الاوتو و المانوال

[M.Alaa92]

طب لو أول عربيه الواحد يشتريها يجيبها مانيوال ولا اوتوماتيك

مانيوال علشان اللى يسوق المانيوال يسوق الاوتو بسهولة ده فى الحالة االعادية انما لو انت جوة البلد كتير تبقى اوتو علشان الزحمة مع انى مرتاح فى المنيوال اوىى :b4_048:

[mahmoudselim]

بص يا سيدي الاقتراح دا.
انتا تروح تأجر عربية اوتوماتيك يومين كدا ويفضل طبعا يكون نفس الماركة ال ناوي تشتريها ان شاء الله
ويفضل كمان انك تأجرها من مكان معروف زي (avis) مثلا وتروح بيها مشاويرك المعتادة كل يوم برضوا
وبما انك كنت سايق مانيول تقدر تاخد القرار بعد التجربة دي وانتا مطمن ان شاء الله .

[mahmoud_afifi]

للأسف دايما الي بيحكم هوا الفلوس بس لو تقدر يبقى هات اوتوماتيك عشان بتريح قوي.
مش مقياس موضوع شغلك في طريق مش زحمه, الواحد مايعرفش الظروف وممكن في اي وقت يمشي في طريق زحمه وساعتها هتحس ان فلوسك ماراحتش في الارض (لو جايب اوتوماتيك) انما لو مانيوال هتندم.
ولو خايف ان الاوتوماتيك مابتجريش زي المانيوال يبقى احب اطمنك انها بتجري وتسحب زيها عشان انا معايا اوتوماتيك ومريحاني.
بالنسبه لتوفير البنزين فالفرق مش جوهري قوي .
والصيانه وتصليح الاوتوماتيك ان شاء الله ماتحتاجش طول مانت محافظ على العربيه وبتهتم بالصيانه الدوريه.
وسيبك من الناس الي بتقول العربيه الاوتوماتيك للناس الي مابتعرفش تسوق

[Abo_Lina]

أوتو
ثم أوتو
ثم أوتو
ثم مانيوال ..
و كله بينزل ستب ترونك دلوقتي يعني لو الواحد حن لشغل التاني و التالت موجود برضه

[ahmed88hassan]

اوتوماتيك
البلد متعبة اوي في السواقة ومش محتاجة تسارع المانيوال

[ahmedfathy2]

شكرا أوى لأهتمامكم بجد استفدت.

[ahmedfathy2]

طب معلش هاكتر عليكوا انتوا رأيكم اجيب اكسنت اوتو ولا اوبترا مانيوال ولا تيجو 1600

[mahmoudselim]

بدل الاكسنت الاوتو, ممكن تجيب النيسان صني الاتو والفرق حوالي 5000
تكنولوجي ياباني تجميع مصري

[ahmedfathy2]

بس بيقولولا قطع غيارها غاليه جدا مقارنه بالكسنت,ده مظبوط

[egytamer]

منيوال متعة السواقة عزم وتسارع افضل مصاريف صيانة وتشغيل (زيت + استهلاك بنزيم اقل ).
اتوماتيك راحة في الزحمة وسهولة في الحركة بتريح دماغك من النقل ووجع الالب.

[mahmoudselim]

بس بيقولولا قطع غيارها غاليه جدا مقارنه بالكسنت,ده مظبوط

مين ال بيقول يا باشا؟؟ انس الكلام دا غير صحيح اطلاقا
وبعدين انتشار الصني دلوقتي ماشاء الله اكتر من الاكسنت (وجهة نظر)
بص برضوا علي المدي البعيد انهو يعيش ويستحمل معاك اكتر ومصاريف صيانة أقل؟
بسم الله ماشاء الله المواتير الياباني معروفة بقوتها واستحمالها .

[omar-saad]

مين ال بيقول يا باشا؟؟ انس الكلام دا غير صحيح اطلاقا
وبعدين انتشار الصني دلوقتي ماشاء الله اكتر من الاكسنت (وجهة نظر)
بص برضوا علي المدي البعيد انهو يعيش ويستحمل معاك اكتر ومصاريف صيانة أقل؟
بسم الله ماشاء الله المواتير الياباني معروفة بقوتها واستحمالها .

الله ينور عليك
العربية الصنى بسم الله مشاء الله الفتيس بتعها حساس جدا للسرعة واستجابتة حلو اوى
وميزة الفتيس كمان انو على موتور قوى
فبالتالى انتا هاتسمتع جدا بالسواقة +الراحة وانا بنصحك بالعربية دى فعلا ممتازة وركوبة صح
وبالنسبة لقطع الغيار مافيش فرق لان العربيات الجديدة دلوقتى كلها قطع غيارها غالية واسال
وجرب ومش هاتندم
وربنا يوفقك للخير ان شاء الله