والدنيا كلها فاضية.....؟!؟!؟!
            [CENTER][COLOR=darkred][SIGPIC][/SIGPIC][/COLOR][/CENTER]

            [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

            [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

            [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

            Comment

            • #7
              leadys
              لزم التنويه انها lady
              وفى الجمع ladies
              [SIGPIC][/SIGPIC]

              Comment

              • #8
                فعلا شر البلية ما يضحك

                خصوصا لما يكون الخطأ في ابسط قواعد المرور والسائق معندوش فكرة عنها تماما وبيسوق من سنوات طويلة

                وللأسف المشكلة جماعية ومحتاجة حملة شعبية بالتعاون مع الحكومة والمنظمات الأهلية لتعليم ابسط قواعد المرور في مصر

                وبالمناسبة انا اول واحد هشترك
                [CENTER][B]الوطــنـيـة قبل الســياســة ... والمبــــادئ قبـل المصــالـح[/B][/CENTER]

                Comment

                • #9
                  الحلوة الي ذي دي أنا بوقفها في الأشارة وأنده الأمين يظبطها لعدم أنضباطها وأحترامها لتعليمات المرور - وطبعآ بتبقى صيدة ذي الفل للأمن والمتانة ومراجعة الرخص والملصقات - وح صلت معايا على الكورنيش وتم أبلاغ العمليات عن رقمها أبيزا حمراء رقم 640929 لسه فاكر رقمها

                  Comment

                  • #10
                    المشاركة الأصلية كتبت بواسطة dolly13 مشاهدة المشاركة
                    leadys
                    لزم التنويه انها lady
                    وفى الجمع ladies
                    شكرا لحضرتك على التعديل
                    [B][SIZE="3"]مصر تستحق الخير
                    [/SIZE][/B]

                    Comment

                    • #11
                      المشاركة الأصلية كتبت بواسطة se_coralsea مشاهدة المشاركة

                      و حد برضه يمشي في اليمين ؟؟ أنت مش شايف أني عايزة أعدي من اليمين ؟؟
                      المشاركة الأصلية كتبت بواسطة zyadahmed مشاهدة المشاركة
                      فى قاعدة مرورية فى مصر بتقول leadys first
                      وفى قاعدة تانية بتقول الست لو عايزة تعدى من الشمال وسع لها فى الحال ......
                      ولو عايزة تعدى من اليمين وسع لها حبتين ....
                      ولو خايف على الاكصدام ابعد مترين للامام .......
                      ولو خايف بقى على العربية اركن لو شوفت ست معدية



                      المشاركة الأصلية كتبت بواسطة kh_talaat مشاهدة المشاركة
                      فعلا شر البلية ما يضحك
                      +1111111111
                      George
                      [CENTER]فى كل صباح تذكر ان الرب الهك يحبك ويحرسك ويدبر كل امورك,فقط قل لتكن مشيئتك[/CENTER]

                      Comment

                      • #12
                        البعد عن الشر غنيمة و انت كده كنت هاتعرض نفسك للخطر
                        [SIGPIC][/SIGPIC]

                        Comment

                        • #13
                          سؤال: التخطى من الشمال على الطريق السريع
                          داخل البلد ممكن يمين بس تكون المسافه معقوله و مع تنبيه السياره الأماميه انك هتتخطى من اليمين ... دى المعلومه اللى عندى ... ايه رأيكو؟
                          [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                          Comment

                          • #14
                            المشاركة الأصلية كتبت بواسطة solly76 مشاهدة المشاركة
                            سؤال: التخطى من الشمال على الطريق السريع
                            داخل البلد ممكن يمين بس تكون المسافه معقوله و مع تنبيه السياره الأماميه انك هتتخطى من اليمين ... دى المعلومه اللى عندى ... ايه رأيكو؟
                            ممنوع التجاوز من اليمين حتى لو الطريق 10 حارات سواء جوه البلد أو بره.

                            في قاعدتين أساسيتين 80% فاهمينهم بالعكس وهما:

                            1- ممنوع التجاوز من اليمين
                            2- افسح الطريق للقادم من اليسار( أو الأولوية للقادم من اليسار) وده طبعا لما تكون داخل على دوار أو صينية دايما تلاقي كل واحد داخل الصينيه فاكر ان ده طريقه واللي جوه الصينية هوا اللي لازم يقف يستناه بالرغم ان المفروض العكس لأنه هو اللي داخل على تقاطع الأولوية فيه للي جوا الصينية
                            [CENTER][aldl]http://profile.ak.fbcdn.net/hprofile-ak-snc4/187900_178902862160730_2430898_n.jpg[/aldl][/CENTER]
                            [CENTER]
                            [aldl]https://fbcdn-sphotos-f-a.akamaihd.net/hphotos-ak-ash3/66150_603643096318500_1743303927_n.jpg[/aldl][/CENTER]

                            Comment

                            • #15
                              المشاركة الأصلية كتبت بواسطة solly76 مشاهدة المشاركة
                              سؤال: التخطى من الشمال على الطريق السريع
                              داخل البلد ممكن يمين بس تكون المسافه معقوله و مع تنبيه السياره الأماميه انك هتتخطى من اليمين ... دى المعلومه اللى عندى ... ايه رأيكو؟
                              اعتقد ان قاعده ان الشمال للتخطى ديه قاعده عامه سواء فى القياده داخل البلد او على الطرق السريعه,فى جميع الاحوال لا يصح التخطى من اليمين,فى انتظار التأكد من الخبراء
                              George
                              [CENTER]فى كل صباح تذكر ان الرب الهك يحبك ويحرسك ويدبر كل امورك,فقط قل لتكن مشيئتك[/CENTER]

                              Comment

                              السابق 1 2 3 4 template التالي
                              Working...
                              X