مساعدة في عمل مشروع قطع غيار سيارات

[أبو صلاح]

السلام عليكم
أخواني الاعضاء

ان شاء الله ناوي ومعايا 2 من الاصدقاء بفتح مشروع قطع غيار سيارات
وان شاء الله هيكون لادا و شاهين
السبب اني اخترت النوعين دول انهم منتشرين وهو نوعين اتنين بس يعني بقدر الامكان هحاول الم كل قطع غيارهم من الاكصدام للاكصدام بقدر الامكان
يعني بحلم اني اكون زي مركز أحمد محرم اللي في عين شمس
او مركز الجندي في الكيا

انا عندي المكان والحمد لله موقع ممتاز على شارع رئيسي كبير وجانبي شارع كبير فيه قطع غيار سايارات واكسسورات

المشكلة في اني مش عارف أبدأ ازاي
يعني اشتري بأسعار جملة إزاي ومنين ؟

ومنين أضمن ان المورد اللي بيجيبلي قطع الغيار دي أصلية أو تقليد ؟

هل من نصائح ؟

[sary005]

بص ياباشا اولا ربنا يباركلك فى المحل بتاعك و يسهلك اموراك انت تنزل التوفقية دة سوق كبير اوى و دة الناس اللى متعرفهوش كلو تجار و مستوردين و مصدرين انزل وحاول تفتح شغل معاهم و لاف و اعرف الاسعار و طريقة السداد و اية المطلوب و مرة مع مرة هتعرف الموردين اكبر من دول و طرقق اية بس لازم الاول تتعب و تتكلم مع ناس كتير بدال انت معندكش خبرة فى الموضوع دة هتاخد وقت و مجهود جامد لحد لما تتظبط علاشان تكون لمم كل حاجة و ربنا يكرمك يارب بس لية مفكرتش انك تدخل 128 و 127 فى الشغل بتاعك دول اكتر من الهم على القلب فى مصر جرب ياباشا انك تشتغل فى الفيات ككل و ان شاء الله ربنا يكرمك و بالتوفيق

[أبو صلاح]

بص ياباشا اولا ربنا يباركلك فى المحل بتاعك و يسهلك اموراك انت تنزل التوفقية دة سوق كبير اوى و دة الناس اللى متعرفهوش كلو تجار و مستوردين و مصدرين انزل وحاول تفتح شغل معاهم و لاف و اعرف الاسعار و طريقة السداد و اية المطلوب و مرة مع مرة هتعرف الموردين اكبر من دول و طرقق اية بس لازم الاول تتعب و تتكلم مع ناس كتير بدال انت معندكش خبرة فى الموضوع دة هتاخد وقت و مجهود جامد لحد لما تتظبط علاشان تكون لمم كل حاجة و ربنا يكرمك يارب بس لية مفكرتش انك تدخل 128 و 127 فى الشغل بتاعك دول اكتر من الهم على القلب فى مصر جرب ياباشا انك تشتغل فى الفيات ككل و ان شاء الله ربنا يكرمك و بالتوفيق

شكرا ياباشا على النصيحة الغالية
بالنسبة لموضوع ال 128 وال 128 هي فعلا فكرة تحتاج لدراسة
لكن انا غرضي الاساسي ان مالك السيارة الشاهين وقت ما يحتاج حاجة لعربيته يبقى انا اول واحد يفكر فيه لانه متأكده انه هيلاقي اي حاجة لعربيته عندي واصلي وبسعر مناسب
هو ده غرضي الاساسي

علشان كده في البداية انا مش مستحمل 4 انواع بس ممكن قدام شوية

[أبو صلاح]

لا جديد ؟؟

[lada2010]

انا اعرف مستورد قطع غيار لادا فى التوفيقية

[mr_sameh]

بالتوفيق ان شاء الله

[powerofhelll]

بفكر في الموضوع ده من فتره بس انت عايز تشتغل جديد و لا استعمال خارج

[أبو صلاح]

انا اعرف مستورد قطع غيار لادا فى التوفيقية

ممكن ياباشا تبعتلي رقم تليفون حضرتك ؟

بالتوفيق ان شاء الله

شكرا ياباشا

بفكر في الموضوع ده من فتره بس انت عايز تشتغل جديد و لا استعمال خارج

جديد يا زعيم

[maka]

بالتوفيق يا باشا باذن الله , انا برده بفكر مع ناس اصحابى فى نفس الفكرة بس اكسسوار عربيات وصوتيات

اللى اقدر افيدك بيه انا فيه شركات جملة بالتوفقية زى شركة غريب و لو حد ضمنك هناك ممكن تشترى بالاجل

شكرا ياباشا على النصيحة الغالية
بالنسبة لموضوع ال 128 وال 128 هي فعلا فكرة تحتاج لدراسة
لكن انا غرضي الاساسي ان مالك السيارة الشاهين وقت ما يحتاج حاجة لعربيته يبقى انا اول واحد يفكر فيه لانه متأكده انه هيلاقي اي حاجة لعربيته عندي واصلي وبسعر مناسب
هو ده غرضي الاساسي

علشان كده في البداية انا مش مستحمل 4 انواع بس ممكن قدام شوية

ياباشا ابداء كبير علشان تفضل كبير باذن الله فيه عربيات كتيير منتشرة زى الفيات القديمة و الكورى الشعبى ( لانوس فيرنا ) و الاسبيرانزا

و بالتوفيق

[بحري]

بالتوفيق يا أبوصلاح وإن شاء الله نباركلك ونهنيك قريب

[مصراوي جدا]

بالتوفيق يا ابوصلاح ونصائحي كالتالي :

- اولا كويس انك اخترت المكان فيه تجمع لقطع غيار السيارات والاكسسوارات لأنك هتحتاج تعمل مع المحلات الأخرى شغل في المستقبل من تبادل اصناف الى استكمال بضاعة للزبائن ومهم جدا متكونش في مكان لوحدك

- مهم جدا كمان التعرف على الورش اللي شغالة حواليك في الماركات اللي عندك والاتفاق معهم على التعاون وانه ممكن يتصل بيك بالتليفون لارسال البضاعة له

- اختيار الموديلات اللي هتشتغل فيها يحدها عامل مهم جدا وهو رأس المال ، يعني لو راس المال المخصص لقطع الغيار مش كبير يبقى نصيحتي المهمة جدا جدا هي عدم التوسع في عدة موديلات وانما التركيز في ماركة واحدة وموديل او اتنين (الاكثر انتشارا) وتوفير معظم الأصناف لهم
وليس توفير أصناف السيرفيس مثلا لموديلات وماركات كتيرة لأن اي زبون هييجي مرة واتنين يسأل على صنف وميلاقيهوش عمره ما هييجي المحل تاني ودائما تذكر ان الانطباع الأول هو الانطباع الأخير First impression is the last impression

علما بان اصناف قطع الغيار تنقسم الى اصناف سريعة الحركة زي الفلاتر والسيور والبوجيهات (السرفيس) واصناف متوسطة الحركة واصناف بطيئة الحركة فطبعا المفروض تجيب في المحل الأصناف السريعة والمتوسطة اما البطيئة فتكون عند الطلب يتم توفيرها بدلا من ركن الفلوس فيها

- البداية في الشراء تكون بالمرور على محلات الجملة واخذ قوائم اسعار الأصناف منهم والاختيار منها (ممكن تخللي صديق لديه محل مشابه هو اللي يختار الأصناف والكميات اللي هيتم شرائها في الأول وبشكل عام بلاش كميات كبيرة من اي صنف لحد ما تشوف ماشي ازاي) واكبر غلطة ممكن ترتكبها في حياتك هي الاعتماد على حد من الموردين في اختيار الأصناف لك باعتباره صاحب خبرة طالما متعرفهوش

والنصيحة الأساسية في الموضوع كله (لا تثق في اي حد متعرفهوش وتوكلوا على الله واعتمدوا عليه ثم على انفسكم)

وبالتوفيق

[ahmedhilmy]

موفق ان شاء الله يا ابو صلاح و كل شئ في اوله صعب بس ربنا يقويك و يعينك

[أبو صلاح]

بالتوفيق يا ابوصلاح ونصائحي كالتالي :

- اولا كويس انك اخترت المكان فيه تجمع لقطع غيار السيارات والاكسسوارات لأنك هتحتاج تعمل مع المحلات الأخرى شغل في المستقبل من تبادل اصناف الى استكمال بضاعة للزبائن ومهم جدا متكونش في مكان لوحدك

- مهم جدا كمان التعرف على الورش اللي شغالة حواليك في الماركات اللي عندك والاتفاق معهم على التعاون وانه ممكن يتصل بيك بالتليفون لارسال البضاعة له

- اختيار الموديلات اللي هتشتغل فيها يحدها عامل مهم جدا وهو رأس المال ، يعني لو راس المال المخصص لقطع الغيار مش كبير يبقى نصيحتي المهمة جدا جدا هي عدم التوسع في عدة موديلات وانما التركيز في ماركة واحدة وموديل او اتنين (الاكثر انتشارا) وتوفير معظم الأصناف لهم
وليس توفير أصناف السيرفيس مثلا لموديلات وماركات كتيرة لأن اي زبون هييجي مرة واتنين يسأل على صنف وميلاقيهوش عمره ما هييجي المحل تاني ودائما تذكر ان الانطباع الأول هو الانطباع الأخير first impression is the last impression

علما بان اصناف قطع الغيار تنقسم الى اصناف سريعة الحركة زي الفلاتر والسيور والبوجيهات (السرفيس) واصناف متوسطة الحركة واصناف بطيئة الحركة فطبعا المفروض تجيب في المحل الأصناف السريعة والمتوسطة اما البطيئة فتكون عند الطلب يتم توفيرها بدلا من ركن الفلوس فيها

- البداية في الشراء تكون بالمرور على محلات الجملة واخذ قوائم اسعار الأصناف منهم والاختيار منها (ممكن تخللي صديق لديه محل مشابه هو اللي يختار الأصناف والكميات اللي هيتم شرائها في الأول وبشكل عام بلاش كميات كبيرة من اي صنف لحد ما تشوف ماشي ازاي) واكبر غلطة ممكن ترتكبها في حياتك هي الاعتماد على حد من الموردين في اختيار الأصناف لك باعتباره صاحب خبرة طالما متعرفهوش

والنصيحة الأساسية في الموضوع كله (لا تثق في اي حد متعرفهوش وتوكلوا على الله واعتمدوا عليه ثم على انفسكم)

وبالتوفيق

والله العظيم كلام غالي وكبير وتقريبا ده نفس التفكير اللي عايز امشي عليه وانت فعلا نورت دماغي بالكلام ده
شكرا ليك جدا

موفق ان شاء الله يا ابو صلاح و كل شئ في اوله صعب بس ربنا يقويك و يعينك

الله يخليك يا زعيم

[م.محمد علاء]

المشكلة في اني مش عارف أبدأ ازاي
يعني اشتري بأسعار جملة إزاي ومنين ؟

ومنين أضمن ان المورد اللي بيجيبلي قطع الغيار دي أصلية أو تقليد ؟

هل من نصائح ؟
[/center]

شوف يا ابو صلاح (لو سمحتلي )
هي دي مشكلة مشاكل قطع الغيار...خصوصا الشاهين أو الفيات و اللادا...
لأن معدش فيه حد عنده قطع مضمونه...كله مضروب ..أو على الأقل مش كله..بس المستوردين بيجيبوا الرخيص لان الواحد فى مصر بقى مؤمن إن فعلا معدش فيه غير المضروب فى السوق...فيحجيب حاجه غاليه ليه...
لو عايز تميز نفسك فعلا...نصيحتى ليك هي إنك تسعى إنك تجيب الأصلي..معرفش سككه منين...بس لازم تتعب عشان تعرف..وتلاقيه...وربنا يوفقك إن شاء الله..
وهو مشروع ممتاز...لو قدرت تكسب ثقة العميل

[Karim_Monir]

ابو صلاح
جرب تسال مهندس طلعت بتاع رينو
لاني عارف انه بيشتغل فيات جملة

موضوع في الهيدر فوق اسئلة على الخاص مش في موضوعه
او خد تليفونة اسئلة مانت هاتبقي عميل