
مش عارف الموضوع ممكن يزعل ناس كتيرة (زى مازعل ناس كتير قبل كدة) و للمرة المليون بصورة غير الصورة نعرض عليكم موضوع البيع و الشراء سواء فى الوسيط أو على النت أو فى الحقيقة
النظرة العامه للبايع المصرى عايز يبيع السيارة المستعمله موديل السبعينات و التمانينات على أساس إنها تراث و ورث من الجدود و إلى أشترى عربيه عايز يبيعها بنفس السعر حتى بعد وقوع الأسعار و موديلات التسعينات بتكون عزيزة عليه عشان كدة بتكون الأسعار برضة كوميديه (فى الأخر كل الحالات دى مش بتبيع عربياتهم لحد ماينزلوا لسعرها الطبيعى)
طيب نبص للوسيط بقى عشان أنا من كام يوم بقيت أضحك و بسخريه شديده على الأعلانات لما ألاقى الأسعار متزوده كام ألف على كل سيارة على أساس الفصال و لو محدش فاصل يبقى خير و بركه طبعا كله بيتصل و محدش بيشترى و نفس الأعلانات بشوفها على طول فى كل أصدار عمتا دا الطبيعى ماهو ميكونش سعر العربية دلوقتى 15 ألف و أطلب فيها 20 ألف ماهو إلى بيشترى دة مش مغفل عشان كدة كل العربيات دى بتترمى لصاحبها فى حجره زى مابيقولوا (فى الحاله دى العربيه برضة مش بتتباع)
نبص بقى على النت و الكوميديا دلوقتى أى واحد بقى فاهم و له سعره حتى مش عايز يبيع بيعرض عربيتة على أساس أنه يمتع عينه بأعلى سعر ليها مهما كانت حالتها و فى الأخر خالص كله بيدخل يقوله السعر عالى على الموديل و الحاله فلازم يزعل و طبعا أصحاب نفس السيارة بيزعلوا لأن كدة أنت بتقلل من قيمه سياراتهم و كوجهة نظرنا يا مصريين لما بيتقلل من قيمه حاجة معينه كأننا بنقلل من شخصيته نفسه (فى الحاله النحس دى العربية مش بتتباع نظرا لسعرها + بتحصل مشكلة و عركه)
الحقيقة أرخص أزاى يعنى بمعنى أصح إلى ناوى يبيع و له النيه فى البيع بعيدا عن التجار بيجيب السعر الطبيعى و فى الوضع دة حاله العربية هيا إلى بتحكم على البيع أو لأ يعنى الوسيط لازم تقلل كام ألف كدة عشان تعرف سعر العربية النت لازم برضة تقلل حوالى 3 ألاف جنيه عشان تعرف سعرها الحقيقى و الكلام دة مش من خيالى لأ من السوق أنا كل إلى أعرفهم نزلوا السوق لقوا كتير تجار و أتصدموا لكن لما شافوا ناس عايزة تبيع بجد قالوا أن النت و الوسيط مجرد هزار لناس فاضية مع العلم أن فيه حالات عربيات لقطه بس أنت و شطارتك لأن ممكن تدبس
دعوة للى عايز يبيع و إلى مش عايز براحته يضرب سعر عربيته فى 6 مش هتفرق
يا ريت بس مش بخس بالأسعار زى مابيقولوا بس الأول تسأل الناس الأسعار ماشية أزاى كويس فى السوق و مش من التجار تعرف من الناس إلى باعت أو تسأل إلى أشترى بدل ماتتعب نفسك وفى الأخر مش هتبيع ,,, أرجو التفهم كويس من الموضوع لأنه مش هدفه البخس بالأسعار لكن هدفه التنظيم شوية لأن الحاله بقيت سبانخ على الأخر
.gif)

Comment