تفتكروا الكاميرات شغالة بجد ؟

[khalid_adel]

مانا قولت يا محمد اني اصلا وقفت شويه ولما اتأكدت ان مفيش حد طلعت براحه وبصيت الاول على التقاطع ومجريتش مره واحده لان ده خطر
اللي انا مش عارفه هل كنت افضل واقف ال 90 ثانيه دول في عز الفجر وانا متأكد ان مفيش عربيه ولا امشي بالراحه كده بعد ما وقفت واتأكدت الاول طبعا ؟؟؟
اصل انا الصراحه بستكتر ال 90 ثانيه دول والدنيا زحمه تخيلو بقى لو الدنيا فاضيه

[dolly13]

يعنى كانت هاتبقى ايه المشكلة فى ال90 ثانية
على الاقل بعدها هاتحس بالرضا عن نفسك لانك عملت الصح
موضوع تنظيم علاقتنا بقوانين المرور محتاج مننا شوية صبر وجلد لحد مامعظمنا يتعود على انه يعمل الصح وساعتها فعلا هايبقى فيه امل فى شوارعنا
ده مجرد راى

[khalid_adel]

يعنى كانت هاتبقى ايه المشكلة فى ال90 ثانية
على الاقل بعدها هاتحس بالرضا عن نفسك لانك عملت الصح
موضوع تنظيم علاقتنا بقوانين المرور محتاج مننا شوية صبر وجلد لحد مامعظمنا يتعود على انه يعمل الصح وساعتها فعلا هايبقى فيه امل فى شوارعنا
ده مجرد راى

بقولك لما بقف ال 90 ثانيه دول والدنيا زحمه وواقفه بحس انهم كتير اوي مابالك لو الدنيا مفيهاش حد
نصيحه برضه حتى لو الاشاره خضرا لما تعدي هدي شوي وبص الناحيه اللي واقفه لاني مره كنت واقف عادي في ميدان الرمايه وواحد فجاءه جه من جنبي وكسر الاشاره وعينك ماتشوف اللا النور من قوة صوت الفرامل اللي حصلت من اللي كان ماشي واشارته خضرا وملوش اي ذنب
الصراحه في البلد دي حرص ولازم تخون كمان

[NoraMagdy]

لو كنت لمحت عسكرى مرور واقف، كنت هتعمل كدا وتستكتر الـ 90 ثانية؟ هههههههههههههههه

[شاهين - بنز]

على قد ماأنا مبسوط وسعيد أوي بموضوع الكاميرات لإن أخيرا بقى في البلد نظام
على قد ماأنا مدايق إن الشعب الامصري ميجيش إلا بلوي الدارع لإن في السعودية بكون واقف في الإشارة ال 3 الفجر وبلاقي الناس وقفت ومحدش بيكسر الإشارة لإن النظام المروري بقى خلاص في دمهم ومش مستنين حد يصورهم عشان يقفوا

[som3aa]

أعتقد الكاميرا علشان تصور يبقى لازم فلاش و انا اعتقد ان الكاميرات كانت شغالة فى الاول (كان الفلاش بيصور علطول ) بس دلوقتى لأ

[horas3000]

واضح ان الكاميرات اللي راكبة في مصر دي موديل قديم
الكاميرات اللي هنا في الكويت بتصور اللي بيكسر الاشارة + اللي بيتخطي السرعة
يعني لو الواحد جي من بعيد و لقي الاشارة اصفرت و حب يعمل ناصح و يجري عشان يلحق يعدي يلبس مخالفة سرعة
و طبعا مش لازم الفلاش لو الاضائة مناسبة

و عشان تعرفوا خطورة المخالفة دي
غرامة كسر الاشارة 50 دينار (1000 جنية) و ده اكبر رقم لمخالفة بالمناسبة
و في حال تكرار المخالفة اكتر من 3 مرات تسحب الرخصة و يعاقب بالحبس المواطن اما الوافد فيتم ترحيله

[رزق]

هو اللف يمين في وجود الإشارة يعتبر مخالفة؟..أصْلي كنت في أكتوبر وداخل على تقاطع وشفت الكاميرا والناس واقفة بس قلت الطبيعي إن اللي داخل يمين مش حيقف مع الباقي. وده النظام زي ماشفته بره. بس قلت أسألكم برده عشان مصر طول عمرها ماشية بمزاجها.

[رزق]

مهى المشكلة ان السواد الاعظم من الناس مبتلتزمش الا لما تبقى العصاية موجودة

mmamdouh

معاك مية في المية.
الواحد كان بيسوق سواقة نظيفة لغاية مبتدى يسوق هنا.
مفيش غير العصاية دي اللي حترجع احترام الناس للمرور..وياسلام لو في عصاية للطوابير عشان الناس اللي بتيجي تشوف طابور تقوم داخلة قدامك.
ياريت ينشروهم ويشيلوا عساكر المرور.

[pedro732000]

معاك مية في المية.
الواحد كان بيسوق سواقة نظيفة لغاية مبتدى يسوق هنا.
مفيش غير العصاية دي اللي حترجع احترام الناس للمرور..وياسلام لو في عصاية للطوابير عشان الناس اللي بتيجي تشوف طابور تقوم داخلة قدامك.
ياريت ينشروهم ويشيلوا عساكر المرور.

الله ينور +11111111111111

[ihabchina]

يعني بردو اللي اتصور نتيجة كسر اشارة بتبقي الغرامة كـــــــــــــــــــام ؟
انا ملاحظ ان كتير سأل السؤال ده وماحدش رد

الغرامة 100 فى حالة كسر الاشارة والغرامة برضة 100 جنية فى حالة تخطى الخط اللى فى الارض وبتنزل الغرامة على الملف وتدفعها فى التجديد طبعا