هو يعنى ايه واحد يخبطنى وانا نازل اعديه؟؟؟؟؟؟؟؟؟؟؟؟؟؟؟؟

[shalaby2001]

يعنى يا جماعه اللى حصل معايا فى العتبه دا شىء فى قمة الاستفزاز
كنت جمب مطافى العتبه رايح البريد السريع
ففى شارع جمب المطافى بياخد عربيه واحده يا داخله يا خارجه
المهم انا دخلت وجيت قبل اخر الشارع لاقيت عربيه دبابه جايه فى وشى صاحبها تنح قلت مش مشكله ارجع انا رغم ان هو المفروض اللى يرجع جيت فبل اخر الشارع لاقيت موتسيكل راكن وفى حته وراه ينفع اركن فيه لحد ما يعدى المهم هو ما ادنيش فرصه وكبس عليا رحت قولتلو اوققف عشان ان كده جمب العربيه هيتخبط ومبقاش ينفع ارجع ورا عشان نص عربيته قدامى
قلتله استنانى هنز اشيل الموتسيكل دا واطلعلك قدام قالى ماشى
نزلت وانا للسه بشيل الموتسيكل سمعت طراخ فا مشوفتش الخبطه انا روحت نازل على وشه خليته كله دم
انا عارف انى غلطان انى ضربته بس ما استحملتش بقى انا نازل اعديك تخبطنى وليه؟ مش لاقى سبب
ضيعلى جمب العربيه الشمال اللى ورا
انا مش مسامح نفسى انى ضربته بس برضه كل ما افتكر الموقف اتنرفززززززززززززززززززززززززززز
حد عنده اجابه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الصيداح]

لو فعلا هذا ما حدث
فأقل شئ كنت سأفعله هو ما فعلته أنت هذا إن لم أحرقه وسيارته وأرسل للمطافي التي بجانبك لإطفائه
عموما استعذ بالله من الشيطان الرجيم
بلد غريبة
ربنا يكون في عونك

[SASA3]

استغفر ربنا اما تفتكر الموقف ده و الغضب ده يروح

[shalaby2001]

استغفر ربنا اما تفتكر الموقف ده و الغضب ده يروح

والله هو دا اللى بعمله بس برجع اتنرفز لما احس انه خبطنى وهو عارف انو هيخبطنىز عارف لو خبطنى واحنا ماشين والله عادى بس منكنش وقافين ونازل اعديك وانت شايف انك هتخبطنى وتعمل كده
استغفر الله العظيم الذى لا اله الا هو الحى القيوم واتوب اليه

[wawoo]

لا حول و لا قوة الا بالله ...
هى الناس جرى ليها اية ..

اللهم لا تاخذنا بما فعل السفهاء مننا ..
الله يعينك يا اخ شلبى ..

[smsmxxxxxx]

طبعا انتا غلطان غلطتين فظاع

اول غلطة انك ضربته وبس كان المفروض تضربه و تبوظله عربيته زى ما بوظلك عربيتك واكتر

تانى غلطة انك حاسس بتأنيب ضمير لانك ضربته

لاء اللى انتا عملته دا هيربيه وهيخليه ميكررهاش تانى

وصدقنى انا كنت اخر واحد يلجأ للعنف قبل ما اجيب العربية

لكن اللى شفته من سواقين النقل والمايكروباص خلونى حاجة تانية خالص

وبعدين انتا فاكر انه لو لقاك ضعيف كان هيسيبك

كان هيضربك وهيطلعك غلطان وياخد منك فلوس علشان ميكسرلكش باقي العربية


يمكن ناس تغلطني
بس حرام الواحد كل شهر ولا اتنين يروح يصلح العربية بمبلغ ولاده محتاجينه
دا غير قيمة العربية بتقل مع الحوادث

-------------------------

محمد سالم

[احمد عبدالله]

ممكن تتنرفز عليه و تزعق براحتك بس ميصحش تمد إيديك عليه
في المواقف دي عد من واحد لعشره و بعدين إتصرف مع الموقف

[gazzar91]

طبعا انتا غلطان غلطتين فظاع

اول غلطة انك ضربته وبس كان المفروض تضربه و تبوظله عربيته زى ما بوظلك عربيتك واكتر

تانى غلطة انك حاسس بتأنيب ضمير لانك ضربته

لاء اللى انتا عملته دا هيربيه وهيخليه ميكررهاش تانى

وصدقنى انا كنت اخر واحد يلجأ للعنف قبل ما اجيب العربية

لكن اللى شفته من سواقين النقل والمايكروباص خلونى حاجة تانية خالص

وبعدين انتا فاكر انه لو لقاك ضعيف كان هيسيبك

كان هيضربك وهيطلعك غلطان وياخد منك فلوس علشان ميكسرلكش باقي العربية


يمكن ناس تغلطني
بس حرام الواحد كل شهر ولا اتنين يروح يصلح العربية بمبلغ ولاده محتاجينه
دا غير قيمة العربية بتقل مع الحوادث

-------------------------

محمد سالم

+1111111111111111
محدش يقدر يغلطك على فكرة

[sherif_taher]

اللي عملته معاه ده اقل واجب

[ahmedfouad]

انت اتصرفت التصرف الصحيح
دى اشكال .................
يا رب البلد دى تنضف بقا
شعب يخاف ما يختشيش
شوية عربجية
يا سااااااااااااااااتر

[dode2002]

ده اقل واجب

[Mostafa.Mahran]

ولا تزعل نفسك دى اشكال معندهاش دم

[Car's Sniper]

انا معرفش حضرتك غلطان ولا لأ لان ده حسب تفاصيل الموقف اللى تقريبا الشيطان ماخلاش حضرتك تحاول تستفسر عنها من سواق العربية التانية
والغريبة ان كل ردود الناس محسسانى ان الراجل خبط عربيتك بقصده وده اللى اللى متأكد 100%ان عمره مايحصل

لو كنت حضرتك استعذت بالله من الشيطان الرجيم ساعتها واستفسرت من الراجل ايه السبب -اللى ممكن تكون اى حاجة غصب عنه-(وفى الحالة دى هو اللى غلطان طبعا) والمفروض يدفع تمن تصليح عربيتك من غير دم او مشاكل
كان نفسى حضرتك بدل ماتسألنا حد عنده اجابة تسأل السواق
تقبل مرورى

[fady.bekatcho]

بص سواقين المكروباص والنص نقل فى اغلب الحالات يستاهلو الى بيحصلهم

النهاردة كنت عند مترو المعادى وركبت مكروباصات صق قريش

الراجل السواق شايف ان الدنيا واقفة ومصمم يعدى خبط عربية تويوتا كرولا الشكل الجديد نمره جمرك

والراجل راح فسلحة ونزل يشوف خبطة عربيتة

تخيل السوال سايبة وماشى الراجل يقولة انت تخبطنى وهتمشى بيقولة يا بية هركنلك بس

وراح قال للتباع اركب ياد وراح مشى علطول

[shekosheko45]

با باشا انت عملت معاه اقل واجب و كان ممكن تعمل معاه اكتر من كده المفروض فوق الطريحة الي انت اديتها له تكسر له عربيته بقيمة الي كسرهولك او تاخد منه فولس بقيمة التلفيات و لو معهوش يبقي عربيته تتكسر لان اكيد اي واحد يخاطر بالطريقة الزبالة الي هو عملها ديه يبقي اكيد جاهز و فولسه حاضرة و انت يا باشا مش غلطان في اي حاجة لو اي حد مكانك هيعمل اكتر من كده