لا زيادة في اسعار البنزين!!!!!!!!!!!!!

[Moh.Fahmy]

العنوان حقيقي مش هزار او فيه اي خدعة
الظروف جمعتني بقريب ليا من بعيد عضو مجلس شعب و عضو في لجنة السياسات و في ساعة تجلي سألته عن حقيقة زيادة سعر البنزين و اني كل ما التنك يفضي ربع منه عندي اورح افول عشان الاشعات اللي مالية البلد و بتقول ان البنزين و خاصة 92 حيزيد في شهر 7
الراجل اقسملي بعد حرص شديد منه و كأنه بيدلي بحديث صحفي لمجدي الجلاد او فهمي هويدي ان مافيش زيادة قبل شهر نوفمبر القادم .. و طبعا السبب معلوم للجميع يعني بعد الانتخابات
لكن النية موجودة و بكل قوة و المستهدف هو بنزين 92
فأنا قولت افرحكم عشان نبرطع في الصيف من غير عكننة

[atamim]

طيب ما قال لكش لما يغلى حيكون بكام ؟؟؟؟؟؟؟؟؟

[م.محمد علاء]

يبقى طالما الذياده جايه كده كده..انا حبتدي أخفر بير تحت البيت من دلوقتى!!!!!!!

[aly_moh]

افرحكم عشان نبرطع في الصيف من غير عكننة


ياريت و الله و حشتنا الفرحة

[aly_moh]

http://www.nilemotors.net/Nile/160553-a.html

[Moh.Fahmy]

http://www.nilemotors.net/nile/160553-a.html

بس تفرق يا باشا لما الخبر تقراه في جريدة رسمية و اما يتقال في قعدة خاصة - لان كلام الجرايد ممكن نفيه او تحويره لاي صيغة اخري و برضه التصريح لم يوضح نية الحكومة في وقت الزيادة
انما الراجل اقسم انه مافيش اي زيادة قبل نوفمبر القادم و اعتقد ان الزيادة حتكون في حدود 25% .. يعني افترا برضه يلا بقي عشان الناس تحوش من دلوقتي

[shaddadfalcon1]

طالما كده كده هيغلي يبقي نفرح ليه

النهارده بيقولك لا مساس ولا اتجاه لرفع اسعار تذاكر القطر والمترو يعني كلها كام يوم ويغلي

الناس كلها في كل الدنيا بيقولو قبلها عشان الناس تعمل حسابها ويقولو غلوها ليه ومستوي الخدمه ازاي بعد الغلاء

الا في المحروسه يطلعلك واحد ويقلوك لا مساس وبعديها بكام يوم ولا اسبوع الحاجه تغلي

[د.محمود صلاح]

لو 92 بس يبقى ال 90 وال 80 هيبقى طوابير عليهم

[shaddadfalcon1]

طيب ده في بنزينات لغت ال 90 وحطت مكانه 80

[kemoelord]

يا جماعه سيبكوا من حوار البرطعه والكلام الحمصي ده , يا جماعه دي كارثه بكل المقاييس , يا جماعه في ناس بتتخانق في الاتوبيسات والميكروباصات اذا لاقوا ربع جنيه زيادة في اسعار الاجره , يا جماعه كل حاجة ليها علاقه مباشرة او غير مباشرة باستخدامات البترول هتغلى
من سلع غذائية وملابس ووسائل مواصلات وطبعا وزارة الكهرباء هتغلي الفواتير !!!!!!!! يا نااااااااااااااااااااااااااااااااااااااااااااااااس اصحووووووووووا

[MohaMed_Refaat]

ان مافيش زيادة قبل شهر نوفمبر القادم .. و طبعا السبب معلوم للجميع يعني بعد الانتخابات

نوفمبر 2010 ولا 2011

[احمد عبدالله]

حسبنا الله و نعم الوكيل في كل ظالم

[Moh.Fahmy]

يا جماعه سيبكوا من حوار البرطعه والكلام الحمصي ده , يا جماعه دي كارثه بكل المقاييس , يا جماعه في ناس بتتخانق في الاتوبيسات والميكروباصات اذا لاقوا ربع جنيه زيادة في اسعار الاجره , يا جماعه كل حاجة ليها علاقه مباشرة او غير مباشرة باستخدامات البترول هتغلى
من سلع غذائية وملابس ووسائل مواصلات وطبعا وزارة الكهرباء هتغلي الفواتير !!!!!!!! يا نااااااااااااااااااااااااااااااااااااااااااااااااس اصحووووووووووا

ما هما عشان كده يا باشا حيغلوا 92 بس عشان هما من وجهة نظرهم ان الشريحة دي مرفهة و مش حتفرق معاها و برضه مش حيأثر علي التاكسيات اللي بتستخدم 80 او النقل و الميكروباصات اللي بتستخدم السولار

[kemoelord]

ما هما عشان كده يا باشا حيغلوا 92 بس عشان هما من وجهة نظرهم ان الشريحة دي مرفهة و مش حتفرق معاها و برضه مش حيأثر علي التاكسيات اللي بتستخدم 80 او النقل و الميكروباصات اللي بتستخدم السولار

اقسم بالله احنا لو لاقينا تاني يوم الاسعار غليت في كل الحاجات ما هنقدر نتكلم الا بقى اذا كان عندنا استعدادات للخناقه والجدال مع كل واحد استهبل وغلى في الاسعار

[abofarah]

ايوووووووون عايزين نبرطع ....