محافظة القاهرة تستولي على شارع مجلس قيادة الثورة

[ZALABANY]

انا شغلي في ميدان التحرير وكنت بركن عربيتي في شارع مجلس قيادة الثورة وده الشارع اللي أمام كازينو النيل السياحي وكنت من فتره عملت موضوع ان جه ناس من المحافظة وقالوا ان الشارع ده تبع المحافظة والركنه ب 5 جنيه اليوم المهم ما دفعتش وتاني يوم مشيوا والوضع رجع كما هو عليه
المهم من كام يوم رايح اركن في امان الله لقيت يافطة مكتوب عليها
ساحة شارع مجلس قيادة الثورة
الساعة الاولي 2.5 وكل ساعه تالية 55 قرش حتى الساعة 7 مساء
ومن 7 مساء الى 7 صباحا 5.5 بدون حد أقصى للساعات
والساحة غير مسئوله عن أي منعلقات داخل السيارة
مع تحيات حي غرب القاهرة
المهم دخلت وركنت والراجل كتب ايصال وكتب فيه وقت وصولي وفي اخر اليوم رحت ما لقيتش الابصال ولقيت السايس القديم قلتله ايه النظام قالي زي ما احنا قلتله طيب اديتله 2 جنيه ومشيت وهو خدالفلوس اداها لبتاع المحافظة
النهارده الصبح رايح لقيت الراجل جايلي بيقولي حضرتك موظف قلتله اه قالي الانتظار ب 4 جنيه قلتله ازاي يعني واليافطه قالي طظ في الحي والمحافظة وهاديك بيهم ايصالات وفعلا اداني يصالات ب 3 جنيه ونص تقريبا خدتهم ومشيت وانا مش فاهم حاجه ولا فاهم دول نصابين ولا فعلا شغالين في المحافظة وحراميه ولا ايه الدنيا بلد عجيبه جدا

[ZALABANY]

وأدي الصور يا شباب

[احمد عبدالله]

تفتكروا إيه اللي هيعملوه فينا تاني في الأيام الجايه ؟؟؟؟؟؟؟؟؟؟؟

[Hegazio]

هما مأجرين من المحافظة تقريبا و المفروض يتبعو تعليماتها
أو غتاتة بقي و اللي يعرف يعمل حاجة يعمل

[NoRmAl]

انا عايز أعرف هو فى حاجه أسمها كده فى المحافظات فعلا ولا لأ

[hobaz]

......................

[elassar2010]

بجد عروستى مش فاهم حاجة

[A.Saad]

انا عايز أعرف هو فى حاجه أسمها كده فى المحافظات فعلا ولا لأ

yes

[ZALABANY]

ماهي دي الفكره ان ماحدش يبقى فاهم حاجه ولا مين اللي بيسرق الموظفين ولا السياس ولا المحافظة ولا ايه انا ما بقتش عارف

[Mohamed.Ramah]

محدش فاهم حاجة !!!

[NoRmAl]

طيب بما إن كله بيبلطج على كله :)
ناخد دورنا أحنا كمان ومش دافعين حاجه :)

[gade2]

خليها ماشيه زى ما هى ماشيه