الخوابير وانا خدت خابور

[al_manara]

السلام عليكم
اخواني الافاضل
خلي بالكم وانتوا بتلحموا الكاوتش بتاعكم وياريت قبل ما بتاع الكاوتش يعملك اي حاجة فية يكشف علية كلة ويعرفك فية كام خرم
لانة حصل معايا موقف زفت
وانا مروح وداخل عباس العقاد قلت ابص علي الهوا في الكاوتش المهم دخلت بنزينة مصر الي علي الناصية وبتاع الكاوتش قاس لي الهوا الي قدام قالي ان الفردة فيها حاجة المهم في لمح البصر لقيتة حاطط صابون علي الكاوتش وركب فية خزوق قلتلة عملت اية قالي فيها خرم وبعدين قعد يحطلي صابون وحطلي في الفردة 3 خوازيق وقال اية امريكي المهم بصلي كمان علي الكاوتش التاني وحطلي خزوقين وطبعا الباشا قعد يحلفلي بالله ان الخزوق احسن من اللحام وللاسف قريت دلوقتي في المنتدي ان اللحام افضل والخوازيق بتعمل مشاكل
وانا خدت الخزوق الاكبر ودفعت (50 جنية ) لان تمن الخزوق 10 جنية وروحت وانا بعيط

خلي بالكم الله يكرمكم

[eng_mkhalaf]

يا خبر أبيض الخابور ب 10 جنية لية دة كبيرة 5 جنية - عىل العموم معلشى جت على كدة - -أنا عن نفسى لما بكشف على الكاوتش لازم أشوف التنفيس بعنيا مش بخلية يركب وخلاص

[ahmed azab]

معلش محدش بيتعلم ببلاش كلنا حصلنا الموضوع ده

[Ahmad Allawy]

يا باشا ولا يهمك..
علي رأي الاخ عزب..
كلنا اخدنا الخابور ده في اول حياتنا العملية مع العربيات..

[اسلام المصرى]

جزاك الله خيرا يا أخى العزيز :) شكرا جزيلا على التحذير.
ربنا يكفيك شر الطريق.

[محمد ابراهيم 1]

النصابون كثيرون شكرا على تحذيرك لنا

[fiatmomo]

اوعىىىىىىىىىىىى بتوع بنزينة مصر الى فى اول عباس العقاد دول حرامية كلهم والله العظيم وانا عارفهم ... لانهم عملو كدة فى عربيت صاحبى من فترة .. دخلنا نزود هوا .. قالى بردة حكشفلك على الفردة المهم .. هوب هوب حط اربع خوابير ... قالنا اكشف على الباقى قولنالة شكرااااااااااااا .... ونفس الموضوع حصل معايا فى بنزينة التعاون الى فى صلاح سالم ............ خلو بالكمممممممممممم

شبه مستحيل ان فردة الكاوتش تتخرم اربع تخرام مره واحدة .. دة كلو بيبقى نصب ربنا ينتقم منهم .

[hazem_khidr]

شكرا للتذكره يا باشا.

[kimo-nubira]

ونفس الموضوع حصل معايا فى بنزينة التعاون الى فى صلاح سالم ............ خلو بالكمممممممممممم

انا كمان نفس القصه في نفس البنزينه بس انا مسكتش وجبت مدير البنزينه وهزقته

وبعد ما كانو هايخدو 50 جنيه قالي ادفع اللي تدفعه اديتهم 20 جنيه

وقولتله كده انا اتنصب عليا كمان..المهو انه رضي ب ال 20 جنيه

ومعني انه رضي ب20 جنيه بدل 50 يبقي فعلا نصابين

[Eng.Osama.Afifi]

حصل معايا والله ونفس النزينة وكان معايا الهوندا ... وأخدت 9 خوازيق

[al_manara]

ياةةةةة
ربنا يستر علينا
نصيحتي كل واحد يشوفلة واحد موثوق فية من بتوع الكاوتش ويكشف عندة كل فترة قريبة ولو دخل بنزينة او اي مكان وقالي فية خرم خلية يسيبة ويزود هوا بس لحد ماتروح للراجل الثقة بتاعك

[analyzer]

هى الخوابير والخوازيق غليت هيا كما ولا ايه الحكاية

[معتز]

اوعىىىىىىىىىىىى بتوع بنزينة مصر الى فى اول عباس العقاد دول حرامية كلهم والله العظيم وانا عارفهم ... لانهم عملو كدة فى عربيت صاحبى من فترة .. دخلنا نزود هوا .. قالى بردة حكشفلك على الفردة المهم .. هوب هوب حط اربع خوابير ... قالنا اكشف على الباقى قولنالة شكرااااااااااااا .... ونفس الموضوع حصل معايا فى بنزينة التعاون الى فى صلاح سالم ............ خلو بالكمممممممممممم

شبه مستحيل ان فردة الكاوتش تتخرم اربع تخرام مره واحدة .. دة كلو بيبقى نصب ربنا ينتقم منهم .

حصل معايا .نفس البنزينة................كدة بنزينة مصر اول عباس العقاد (خدمة الكاوتش) يجب علينا ان نتوقف عن التعامل معهم........

[magdi mina]

الخوابير دى اسوأ حاجة للكاوتش .. يعنى مش بس بتدفع .... وكمان بيخرب الفردة .. وتدبدب بعد كدة !! ربنا يكفينا شرهم ..

[TAG_Turbo0]

البنزينه دى بتستهل كده على كول واحد صحبى برده من شهر راح علشان الفرده كانت مريحه منه أعد الراجل يخزأله فى الكوتش وأخد من 30 جنيه وفى الاخر راح عند واحد تانى علشان يلحمهاله وطلعت مش نافعه وغيرها خالص