المطبات الصناعية العشوائية

[medociv]

السلام عليكم ورحمة الله وبركاته
موضوعي عن المطبات الصناعية العشوائية (اللي الناس بتعملها)
في وناس فاكرة الشارع ده بتاعها تعمل اللي هي عايزاه
هديكم مثال بيت والدي في شارع محمد النادي مدينة نصر الشارع ده واسع واتجاهين وكانت الميكروباصات بتهرب منه عشان تتفادى الزحمة في مصطفى النحاس فالحكومة عملت كام مطب في الشارع كويسين فكل باشا قام عامل مطب له ولعياله !!! طبعا مطب زفت خرسانة الظاهر بيخلي البواب وبيبقى واقف على حيله وخرسانة تكسر اجدع عفشة ومش منتظم وزفت !!! حاجة تحرق الدم
المهم الاجازة ده نزلت لقيتم شالو كل المطبات اللي في الشارع حتى اللي عند التقاطعات قلت حلو جميل نمشي فيه براحتنا ،،مفيش اسبوع الا ولقيت واحد غلس عمل مطب سخيف خرسانة من اللي يقطم العربية
الناس فاكرة الشارع ده بتاعها حاجة تغيظ!!!

[powerofhelll]

ربنا يهدي الجميع

[M.Zaher]

طول ما فيش رقابه ولا تنظيم هايبقى دايما فيه استهتار من الناس

[hobaz]

لاحول ولا قوة الا بالله دلوقتي البلد بقت ماشية بالدراع..........

[shaddadfalcon1]

ده في ناس بتعمل مطبات ميتفعش يعدي من عليه عربيات ملاكي اصلا
ممكن تبلغ الحي علي مااتعتقد لان ده علي مااعتقد افساد للمال العام او حاجه شبه كده

[د.محمود صلاح]

في الزراعي وفي الأقاليم أفظع ...

[Akram]

انا أعرف إن فيه غرامة على العقار اللي أمامه المطب كما يلزم بإزالته ,

بس مين اللي بيطبق القانون :( ,

حاول مع الحي زي ما الزميل بيقول ....

حاجة تانية : اللي اعرفه غن مقاييس المطب العالمية و يا ريت حد يصححلي لو غلط :

إن يكون عرض المطب 2 متر و أقصى إرتفاع ليه من المنتصف 15 سم , و وضع علامة تحزيرية قبل المطب بـ500 متر ,

[Eng_Mostafa_89]

ربنا يهدى الناس دى

[adfarouk]

طول ما فيش رقابه ولا تنظيم هايبقى دايما فيه استهتار من الناس

لاحول ولا قوة الا بالله دلوقتي البلد بقت ماشية بالدراع..........

+1111111111111111111111

[Akram]

مطب عجب

فيه في شارع العشرين في فيصل مطب معمول بالأسفلت , يعني المفروض إنه مش من خلال الأفراد ,

عرض المطب 2 متر و الإرتفاع 1 متر ................

[acs]

فى واحد عندنا اخد غرامه 2500 جنيه علشان عامل مطب بس ده كان عمود نور فى الشارع مش مطب

[kemoelord]

ما دي اسمها يا جماعه " ثقافة الشعب " زي ما بنلاقي ناس بترمي الزبالة في الارض وزي ما بنشوف الناس بتعوم في مياة النيل والترع وزي ما بنشوف الناس عندها عدم اكتراث بصحتها من خلال تلوث البيئه والجو وزي ما بنشوف ناس ماشية على كافيها في الشوارع والطرق وزي وزي وزي في حاجات للاسف الحكومة ما ليها ذنب فيها

[medociv]

لما شفت المطب ده كانو عملو نصه كنت بفكر ادخل فيه جامد بعربيتي (كان لسه طري) اكسره
هي النقطة اني سافرت والله لو كنت قاعد كنت رحت اشتكيت للحي
حسبنا الله ونعم الوكيل

[M.Mosaad]

صدقوني الناس بتعمل كدة من غلبها يعني لو شارع واسع و متسفلت كويس الناس مش بتحمد ربنا و تمشي فيه كويس لا بتطير و لازم طفل يموت او يتخبط لا قدر الله فبيبقي قدام الواحد خيارين يعمل مطب مع نفسة ملوش حل يأما كل اسبوع حد يتخبط بعربيه

هي ثقافه شعب في تشويه كل حاجة جميله + ثقافه سائقين راكبين عربيات من ارخص العربيات في العالم و معندهمشي دم و لا ضمير بيطيروا في شوارع سكنيه

حلها الناس تلتزم سائقين و سكان شارع الدنيا هتبقي جميله جداااااااااااااا

[gomangy]

انا أعرف إن فيه غرامة على العقار اللي أمامه المطب كما يلزم بإزالته ,

بس مين اللي بيطبق القانون :( ,

حاول مع الحي زي ما الزميل بيقول ....

حاجة تانية : اللي اعرفه غن مقاييس المطب العالمية و يا ريت حد يصححلي لو غلط :

إن يكون عرض المطب 2 متر و أقصى إرتفاع ليه من المنتصف 15 سم , و وضع علامة تحزيرية قبل المطب بـ500 متر ,

مقاييس ايه يا عزيزي
حضرتكك مش واخد بالك اننا في مصر ولا ايه كلو ماشي بدراعه