ليه بنحب عربياتنا و أزاي بنعبر عن الحب ده ؟؟

[Samir Elshahawy]

الاخوة و الاخوات الكرام ...

لو انا معايا لانوس بأسمي نفسي لانوساوي و بأشوف ان اللانوس أحسن عربية في الدنيا
و لو معايا فيرنا أبقي فيرناوي و شايف انها أسرع عربية في الفورميلا وان
و هكذا ....

طيب أحنا ليه بنحب عربياتنا اوي كده و بنشعر بالانتماء ليها و بندافع عنها لما حد يقول عليها وحشة أو يذكر عيوبها ؟؟

انا عن نفسي كنت بأحب عربيتي اللانوس السابقة و مازلت رغم أني بعتها من سنة و لكن لأسباب منطقية لاتمنعني من الاعتراف بوجود عيوب بها , كما أصبحت احب سيارتي الحالية و ذلك أيضا له أسبابه
و علي سبيل المثال لا الحصر وجدت أننا نحب سياراتنا للأتي :

1- يمكن تكون اول سيارة تمتلكها في حياتك فتكون بذلك هي أول فرحتك
2- السيارة غالية الثمن فأنت تدفع كل ماتدخره فيها لذا تكون حريص عليها و بتخاف عليها كأنها عيل من عيالك
3- العربية بتوفر عليك مشقة الطريق و عناء المواصلات لذا فأنت تهتم بها و بصيانتها كي تجدها دائما تحت امرك و جاهزة لتلبية رغباتك


أنا عن نفسي بأحب عربيتي لما سبق ذكره بالاضافة الي أني اراها دائما واجهة معبرة عن صاحبها هل هو منظم نظيف مهتم بأدق التفاصيل ام العكس ...

فما هي أرائكم حول هذا الموضوع ؟؟ و كيف تعبرون عن حبكم لسياراتكم ؟؟

مع خالص تحياتي
م/ سمير الشهاوي

[heshamzaky]

أنا بحب عربيتى جدا و انا املك سيارتين بس مش بحب التعصب يعنى طبعا هى مش احسن عربية و لا حاجة و ممكن جدا و عادى انى اقول عيوبها و برضو مميزاتها و طريقة حبى لها اننى بصلحها و بحاول اخليها فى احسن حال بس فى النهاية برضو هى جماد مش شيىء حى و ماشية على 4 عجلات وممكن بيعها و شراء موديل أخر دى وجهت نظرى و شكرا لك بجد انا بشوف ناس على المنتدى متعصبين لموديلات سيارتهم بصورة مرضية يا جماعة دى جماد مش انسان حى علشان نتجادل و نشد مع بعضنا علية و لا أية رأيكم ؟؟

[omar-saad]

العربية زيها زى اى حاجة بتربط بيها وبتحبها تانية
خصوصا لو اول عربية ليك وبتستخدمها على طول استخدام فى سفر اوشغل
بتبقى فى علاقة تبادلية مابينك ومابينها
لانها بتقضى معاك جزء من حياتك
فاكيد بيبقى ليك معاها زكريات حلوة وحشة
صانتك وصونتها وعملت بيها كذا وكذا
وحاجات تانية كتير
كان فى احد الاعضاء عمل موضوع عن ان العربيات بتحس بصاحبها ولا لا
وكذا واحد حكى تجربته
اللى عربيته بتوبوظ قبل مايجى يبيعها واللى لما يصلح فيها حاجة تديلو اكتر
انا نفسى لما باجى اغسل العربية بس
بحس انها بقت ناعمة والفرامل بقت جامدة
وبقى شكلها حلو وفاقت
زيها زى اى واحد راجع من الشغل تعبان اول مابياخد دوش بيفوق ولا كانو تعب ولا حاجة
فالواحد لازم يحمد ربنا على نعمة ويحافظ على عربيتو كويس
علشان تصونوا فى وقت الزنقة
وهوة دا اللى بتعملو علشان العربيه
انا اعرف واحد عندو زلموكة بتاعه والدة (الله يرحمة)
راكنها فى جراج ويغسلها ويطلعها تمشى شوية او سفرية ولا حاجة
وخلاص على كدة
كل دا احتراما لذكرى والدة وانها حاجة مش هايفرط فيها ابدا
فالعربية بتبقى جزء من حياتنا زىها زى اى حاجة تانية

[M!SHO]

الموضوع ده بقى اوفر اوى فى المنتدى وكل واحد شايف عربيته احسن عربيه ومفيهاش عيوب خالص وبسم الله ما شاء الله كلها مميزات (عربيه كامله )
وياما مقارنات اتعملت وزعلت ناس كتير ( وانا واحد من الناس دى ) لان اللى بيتكلم بيعلى من شأن عربيته و بيمرمط العربيه التانيه ...

[darehawk]

انا شايف ان اي واحد فينا لازم يحب عربيته عشان متعملش معاها حركات بلدي حتى لو حديثة فلازم نحب ونحترم العربية عشان تحترم اللي راكبها ومتزعلوش

[VTEC]

انا مش بستخصر اى حاجه فى عربيتى بصرف عليها زى ما اكون بصرف على نفسى بالظبط

كفايه ان الواحد لما بيتزنق مش بتخذله

يعنى باختصار بعتبرها بيتى الثانى :)

موضوع حب العربيه ده شىء نفسى مش شرط يكون مرتبط بالماديات

+ الحجات اللى مذكوره فى الموضوع لأن السيفيك فعلياً اول سياره امتلكها بشكل شخصى يعنى اول عربيه تبقى بتاعتى انا بس :)

[zizo18000]

لان العربيه بتحس انها بتخدمك كتير اوي و بتقضيلك مصالحك و في نفس الوقت هي من الحاجات القليله اللي تخصك انت بس و بترتبط بيك قدام الناس و الجيران و زمايلك و اصحابك من الاخر عربيتك جزء من شخصيتك

[trable_m]

لانها ملكك بتحسش انها حتة منك
وفي وقت الزنقة بتسعفك

[N.a.j.d]

العربيه بتحس انها ليها مشاعر

[د.محمود صلاح]

بتقضي لي مصالح وأحاول الحفاظ عليها وعدم اهانتها بالسير برعونة وسرعة , واهتم بصيانتها وبالتالي تعمر معي