مطلوب ضروي من رجاله القاهرة

[am79]

محتاج مساعدتكم ضروري يا رجاله القاهرة

انا نازل يوم الاربعاء الموافق 23\6\2010 (بعد بكره) القاهرة

هنشتري عربيه لواحد صديقي وهنروح مواصلات علاشان نرجعوا بالعربيه ان شاء الله مع بعض
وعلاشان برضه قله معرفتي بشوارع القاهرة انا وصديقي اتفقنا نتقابل مع صاحب العربيه في موقف عبود
مطلوب بقي تساعدونا في

1- اقرب محطة بنزين بتقوم بفحص السيارات وبطلع تقرير مظبوط عن العربيه تكون قريبه من عبود
وكم تكلفه الفحص وياريت اسم محطه البنزين ومكانها بالتحديد

2- اقرب مكتب شهر عقاري (توكيل سيارة) من عبود علاشان نعمل التوكيل من صحاب العربيه لصديقي

ياريت التفاصيل بالظبط علاشان مفيش وقت غير النهارده وبكره
واكون شاكر ليكم

[am79]

يا رجالة محدش من القاهرة عاوز يفدنا ليه بالموضوع ده ضروري لو سمحتم

[NoRmAl]

يا ريت تطلب نقل الموضوع للعام
لان دا مش مكانه المقارانات + أنك فى العام هتلاقى كذا عضو ممكن يساعدك

[x512]

يا ريت اعرف افيدك بس زي مالاخ قالك دا مش مكانو المقارنات لو اتنقل العام هتلاقي اللي يفيدك

[A.Saad]

اللى اعرفه فى الكشف وعندهم ذمة
بنزينة شل فى شارع الهرم - اللى جنب الخزان مش الناحية التانية
بنزينة فى عباس العقاد
وده بناء على كلام اعضاء المنتدى مش تجارب
الكشف من 100 الى 130 جنيه
اى شهر عقارى هيعمل اللى انت عايزه
هما ساعات بيغلسوا ويقولك روح الشهر العقارى اللى تابع ليه سكنك
خش لمدير المكتب واستئذنه علشان انت مش من القاهرة

لو صاحب العربية معاه توكيل او عقد مسجل
الاحسن تعمله فى نفس المكتب اللى عامل فيه علشان لو فيه لعب الموظفين هناك هيعرفوه
حاول تكون هنا بدرى علشان تخلص بدرى

[am79]

يا جماعه انا كنت حاطه في العام معرفش ليه اتنقل هنا
وياريت الادراه تشوف ليه انتقل هنا وتنقله بس انا مفيش وقت قدامي عاوز اعرف التفاصيل

[alrabeh]

حضرتك لما تنزل فى عبود حتروح ميدان الخلفاوى (بينك وبينه اقل من عشر دقايق بالسيارة) حتلاقى فى الميدان مركز خدمة معتمد من منصور اسمه اوتو جروب والكشف على السيارة فيه ب 100 جنيه
فيه شهر عقارى فى أول شارع شبرا (جزيرة بدران) وهو نفس الشارع اللى فيه ميدان الخلفاوى
كمان مهم جدا انك تكشف على ملف العربية فى المرو ر اللى فيه الملف بتاعها لأن الموضوع ده فيه لعب كبير ممكن يكون فيه حظر بيع/سرقة/كام ايد اشترت العربية
وبالتوفيق

[A.Saad]

يا جماعه انا كنت حاطه في العام معرفش ليه اتنقل هنا
وياريت الادراه تشوف ليه انتقل هنا وتنقله بس انا مفيش وقت قدامي عاوز اعرف التفاصيل

الموضوع حاليا فى العام

[am79]

حضرتك لما تنزل فى عبود حتروح ميدان الخلفاوى (بينك وبينه اقل من عشر دقايق بالسيارة) حتلاقى فى الميدان مركز خدمة معتمد من منصور اسمه اوتو جروب والكشف على السيارة فيه ب 100 جنيه
فيه شهر عقارى فى أول شارع شبرا (جزيرة بدران) وهو نفس الشارع اللى فيه ميدان الخلفاوى
كمان مهم جدا انك تكشف على ملف العربية فى المرو ر اللى فيه الملف بتاعها لأن الموضوع ده فيه لعب كبير ممكن يكون فيه حظر بيع/سرقة/كام ايد اشترت العربية
وبالتوفيق

بشكر حضرتك و ان شاء الله بروح علي العنون إل حضرتك كاتبه
بس اهم حاجه المركز ده بيطلع تقرير صح عن العربيه من حاله الموتور والفتيس والعفشه ودواخلها هل بها حوادث سابقه ام لا اهم شي يكونوا ناس بتفرز صح ويكون عندهم ضمير
وبشكر حضرتك علي النصائح ومساعدتك وكل من قدم المساعده