الي اخواني اعضاء المنتدى "احذروا هذا النصاب"

[mohamedali90]

الحمد لله
والله انا فعلا فرحت انك قدرت توصل للراجل ده
ربنا يسهل وتقدر تسترد فلوسك
لكن واضح انها كانت مغامرة رهيبة
يا ريت لو تقدر تقولنا التفاصيل علشان تبقى افادة للزملاء
الف مبروك وربنا يكتر من امثالك وامثال الناس المحترمة اللي ساعدوك سواء الزملاء او ضباط المباحث

الله يخليك يا باشا الحمد لله كله بقدر الله و بمساعدة الاعضاء الجامدين من علي المنتدى و كانت مغامرة بسيطة

و الحمد لله

عرضوا علي منصب في الداخلية بعد الحركات الجامدة اللي عملتها و لسة بفكر

[mohamedali90]

ألف ألف ألف مبروك يا ابو حميد و الله العظيم أنا فرحت لك من قلبى انا عمرى ما تشاركت معك فى اى حوار على المنتدى بس و الله العظيم كان قلبى حاسس انك حتلاقية و انا احى الروح القتالية التى بداخلك التى جعلتك لا تهدأ و لا تنام الى ان وفقك الله 1000 مبروك مرة أخرى و يا ريت تقول لنا التفاصيل و هل استرددت المبلغ و لا أية و لك تحياتى

الله يبارك فيك يا حازم يا حبيبي و انا اتشرفت بمعرفتك
و الحمد لله و انا كنت بعمل اللي علي و كل اللي ممكن يتعمل و كنت واثق في ان ربنا هينصرني لاني علي الحق و ما ربك بظلاماً للعبيد و الحمد لله

[Cutevampire]

اولا ببارك لمحمد جداااااااااااااااااااااا و بقوله ربنا يخليك لمصر
ثانيا احب اقول للناس ان رجوع الفلوس لمحمد شئ صعب جدا جدا .. بس ربنا يجعله في ميزان حسناته ان شاء الله
و ربنا هيردهاله في حاجة احسن ان شاء الله ..

انا شوفت يا محمد انت تعبت قد ايه .. و جيت علي شغلك و بيتك علشان ما تسيبش حقك و تنجي ناس كتير كانت هتقع مع النصاب ده ....متقلقش ربنا هيجزيك خير ان شاء الله

[a3reda]

الله يعوض عليك

[hema_hn]

الله يخليك يا باشا الحمد لله كله بقدر الله و بمساعدة الاعضاء الجامدين من علي المنتدى و كانت مغامرة بسيطة

و الحمد لله

عرضوا علي منصب في الداخلية بعد الحركات الجامدة اللي عملتها و لسة بفكر

الف مبروك يا محمد وان شاء الله حتسترد فلوسك منه وربنا يباركلنا فى المنتدى العظيم ده هو الى قربنا لبعض
الفلوس الحلال مبتضعش ابدا ورأى وافق بالمنصب ده انت حتعمل شغل حلو قوى هناك

[ENG\AHMED]

السلام عليكم اعضاء المنتدى الكرام

احب اقول في الاول ان اعضاء المنتدى كلهم بجد رجالة قوي
سواء اللي كان بيقول كلمه في صالحي او كان محملني مسئولية النصب

لية بقي الكلام اللي فات

لان يا جماعه من يوم الخميس و انا مبدخلش علي المنتدى لاني قدرت اصول للنصاب وعملت له خطة مظبوطة بتوفيق من ربنا و بعض المعاونة من احد اعضاء المنتدى وهو مهندس احمد كتر خيره
لحد مقدرت اوقع النصاب متلبس ومعه كل احراز النصب من بدل ميري و سلاح و بعض الصور اللي متصورها وهو بالبدله الميري و كارنيهات ضباط متوفين و بالاضافة لبعض الاوراق الخاصة بالضحايا امثالي و انهم معدين الخمسين ضحية و اقل مبلغ واخده كان المبلغ بتاعي
و الحمد لله علي اني كنت سبب في اني اوقف النصاب دة عند حده و اكف الناس شره و دية اقل نية دخلت في الموضوع دة علشانها وان فعلا لا يضيع حق ورائه مطالب
و ان يا جماعه فعلا الله في عون العبد ماكان العبد في عون اخية لاننا لما تعاونا قدرنا نكمل بعض كل واحد قالمعلومة ولو بسيطة قدرت تقربني منه و الحمد لله

وانا داخل المنتدى انهاردة علشان اشكر كل الاعضاء اللي علقوا علي الموضوع و دعوا لي ان ربنا يوفقني والحمد لله ربنا استجاب لهم

و اخص بالذكر مهندس احمد لانه كان السبب الرئيسي اني اوصل للنصاب
و اخص بالذكر مشرفين المنتدى اللي سمحوا لي اني انشر موضوعي لحد النهاية والحمد لله
و كل اصحاب اللي اتكلموا في الموضوع ايهاب زهرة- ايهاب شرف-خالد عبدالرافع - محمد الجدامي - محمود الخطيب - مهندساحمد -المحامي احمد - المبرمج احمد - وكل الناس مش عاوزانسى حد يا جماعه بس كلهم كتر خيركم

الحمدلله

الراجل اتمسك في قسم العبور بقيادة رئيس المباحث الرائد حازم سعد
انا بشكره لانه فعلا بيراعي ضميرة ضابط محترم و عنده ضمير

السلام عليكم احلي اعضاء

فى الاول قبل ما اقول اى حاجة هعلق بس على حتة تحملك لمسئولية النصب
اولا الجيش بينزل عربيات زيرو للظباط بأسعار اقل من السوق على سبيل المثال اللنسر ال 1.6 ايام ما كانت مانيوال ب 103000 كانت فى الجيش 85000 ودة عادى جدا بيبقى عروض او مميزات بيديها الجيش للظباط - زى اى شركة بتدى مميزات لموظفيها - اما فارق السعر الكبير راجع ان العربيات دى مش بتتجمرك وبتبقى طلبيات بكميات كبيرة
كون ان الظابط لية الحق يبيع ولا لأ دة متوقف على الاقساط يعنى لو شارى العربية كاش ممكن يبيعها رسمى من تانى يوم انما لو عليها اقساط بيبقى عليها حظر بيع لصالح بنك ناصر , زية زى اى معرض بالعكس فى بنوط دلوقتى بتقولك مفيش حظر بيع وكون انة يبيعها بتوكيل والكلام دة مفيش فيها اى عملية نصب ولا سرقة
اى حد فى مكان محمد تجيلة فرصة انة يشترى عربية بسعر ارخص مش هيتردد وخصوصا زى ماوضحت ان الموضوع مفهوش لا نصب ولا سرقة ولا الكلام دة وبيحصل مع اى حد مقسط من اى بنك عن طريق اى معرض وبيتم البيع بتوكيل لحين انتهاء الاقساط



نيجى بقى للموضوع الرئيسى
اولا انا بهنيك انك نوعا ما قدرت ترجع جزء من حقك وهو انك مسكت الراجل وعقبال لما ترجعلك فلوسك كاملة ان شاء الله
على الاقل انت كسرت عينة ووريتة الذل بعد اللى كان بيعملة فى الناس وريحت الناس منه , وبالامانة انا فرحتلك جدا لما كلمتنى علشان تقولى انة اتقبض علية

تأكد ان المال الحلال مبيضعش وان النصب والسرقة ملوش رجلين مهما كان الحرامى ذكى

يمكن انا مشوفتش الحرامى ولا مرة بس من اللى بسمعة والقصص اللى كان بيعملها الراجل دة ذكى جدا بس ذكى لدرجة الغباء
ذكى انة بيقدر يخدع كل اللى حوالية ولفترات طويلة جدا بدون اى شكوك , ذكى انة بيدخل كماين ويعدى منها زى اى ظابط بدون اى شكوك حوالية بالرغم من انة مسجل , ذكى انى يقعد الفترة دى كلها ويتنقل فى كذا مكان بدون مايسيب اى اثر وراة ممكن تجيبة منة
بس غبى انة بيعيد نفس السيناريو بتاع اى عملية كل مرة وهو دة اللى وقعة

سبحان الله اللى يعرف تفاصيل القصة من البداية كانت قصة غريبة جدا من بدايتها بس الحمد لله انة اتمسك اخيرا وان شاء الله الحقوق ترجع لأصحابها

كلمة اخيرة انا معملتش حاجة سبحان الله الموضوع جة كدة بالصدفة , اى حد مكانى كان هيعمل اللى عملتة ويمكن اكتر كمان

[khaled_rafea]

جزاك الله خير يا باش مهندس أحمد, ربنا يجعله فى ميزان حسناتك إن شاء الله

[mohamedali90]

السلام عليكم مهندس احمد

الله يكرمك و يجزيك خير و الحمد لله انه جعلك سبب انك تكون من الناس اللي وقفوا النصاب عند حده و انت بجد السبب الرئيسي للقبض علي النصاب و انا بجد اتشرفت بمعرفتك انت انسان محترم و ايجابي ربنا يكرمك
شكرا لك يا باشمهندس احمد

[mohamedali90]

اولا ببارك لمحمد جداااااااااااااااااااااا و بقوله ربنا يخليك لمصر
ثانيا احب اقول للناس ان رجوع الفلوس لمحمد شئ صعب جدا جدا .. بس ربنا يجعله في ميزان حسناته ان شاء الله
و ربنا هيردهاله في حاجة احسن ان شاء الله ..

انا شوفت يا محمد انت تعبت قد ايه .. و جيت علي شغلك و بيتك علشان ما تسيبش حقك و تنجي ناس كتير كانت هتقع مع النصاب ده ....متقلقش ربنا هيجزيك خير ان شاء الله

الله يخليك يا ايهاب
و ربنا يكرمك و بجد انت كنت من الناس اللي وقفوا جنبي و كنت من الاسباب الرئيسية اني ميياسش و انت كنت بتحاول تدور معاية علي النصاب انا تعبتك معاية شكرا لك يا هوبة و جزاكم الله خيرا

[mohamedali90]

مبروك يا محمد و الحمد لله انك مستخدمتش معاه أسلوب البلطجة, حتى لو ماخدتش فلوسك, المهم انه اتمسك و انت حترتاح نفسيا, و إن شاء الله حقك عند ربنا اكتر من الفلوس اللى راحت

الله يبارك فيك يا خالد و ربنا يخليك لينا يا باشا و الحمد لله علي كل حال
مع الشكر يا خالد

[mohamedali90]

الف مبروك يا محمد وان شاء الله حتسترد فلوسك منه وربنا يباركلنا فى المنتدى العظيم ده هو الى قربنا لبعض
الفلوس الحلال مبتضعش ابدا ورأى وافق بالمنصب ده انت حتعمل شغل حلو قوى هناك

الله يخليك يا هيما و يارب استرد فلوسي ان شاء الله بعد كل العذاب و التعب دة ان شاء الله
و انا هاخد بنصيحتك و اوافق علي منصب الداخلية و خصوصا انه متوافق مع امكانياتي عرضوا علي لواء

[banboty]

بصراحة انا عجبني الايجابية و الاصرار اللى عندك.

و اللى اكتر و اكتر ,

معاونة الاخوة الزملاء ليك في ضائقة و كرب كان ممكن اي حد يتعرض ليه و قاموا بدور ايجابي يستحقوا من اجله تحية و احترام كبيرين في زمن الانانية و الانا مالية ... بشكرهم بالنيابة عنك مرة تانية

و صدق رسول الله صلى الله عليه و سلم ( الخير في امتى الى يوم الدين )

هناك دروس مستفادة من حكايتك , يا ريت كلنا نتعلم و نعرف الصح فين ..

و ابقى إطلعنا ا بآخر التطورات

[mtageldeen]

أنا سعيد جداً بإيجابيتك وإيجابية الأعضاء

ومبروك إنك توصلت إليه
وإن شاء الله تسترد أموالك

أنا لم أقرأ الموضوع إلا الآن وقرأته كامل وكنت أبحث عن وسيلة للمساعدة خاصة أنني في مدينة جديدة

ولكن سعادتي أنك توصلت إليه

ولله الحمد والمنه

[SunSet]

الله يخليك يا هيما و يارب استرد فلوسي ان شاء الله بعد كل العذاب و التعب دة ان شاء الله
و انا هاخد بنصيحتك و اوافق علي منصب الداخلية و خصوصا انه متوافق مع امكانياتي عرضوا علي لواء

خلي بالك حتلاقي حد من الاشراف طلع لك يعلق على اللون الاحمر ده

[mohamedali90]

بالنسبة للون الاحمر مكنتش اعرف الا الان انه ممنوع انا اسف للمشرفين علي المنتدى