البنــــــــــــــــــــــــــــــــــــــــــــــ زين

[meedosalah900]

السلام على احلى شباب
نبتدى نسال
بنزين 95 الاقية فين دة لا الحج عندى معجب بالباسات ومش فاضل فالاستعلامات عن العربية والاسئلة غير موضوع البنزين مع العلم ان التحرك هيبقى بين العشر من رمضان والرقازيق واحيانا القاهره كل ده من محل الاقامة اسماعيلية
اللى عندة علم بمكان المحطات يقولى وربنا يباركلو
ويجعلو عاااااامر

[Salamonti]

ما الناس بتحطلها 92 عادي..
حبكت معاك 95 ؟؟؟

[د.محمود صلاح]

موجود بوفرة لأن الطلب عليه قليل ...

[mohamed Gamal]

ما الناس بتحطلها 92 عادي..
حبكت معاك 95 ؟؟؟

شفت حد حطلها 92 وعادي؟؟؟

[Salamonti]

مديري في الشغل معاه باسات 2009
وسعات كتير باخدها منه لقضاء مشاوير خاصة بالشغل وبيديني فلوس احط 92

[Salamonti]

وتقدر تخش هنا في المنتدى فيه قسم مخصص للفولكس واجن
اسأل الأعضاء هناك كمان وهما يقولولك عشان تبقى متطمن

أصل بصراحة 95 ده خراب بيوت

[mohamed Gamal]

http://www.nilemotors.net/Nile/75863-2007.html

http://www.nilemotors.net/Nile/81998-92.html

http://www.nilemotors.net/Nile/65606-1-6-fsi-1-4-tsi.html

[AMA]

مش شرط يعنى 95 بالظبط زى ماالكتاب بيقول ممكن تحطلها 92 مش هتضرك أوى (على فكرة فيه واحد معانا فى المنتدى معاة أسبرنزا a113 على ماأظن و بيحط بنزين 80) طيب ماهى أى عربية فى العالم غلط عليها المطبات و فى مصر هنا الدنيا زى الفل كل عشرة متر مطب و دا إلى بيخلى عمر العربية الأفتراضى أقل بكتيــــر من أى دولة تانيه فى العالم

[mohamedali90]

موجود بوفرة لأن الطلب عليه قليل ...

هتلاقي كتير في كل البنزينات اللي بدخلها بلاقيه و خصوصا موبيل و وطنية

[Sameh]

نصيحة مخلصة بلاش 92 وخليك فى 95 حفاظا على الموتور ، لأن الموتور الجديد ال tsi راكب عليه تربو وسوبر تشارجر يعنى لو بنزين أوكتان منخفض هيزود الطرق جوا المحرك ويأثر كتير أوى على كفاءته وعمره
الحاجة التانية إستهلاك البنزين فى الباسات ال 2010 بالموتور ال tsi والفتيس ال dsg7 إقتصادى جداً جداً فحتى مع بنزين 95 بتبقا التكلفة فى الآخر طبيعية زى أى سيارة لأن يدوبك بتشم بنزين فعلاً ، وفيه تجربة حقيقية لعضو من الأعضاء مشوار من بورسعيد للغردقة ب 30 لتر بنزين فقط ، أظن انت عارف ان مشوار زى ده فى أى عربية تانية كان أخد 50 لتر بالراحة
النقطة التالتة والأخيرة حتى لو فيه فرق فى سعر البنزين هيكون لا يذكر بالنسبة لمصاريف الباسات ولا قدر الله لو حصلت مشكلة بسبب البنزين الغلط هتتكلم فى صيانات بآلاف الجنيهات ، يعنى لازم تعمل حسابك على ال 95 من الآخر حتى لو غلى

[khaled_rafea]

لو تربوا يبقى لازم 95, و إلا تبقى بتأذى المحرك

[Amr ElShimy]

ما الناس بتحطلها 92 عادي..
حبكت معاك 95 ؟؟؟

ممكن تحط بنزين 92 بس لازم يكون الموتور FSI مش TSI علشان كل الجديد 2010 الموتور بقا
TSI (Turbo static indicator)
يعنى لو الموتور بتع حضرتك اف اس اى ممكن 92 بس مع كل تفويله من المفضل تحط اوكتين

و ده رخصي مش غالى اوى غالبا فى حدود 50 او 60 جينه بس بيحفظ على الموتور اوى

[levelpower]

حط 95 بس المشكله ان الزقازيق و العاشر اظن ان مفيش 95 اصلا

[ahmed31031]

بنزين 95 طبعااااااا وهتلاقيها في موبيل ووطنية

[meedosalah900]

يا جماعة شكرا لكل الناس الحلوة اللى ردت
انا مش قصدى نوع البنزين ولا التكاليف لان من الاخر العربية هطلع فرق السعر زي مالاستاذ sameh قال انا بسال على
مكانى فالمناطق اللى قولت عليها لو حد يعرف المكان يقول (المكان )