تم اضافة هاك التنبيه في حالة رفع مواضيع قديمة

[بحري]

لان فى مواضيع قديمة ومفيدة جدا وكل رد من اى حد من الاعضاء ممكن يزود معلومة ومافيش ضرر من كدة

ماهو طالما كده مفيش مشاكل بل بالعكس الفايدة تزيد
لكن المشكلة في مشاركات من عينة (مشكووور-الله يعطيك العافية-....) وفي مشاركات البيع والشراء تلاقي الموضوع من فترة طويلة والحاجة اتباعت وواحد داخل يقول (طب والسعر النهائي كام - وياريت الصور يا باشا....) وأشياء من هذا القبيل
في أحد الموضوعات من كام يوم رفعها أحد الأعضاء ليقول فقط أن ضباط أمن الدولة كويسين وضباط المباحث العامة مش كويسين تعليقا على أحد المشاركات في الموضوع الذي توقفت التعليقات عليه منذ أكثر من عام

[Car's Sniper]

ماهو طالما كده مفيش مشاكل بل بالعكس الفايدة تزيد
لكن المشكلة في مشاركات من عينة (مشكووور-الله يعطيك العافية-....) وفي مشاركات البيع والشراء تلاقي الموضوع من فترة طويلة والحاجة اتباعت وواحد داخل يقول (طب والسعر النهائي كام - وياريت الصور يا باشا....) وأشياء من هذا القبيل
في أحد الموضوعات من كام يوم رفعها أحد الأعضاء ليقول فقط أن ضباط أمن الدولة كويسين وضباط المباحث العامة مش كويسين تعليقا على أحد المشاركات في الموضوع الذي توقفت التعليقات عليه منذ أكثر من عام

ههههههه ايوة فعلا بيحصل بس ممكن نقول ان ده دور الادارة....يعنى يعملوا قاعدة جديدة تسمح ليهم انهم يمسحوا الردود دى مثلا....وكمان لا ظباط امن الدولة كويسين ولا ظباط المباحث كويسين تعليقا على المشاركة فى الموضوع المتوقف من سنة
اى حاجة من نايل موتورز حلوة ...من نجاح الى نجاح ان شاء الله

[Karim_Monir]

الاسكربت يعمل وفقا للاتي
بعد مرور 30 يوم من تاريخ اخر مشاركة يصبح الموضوع قديم
ولا يصح رفعة الا لضرورة
لكن رفع الموضوع خاصة في اقسام البيع والشراء والاخبار بيكون غير مفيد نهائي
لكن غير كدة لو بفائدة اهلا ومرحبا
وده بيبان من نوع المشاركة نفسها

[yoko]

يا جماعة ده تشيك بوكس بس يعني عايز ترد رد بس بعد ما تعمل عليه صح عشان محدش يكتب مشاركة ملهاش لازمة أو يرفع موضوع وهو مش واخد باله

[Car's Sniper]

ممكن طلب كمان يا استاذ كريم....انا بشتغل على الاستايل اليلووyellow وللاسف الاستايل ده مافيهوش اقتباس متعدد فلو ينفع المشكلة دى تتحل يبقى كتر خيركوا

[م.محمد علاء]

طيب مترجعوا أيقونه الشكر....
و خلي المشرفين يمسحوا المشاركات السخيفه التي لا تسمن ولا تغني من جوع...
عشان محدش يكتب كلام حلمنتيشي..وفي ظرف كام يوم يوم يبقى .......

[Car's Sniper]

طيب مترجعوا أيقونه الشكر....
و خلي المشرفين يمسحوا المشاركات السخيفه التي لا تسمن ولا تغني من جوع...
عشان محدش يكتب كلام حلمنتيشي..وفي ظرف كام يوم يوم يبقى .......

+111111111111111111111111111

[mohamedrefaay]

شكرا لهذاالتوضيح

[M.Osman]

طب لو موضوع قديم انا شايفه مفيد .... اية وضع الرد بعبارة "الرفع للإفادة" مثلاً ؟؟

[Karim_Monir]

الاستايل الاصفر هاخلي مشرفين الدعم الفني يشوفو المشكلة دي وان كنت مش شايفها مشكلة قوي تقدر تاخد علامة الاقتباس وتحطب بينها كوبي وبيست اللي انت عايزة

هاك الشكر بيقتل الموضوععات فعلا ويقلل المشاركات

عثمان طبعا تقدر ترفع اي موضوع مفيد لانك هاتفيد غيرك
ولو لفيتو لفة في الارشيف خاصة في الاقسام القوية زي الورشة والتعليمي هاتلاقي كنوز بجد

[Eng.Geo]

شكرا ليكوا
ويا رب في تقدم دائما

[Car's Sniper]

الاستايل الاصفر هاخلي مشرفين الدعم الفني يشوفو المشكلة دي وان كنت مش شايفها مشكلة قوي تقدر تاخد علامة الاقتباس وتحطب بينها كوبي وبيست اللي انت عايزة

شكرا ياكريم باشا ...الاقتراح ده لمجرد التسهيل...بدل ماقعد اتنقل بين الصفحات وارجع تانى لصفحة الرد

[م.محمد علاء]

هاك الشكر بيقتل الموضوعات فعلا ويقلل المشاركات

بس مهو يا كريم ..المشاركات القليله دي هي اللي فيها الخلاصه...
مش كتر كلام والسلام..
الموضوع اليومين دول عشان تتابعه..لو هو عشر صفح..بتقرا المفيد فى دقيقه..وتحمل الباقي فى ساعه...عشان أغلب الصفح كلام مش مهم...
الموضوع الميت ..حيموت..
و الموضوع القوي جدير بالمشاركات..مش بالشكر

[mohamed2002]

شكرا للاداره

[age]

يجب ان ترتب المواضيع حسب تاريخ المشاركه وليس الردود