إعـــــــلان

Collapse

.

,
See more
See less

خناقة والباب

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    خناقة والباب

    السلام عليكم اولا

    ثانيا انا اصلاشخصية هادئة جداااا ولكن اتقي شر الحليم اذا غضب

    اللي حصل كالاتي واخد امتداد مكرم عبيد وانت رايح ناحية city center

    سواق ميكروباص بيلف قام دخل في باب السواق

    المهم نزلت بكل هدؤ وقلتلو هاترجهالي زي ماكانت علشان ده طريقي وانت بتاخد التقاطع عالسريع

    نزل الركاب اللي معاك وهات رخصتك وتعالي نروح لسمكري

    الراجل بصلي بصة زي مايكون بيقول ( امشي يالا من هنا ) المهم النظرة ماعجبتنيش

    قلتلو يعني مش هاتنزل قاللي عوضك علي ربنا المهم قمت رايح ناحية شنطة عربيتي وشديت صليبة العجل

    وقمت رايح ناحية الباب الجرار وهو بيقولي يخربيتك انت هاتعمل ايه

    قلتلو انا هاعلمك تسوق ازاي ...............

    وبالصليبة والشلوت في الباب الجرار المهم الباب اطبق قلتلو احنا كده خلصانين عايز تتخانق تعالي ( كنت مستبيع بصراحة ) المهم مسك التيشرت وبس هي دي فرصتي وبالبوكس في ام وشو الناس اتلامت وكان حد بيصوت بس مش عارف مين المهم كام شتيمة حلوين والناس حاشت وبعدوني عن الراجل لاني كنت ماسك الصليبة في ايدي وكانو خايفين لاحسن انزل بيها علي دماغه

    والناس قالولي خد عربيتك وامشي بصراحة انا كنت عايز اخدو عالقسم

    بس الناس هي اللي حاشت

    اخدت مفتاح العجل وحطيتو في العربية

    وكان في راجل كبير قاللي يابني انت لسه صغير الحق روح

    ههههههههههههه قلتلو اه صغير
    ركبت العربية وبدورها لقيت الراجل( سواق الميكروباص الغبيي) بيقولي لو راجل اوقف

    المهم قلت مصلحة وحياة امك لابيتك في مستشفي

    لسه بمد ايدي جنب الباب بتاع السواق وبشد سلسلة محترمة (بتاعة ايام الشقاوة ) ونازل من الناحية التانية لقيت الناس اتلمت ياعم روح ده سواق عبيط هاتنزل بمستواك قلتلهم اع انزل واديلو بالجزمة

    المهم لقيت واحد قاللي روح يالا ووقفلي الشارع ومشاني

    انا متغاظ جدا من اللي عملتو لاني اخر مرة مديت ايدي علي واحد كان من 4 سنوات ايام ماكان معايا ال 127 وكان معايا 4 زمايلي والسواق بعد ماتروق حلف ان هو مش هايسوق تاني خالص ومن بعديها انا قررت مامدش ايدي علي حد

    معلش صدعتكو بس انا متغاظ

    المهم دلوقتي هي الخبطة مطبقة باب السواق ومابيفتحش وواخدة جزء من الرفرف تنصحوني اروح عند مين وهي تترد عالبارد ولا عالسخن وتعمل كام

    ولا اجيب باب استيراد

    ربنا يسامحني عاللي عملتو النهاردة وينتقم من الغبي ده
    انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]
    الكلمات الدلالية (Tags): خناقة, والباب
  • #2
    ......................
    استخدام الأحرف الانجليزية في كتابة اللغة العربية مخالف للقاعدة رقم 6 بند "ب".

    يرجى مراجعة قواعد المنتدى

    1:53am 7/6/2010
    مشرف القسم 9ب
    [shfaf2]http://nileup.com/up/uploads/nilemotors_13574940431.jpg[/shfaf2]

    Comment

    • #3
      الحمد لله على كل شيء وزي مانت بتقول انو سواق ميكروباز يعني متنزلش بمستواك ليه
      eng f3lix سابقا

      Comment

      • #4
        معلش يا باشا وقدر الله وما شاء فعل
        بس مكنتش اتوقع انك عصبي كدة !!! يلا حصل خير
        وكل سواقين الميكروباص دول عيزن الحرق

        ومتقلقش ان شاء الباب يترد ويرجع احسن من الاول
        [CENTER][SIGPIC][/SIGPIC] [/CENTER]
        [CENTER] [/CENTER]
        [CENTER][COLOR=royalblue]سبحان الله ... الحمد لله ... لا اله الا الله ... الله اكبر[/COLOR][/CENTER]
        [CENTER] [/CENTER]

        Comment

        • #5
          قدر الله وما شاء فعل
          لا إله إلا أنت سبحانك إني كنت من الظالمين

          [URL="http://img140.imageshack.us/img140/4051/48921069561709066369659.jpg"]
          [/URL]

          Comment

          • #6
            والله انا لو مكانك مكنتش هعمل غير اللي حضرتك عملته !!
            بس انا عندي طريقه احسن شويه وخسايرها كتير وبيبقى فيها دم وتلحق تهرب بسرعه ههههههه
            وهي انك تجيب بوجيه قديم وتخليه معاك وساعة لما يخبطك اكسر البوجيه وهات منه حته واحدف في الازاز هتنزله حتت !!
            واركب عربيتك وطيييير

            Comment

            • #7
              ههههههه الظاهر ان مش انا بس اللي عدواني هنا

              يا استاذ Ralliart انا واخد قرص في التعامل مع الناس من امي من شوية لما عرفت اللي حصل

              ههههههههه ولسه مراتي ماتعرفش
              شكلي هبات برة بكرة حد يشوفلي مكان ابات فيه
              انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

              Comment

              • #8
                بصراحة ملهاش لازمة تبهدل نفسك مع واحد زى ده و بعدين العراك و الضرب قلة قيمة
                [B][SIZE=5]
                [/SIZE][/B]

                Eng.M Mahran سابقا

                Comment

                • #9
                  Eng.M Mahran

                  علي فكرة يا بشمهندس هو اللي بدأ وانا بصراحة كنت بتلكك

                  وانا مش بتاع مشاكل
                  انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

                  Comment

                  • #10
                    قدر الله وماشاء فعل ومعلش هدي نفسك وحاول متنزلش فعلا لمستواه لأنك مش هتاخد منه لاحق ولا باطل.......
                    [CENTER][COLOR=darkred][SIGPIC][/SIGPIC][/COLOR][/CENTER]

                    [CENTER][SIZE=2][COLOR=darkred]I don't know the key to success, but the key to failure is trying to please everybody[/COLOR][/SIZE][/CENTER]

                    [CENTER][SIZE=4][COLOR=darkred][URL="http://www.nilemotors.net/Nile/149529-a.html"]Alfa = BMW = Toyota[/URL][/COLOR][/SIZE][/CENTER]

                    [CENTER][SIZE=3][COLOR=darkred][URL="http://www.nilemotors.net/Nile/157435-splitfire.html"]الحقيقة وراء SplitFire[/URL][/COLOR][/SIZE][/CENTER]

                    Comment

                    • #11
                      أنا معايا كرباج في الباب بتاعي للمواقف اللي زي دي

                      Comment

                      • #12
                        المشاركة الأصلية كتبت بواسطة hondawy_2008 مشاهدة المشاركة
                        أنا معايا كرباج في الباب بتاعي للمواقف اللي زي دي
                        فعلا الكرباج انسب حاجة علشان هتعرف تجرى ناس كتير من حواليك بص الكارثة لو حد انت ضربته اخده منك

                        لان الموقف ده حصل قدامى مرة و واحد معاه كرباج ضرب اكتر من واحد و جرى الناس من حواليه بس فى واحد هجم على صاحب الكرباج و استحمل كام ضربة منه بس لما اخده قطع الى كان معاه الكرباج

                        فبلاش الحاجات دى و خليها فى أسوء الظروف
                        [B][SIZE=5]
                        [/SIZE][/B]

                        Eng.M Mahran سابقا

                        Comment

                        • #13
                          علي فكرة النار مبتطفيش بالنار بتطفي بالمية يا جماعة متخلوش الشيطان يتمكن منكم ساعة الابتلاءات وبعدين افرض انه كان سواق مستبيع ولا مبرشم كنت حتودي نفسك في الكازوزة علشان واحد ميستهلش تتف عليه حتي وعندك بيت واسرة وتقلق الحاجة عليك
                          خلي rpm دماغك عالية وتفرملك بabs مزبوط
                          ويا سيدي فدا ضفرك يعني صاج الباب اغلي عندك من نفسك ولا ايه
                          اهدي كدة امال وقدر الله وماشاء فعل
                          واحتاط من اخطاء الاخرين في الطريق
                          [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
                          [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

                          Comment

                          • #14
                            المشاركة الأصلية كتبت بواسطة waelfarid مشاهدة المشاركة
                            علي فكرة النار مبتطفيش بالنار بتطفي بالمية يا جماعة متخلوش الشيطان يتمكن منكم ساعة الابتلاءات وبعدين افرض انه كان سواق مستبيع ولا مبرشم كنت حتودي نفسك في الكازوزة علشان واحد ميستهلش تتف عليه حتي وعندك بيت واسرة وتقلق الحاجة عليك
                            خلي rpm دماغك عالية وتفرملك بabs مزبوط
                            ويا سيدي فدا ضفرك يعني صاج الباب اغلي عندك من نفسك ولا ايه
                            اهدي كدة امال وقدر الله وماشاء فعل
                            واحتاط من اخطاء الاخرين في الطريق
                            كلام محترم و صح جداااااااااااا
                            ملوش اي لازمه انك تعمل كدة لان البطلجه بتجيب بلطجة انا عازرك لاني لو في موقفك مش عارف كنت هعمل ايه بس فعلا لو مبرشم او مستبيع كان ممكن يحصل حاجة مش كويسة المرة دي عدت علي خير محدش عارف المرة الجايه
                            دي ظروف بلدنا مفيش قوانين و لا اي شيء بس هنعمل ايه

                            Comment

                            • #15
                              المشاركة الأصلية كتبت بواسطة waelfarid مشاهدة المشاركة
                              علي فكرة النار مبتطفيش بالنار بتطفي بالمية يا جماعة متخلوش الشيطان يتمكن منكم ساعة الابتلاءات وبعدين افرض انه كان سواق مستبيع ولا مبرشم كنت حتودي نفسك في الكازوزة علشان واحد ميستهلش تتف عليه حتي وعندك بيت واسرة وتقلق الحاجة عليك
                              خلي rpm دماغك عالية وتفرملك بabs مزبوط
                              ويا سيدي فدا ضفرك يعني صاج الباب اغلي عندك من نفسك ولا ايه
                              اهدي كدة امال وقدر الله وماشاء فعل
                              واحتاط من اخطاء الاخرين في الطريق
                              الله ينور عليك

                              Comment

                              السابق 1 2 3 template التالي
                              Working...
                              X