ارجوكوااا وسعوااا للاسعاف !!!!!!!!!!

[Eng.Geo]

معلش مهما كان برضو طيب تعالى قولى كدة انت بتقول ان انت رجيلك على الفرامل قبل البنزين طيب فى افترضنا فى لحظة انه وقف مرة واحدة وانت من الخضة و الزحمة كمان دوست بنزين زيادة حتى ولو للحظة واحدة وبعد كدة لحقت نفسك تتفتكر انت ها تكون فين ساعتها بدون مبالغة
ممكن تلاقى نفسك نطيت جنب المريض على السرير بعد الشر طبعا عليك وعلى اى حد
بس بلاش منها الحركة دى

هبطلهااااااااااااااااااا :)
حرررررررمممممممممممتتتتتتتت:)

[e012]

انا مره كنت بوسع لاسعاف اتخبطت من تاكسى علشان كان عاوز يعدى هو الاول

[goge]

فيه واحد معرفش اقول عليه ايه شتم جوزى لانه وقف و ادى انتظار علشان يوسع لعربية الاسعاف اللى جنبه و مش عارفة تعدى من الزحمة و المحزن ان عربية جوزى عليها علامة الاولوية الصفرا من قدام و المعاقين من ورا يعنى المفروض ان الناس تحترم العلامات ده و اللى كانت بسبب حادثة على الكورنيش ربنا ميكتبها على حد بس نقول ايه حسبنا الله و نعم الوكيل فى كل شخص قائد سيارة او عابر طريق لا يحترم الاخرين

[Samir Elshahawy]

بصراحة مرة كنت علي الدائري و كان فيه حادثة و عربيات الاسعاف أضطرت تدخل عكسي لن الطريق كان واقف في الجهة التانية بسبب الحادثة

بصراحة كان فيه قدامي عربيتين أدوا أنتظار و انا عملت زيهم ووسعنا الحارة الشمال علشان العربيات اللي جاية ورانا تأخد بالها و فعلا بكده سمحنا للأسعاف أنه يكمل طريقه

[ahmed_h_g]

الأسعاف مصرح بيه بيمشى على 200 على الطرق السريعه
أنا شديت ورا عربية أسعاف جديده فى طريق القطاميه على 180 معرفتش أجيبه

[MoToRiZeR]

و الله من خلال تجربتي لما كنت راكب عربية الإسعاف مع أختي متكسرة في العربية من حادثة و عايز أوصل المستشفي في أسرع وقت .. عايز أقولكم إن من كتر البرود إتنرفزت لدرجة شتمت ناس شتايم أبيحة في ميكروفون العربية علي مسمع الجميع رغم إني بطبيعتي إنسان هادئ، بس عملت كدة لأن انا شفت في البلد دي اللي مش موجود في العالم! يا جماعة واحد ماشي يتمخطر عالشمال و بنقوله وسع قام مدينا إشارة شمال يعني إولعوا !

ما علينا.

[mohamedrefaay]

الانسان لو فكر انه قريب جداً

من هذا الموقف اكيد هيوسع

[trable_m]

لازم يحصل كده طبعا
بس للاسف في ناس
مش بتعمل كده

[تامر.محمد]

ده اللي مفروض يحصل
فيه ناس بتعمل كده , و ناس كتير كمان
و فيه ناس ... ولا بلاش :s