سؤال و إستفسار بسيط..؟

[LUX]

سؤال بسيط نفسي اسأله من زمان..

و هو ليه مافيش عربيات استيشن كتيرة في الشارع المصري؟؟

انا عن نفسي بشوف واحدة كل اسبوع علي الاقل!!

و سؤالي للأعضاء المحترمين ...ايه تفسيركم للحالة دي؟

و سؤال تاني.. لو انت شاب و قدامك عربية ستيشن تشتريها ولا لأ.
و هل يختلف الامر اذا كان لديك عائلة؟

معلش طولت عليكوا باسألتي الطويلة السخيفة..


و شكرا مقدما علي ردودكم.:)
_________________

[Xpert]

الستيشن كتيره و كل حاجه .. بس الموديلات فيها محدوده و معظمها موديلات قديمه .. و غير كده الموديلات الحديثه مابينزلش فيها استيشن من التوكيل ..
الموديلات المعروفه في الستيشن طبعاً البيجو 504 و 505 ... و دي عربيات حته حديده .. عندنا منها واحده 504 بتاعه عمي .. لو اقولك العربيه دي بنحمل فيها اكتر من اللي الربع نقل بتشيله هاتقوللي انت كداب .. العربيه دي مره حملناها فوق طاقتها بمراحل .. نظام الخدمه الشاقه عاملين شبكه عموله و حطينا عليها نصين فيات 131 .. و الموتور و العفشه و الكلام ده في الشنطه .. و غير كل ده شيلنا 15 كردان 504 و موتورين 504 في الشنطه .. و بلاوي سوداء .. العربيه كانت شايله شايله يعني .. و كانت بتجر في نفسها .... الميزه في ال504 الستيشن انها فيها 4 يايات ورا .. بلاوي و متقلات بقي يا حج ..
الموديلات المعروفه الاخري : المرسيدس و الفولفو و البي ام استيشن .. و دي عربيات كلاسيك و استخدام ناعم .. هسا هاتستحمل و كل حاجه بس مش بتاعه خدمه شاقه يعني .. و غير كده مش متوافره كتير ..
انا شاب 21 سنه .. و اه بادور علي ستيشن .. 504 او 505 .. بس للاستخدام العائلي طبعاً مش للشبابي .. الشبابي بي ام و بس يا حج ...

[ams]

لا احبها
بحس ان فيها حاجة غلط

[LUX]

الستيشن كتيره و كل حاجه .. بس الموديلات فيها محدوده و معظمها موديلات قديمه .. و غير كده الموديلات الحديثه مابينزلش فيها استيشن من التوكيل ..
الموديلات المعروفه في الستيشن طبعاً البيجو 504 و 505 ... و دي عربيات حته حديده .. عندنا منها واحده 504 بتاعه عمي .. لو اقولك العربيه دي بنحمل فيها اكتر من اللي الربع نقل بتشيله هاتقوللي انت كداب .. العربيه دي مره حملناها فوق طاقتها بمراحل .. نظام الخدمه الشاقه عاملين شبكه عموله و حطينا عليها نصين فيات 131 .. و الموتور و العفشه و الكلام ده في الشنطه .. و غير كل ده شيلنا 15 كردان 504 و موتورين 504 في الشنطه .. و بلاوي سوداء .. العربيه كانت شايله شايله يعني .. و كانت بتجر في نفسها .... الميزه في ال504 الستيشن انها فيها 4 يايات ورا .. بلاوي و متقلات بقي يا حج ..
الموديلات المعروفه الاخري : المرسيدس و الفولفو و البي ام استيشن .. و دي عربيات كلاسيك و استخدام ناعم .. هسا هاتستحمل و كل حاجه بس مش بتاعه خدمه شاقه يعني .. و غير كده مش متوافره كتير ..
انا شاب 21 سنه .. و اه بادور علي ستيشن .. 504 او 505 .. بس للاستخدام العائلي طبعاً مش للشبابي .. الشبابي بي ام و بس يا حج ...

اولا شكرا علي الرد الجامد ده
ثانيا في موديلات بتنزل من التوكيل استيشن.
انا عن نفسي شوفت دايو نوبيرا استيشن في التوكيل و ايه ده انا شفت تويوتا كورولا استيشن كمان
بس للحق كانوا غاليين شوية.
البيجو 504 دي عربية جامده و انا عارف انها جامده جدا.
بس مش شايف اللي انتوا عملتوه فيها ده كتيير شوية؟:p
ثالثا في عربيات استيشن صغيرة و روشه و شكلها شبابي بل
و رياضي كمان يا معلم عندك الميرسيدس و البي ام وشكلهم مقبول اوي ._
_______

[LUX]

لا احبها
بحس ان فيها حاجة غلط

ممكن تقولي ليه مش بتحبها؟

وايه الاسباب اللي مخلياك بتحس ان فيها حاجة غلط؟
________

[Xpert]

لاء ده هيا قبل التجديد كان شغلتها الاساسيه نقل قطع الغيار من بورسعيد لحد بني سويف ;)
البي ام طبعاً شبابي و روش طحن.. المرسيدس كلاسيك و برستيج .. التيوتا و الكلام الجديد ده ماببلعهوش و هوه سيدان عادي .. ما بالك بقي و هوه ستيشن هههه

[abdelaziz-waleed]

انا نفسي جداً اجيب عربية ستيشن. دي عائلية جداً ومفيدة جداً في السفر.
بس انا هقولك على حاجة مضحكة بس هي حقيقة
في الدول الأوروبية وامريكا بيحبو جداً العربيات الستيشن عارف ليه اولاً علشان الكلب يلاقي مكان يقعد فيه ومايوسخشي العربية ثانياً هما مجانين سفر وتنقلات

على العكس تماماً في مصر. احنا مش لاقيين ناكل لما نجيب كمان كلب. ثانياً احنا مش مولعين بالسفر زيهم. وعلى ما اعتقد برده ان الشكل له عامل في عدم انتشار العربيات الستيشن في مصر.

[islambana]

بالرغم من اني شاب عندي 18 سنه ومولع بالسواقه الا اني بحب الاستيشن وخصوصا ال505 لانها واسعه قوي كفايه انها بتاخد 8 ركاب وبيبقي في شنطه كمان والاعجب من ده كله انها نفس ابعاد العربيه الصالون

[Xpert]

قال بتاخد 8 هههه .. احنا حطينا في ال 504 13 واحد يا باشا هههه ز كلهم كانو قاعدين علي الكراسي هههه

[LUX]

لاء ده هيا قبل التجديد كان شغلتها الاساسيه نقل قطع الغيار من بورسعيد لحد بني سويف ;)
البي ام طبعاً شبابي و روش طحن.. المرسيدس كلاسيك و برستيج .. التيوتا و الكلام الجديد ده ماببلعهوش و هوه سيدان عادي .. ما بالك بقي و هوه ستيشن هههه

هيا قبل التجديد كان شغلتها الاساسيه نقل قطع الغيار من بورسعيد لحد بني سويف
مش حرام يا عم عليك اللي انت كنت بتعمله فيها ده :)
ودلوقتي بتعمل بيها ايه؟

ايووه البي ام شبابي و كل حاجة بس تعرف؟
البي ام و المرسيدس و الكاديلاك و الرينو و الستروين منزلين موديلات كتيرة اوي استيشن
وشكلها حلو اوي وروشه كمان
لو مش صدق بس علي السيتروين عاملة ازاي؟ و علي الرغم من كده مش منتشرة في مصر اوي
_____

[LUX]

انا نفسي جداً اجيب عربية ستيشن. دي عائلية جداً ومفيدة جداً في السفر.
بس انا هقولك على حاجة مضحكة بس هي حقيقة
في الدول الأوروبية وامريكا بيحبو جداً العربيات الستيشن عارف ليه اولاً علشان الكلب يلاقي مكان يقعد فيه ومايوسخشي العربية ثانياً هما مجانين سفر وتنقلات

على العكس تماماً في مصر. احنا مش لاقيين ناكل لما نجيب كمان كلب. ثانياً احنا مش مولعين بالسفر زيهم. وعلى ما اعتقد برده ان الشكل له عامل في عدم انتشار العربيات الستيشن في مصر.

فعلا كلامك كله صح..بس مش توافقني الرأي ان في من اللي بيجي يشتري
عربيات عندنا هنا بيبص علي الشكل الاول والمنظرة و الامكانيات و ناسي جوهر وقيمة العربية الحقيقية
المهم يشتري عربية شكلها حلو جدا و فخمة لحدا ما و يتناسي هل العربية دي عملية و لا لأ
ده اللي يضحك ان احنا هنا عندنا كميات عربيات مرسيدس و بي ام وجاجوار اكتر منهم هناك!!
ليه؟ لان هما بيشوفوا انهي عربية مناسبة لاحتياجاتهم و اذا كانت عملية ام لا ثم يأتي بعد كده الشكل و المنظرة في المقام الاخير بعد الكلب اللي بيحطوه في الشنطة:D

بس قولي لو انت راكب العربية الستيشن دي لوحدك و رايح شغلك مثلا..
مش ممكن تبقي مكسوف انك راكب عربية عائلية و انت شاب و عازب كمان!!!:D:D
ارجو الرد :D
_________

[LUX]

بالرغم من اني شاب عندي 18 سنه ومولع بالسواقه الا اني بحب الاستيشن وخصوصا ال505 لانها واسعه قوي كفايه انها بتاخد 8 ركاب وبيبقي في شنطه كمان والاعجب من ده كله انها نفس ابعاد العربيه الصالون

فعلا...بس انت عارف في انواع تانيه من الاستيشن بتشيل 5 ركاب بس و مش كبيرة اوي زي البيجو ال504 و ال505 وتصدق بايه شكلهم احلي و موجودين في مصر كمان عند التوكيلات
بس اللي يحير ان العربيات دي ش بتتباع كتير هنا و ده هو السؤال
________

[LUX]

ايه كل ده؟

قال بتاخد 8 هههه .. احنا حطينا في ال 504 13 واحد يا باشا هههه ز كلهم كانو قاعدين علي الكراسي هههه

اوعي تقولي ان كل ده مع نصين العربية ال131 و ال15 عمود كردان!!!

انت المفروض تكرم و تحترم بقي العربية دي و تخليها تنقل رمل بعد كده :D

ده انت بتعاملها علي انها لوري :D صح؟
_______

[LUX]

يالا ابسطوا

دي شوية صور للعربيات الاستيشن الحديثة
عيشوا بقي:d

[Xpert]

هيا قبل التجديد كان شغلتها الاساسيه نقل قطع الغيار من بورسعيد لحد بني سويف
مش حرام يا عم عليك اللي انت كنت بتعمله فيها ده :)
ودلوقتي بتعمل بيها ايه؟

دلوقتي شغلتها نطلعها من الكان نوقفها قدام البيت و ندخلها الدكان تاني هههه يا باشا ال 504 دي حماله قاسيه .. هيا اي نعم قدمت قوي بس بضه هيا الخير و البركه ;)