من قسم اخبار السيارات اسماء تستحق التحية

[Karim_Monir]

سلام عليكم ورحمه الله
مما لا يخفى عليكم ان واجهة المنتدى كاكبر منتدى سيارات في مصر وقريبا جدا في العالم العربي هو قسم اخبار السيارات
حيث ان زوار المنتدى وليس اعضائة يجدونا عبر ما ينشر لدينا من اخبار السيارات
واحزنني كثيرا ان لدينا اقلام رائعة ولكنها تشغل نفسها بالقسم الاجتماعي اكثر مما تكتب عن اخبار السيارات
حتى لو كتبت عن اخبار السيارات تكتب بالقسم العام وباسلوب غير احترافي بالمرة ولكنها تكتب من واقع دردشة وكلام مع اصحاب
ايه المانع اننا نكتب وندردش وكمان نكتب اخبار باحترافية واسمائنا تتصدر المواقع الاخبارية الكبيرة
مين فينا ميحبش يشوف اسمه منور في مواقع اخبار
بالمناسبة دي وبمناسبة تغطيات اوتوماك الهائلة
احب احيي اسماء دائما الكتابة
وأحد اهم اسباب رفع زوار المنتدى الى 3 الالاف زائر اونلاين غير الاعضاء

ماجو ماجو-بسكوته-احمد عبد العزيز-نورا مجدي-محمد رماح-دماسري-حسام اوبتراوي
تحياتي الكبيرة لكم

في اعضاء تانية كتير لكن دول اكثر الاعضاء مواظبة على متابعة كل جديد في عالم السيارات اول باول ونقلها الى قسم اخبار السيارات
واجهة المنتدى على مواقع الاخبار
ونتمنى نشوف اسماء تانية كتير قريب في قسم اخبار السيارات
تحياتي
كريم منير
المنسق العام

[2faster]

نتمني لهم دوام الصحة والتميز


وفي نهاية البرنامج احب اسمع

[mrwho1982]

السلام عليكم اولا

ثانيا كيف حالك يا استاذ كريم وكيف حال المشروع يارب يخلص لاني لسه سايبها بحالة مش جيدة ( عاملة زي اللي بقالو سنتين ماستحماش )
هههههههههههههه

فكرة هايلة جدا من شخصية ممتازة

ربنا يبارك لنا في المنتدي الجميل ده

وفيك يا استاذ كريم

[mazagngi2010]

حتى لو كتبت عن اخبار السيارات تكتب بالقسم العام وباسلوب غير احترافي بالمرة ولكنها تكتب من واقع دردشة وكلام مع اصحاب

يقصدنى اكيد

بس ايه المانع لما نكتب باسلوب الدردشه لان غير كده الواحد مش هيعرف ياخد راحته خالص بصراحه صعب الدمج بين الطريقتين

[ganash]

بالتوفيق للجميع ان شاء الله

[Karim_Monir]

وايه المانع لما تكتب موضوع باسولب دردشة مع اصحابك
وموضوع رسمي كخبر من اكبر موقع سيارات في مصر باسلوب احترافي في قسم اخبار السيارت

[magomago]

بمناسبة المشاركه رقم 1000 لى فى المنتدى

وبعد مرور ثلاث سنوات بالكمال والتمام على الاشتراك فى المنتدى المحترم

شكرا للمنسق العام / الاخ كريم على التقدير لى

[د.محمود صلاح]

المشملة إن الاخبار أغلبها بيكون منقول من مواقع تانية وممكن الخبر يتكرر مني ومن عضو تاني طالما نقلنا من نفس المصدر ..

أنا وضعت 3 مواضيع تقريبا في قسم الاخبار منقول من الموقع الاصلي للسيارة التي عليها الخبر

[Karim_Monir]

ممكن تنقل بتصرف او تقول رايك في الموضوع او تعيد صياغتة من وجهة نظرك
وكمان ممكن تجيب صور تانية للسيارة

[NoRmAl]

انا بردو شايف كدا
وتحيه بجد للأعضاء دول الى ربنا يكرمهم على مجهودتهم الجباره دى
ربنا يجعلها فى ميزان حسناتهم