أرجوك..التوقف فجأة مش قرارك لوحدك

[icehearted girl]

السلام عليكم أهالي نايل موتورز الكرام

بصراحة الموضوع دا مضايقني حبتين تلاتة وعاوزة أخد رأيكم..الا وهو عبور المشاه


قبل متكلم بس... انا المشوار ابو نص ساعه ممكن اخده فساعة من كتر مبهديي عشان الناس تعدي قدامي علي راحتهم من غير جري وشقلباظات...خصوصا لو كبار السن او معاهم أطفال

لكن المووضوع له حدود.. يعني مثلا لما يكون حد بيعديي لسه بعيد عنني ممكن اهدي شوية علي علي ميعدي واكمل... انما مش منطقي اني ادوس فرامل فجأأأأأأأأأأأأأأأأأأةوالبس اللي وراييا فيابشوف الحركة دي ديما ملبنات

لما يكون حد لسه واقف علرصيف ومتردد في قرار التعديية ونا جيية بجري ممكن اكلكسله جامد عشان يرجع لحد معديي انما برده مش منطقي انيي اقف فجأة واشاورله يعدي والبس اللي ورايا فييا والزق راس اللي راكبيين معايا فلبربريز

انا مش بيضايقني سلوك المشاه اد مبيضايقني سلوك السائقيين مع عبور المشاه

وان كان عبور المشاه في حد ذاته خاصة في اشاره مفتوحة ييعتبر انتهااكا لحقوقق السائقين زي بظبط محد بييكسر اشارة بينتهك حقوق المشاه

انتو اي رأييكم الموضوع لازم يكون في حدود وضوابط متعارف علييها ولا تتساب سبهللة

[ashrafsadany]

+++++++++++111111111111111
كلام زى الفل وخاصه ان فى بعض الاحيان الناس بتعدى بشكل عشوائى

[M.Osman]

هي منظومة عشاوئية
بداية من تدوير العربية الصبح
لحد الركنة و السايس السييس

[M7MD_99]

اكتر حاجة بتحرق دمى اما يكون واحد عايز يعدى و انا - كتر خيرى - اهديله عشان يعدى , يقوم مدينى ظهره و يمشى بالورب !!!!


بكون خلاص هدوس بنزين و اشيله و اخلص

[Mohamed.Raafat]

مشكلة الناس اللى بتعدي الشارع و انا منهم
بس هعمل ايه ساعات بلاقي ناس رخمة من اللى سايقين اجي اعدي الاقيه راسه و الف سيف ليعدي قبليا

بحس ساعتها انه لو عدى الاول هياخد كاس العالم

[Abo_Lina]

هو لسه حد بيعدي حد ..
كتير من المشاة معدومي الذوق و لو حد وقفله بياخد ٢٠ قلم في نفسه و يعيش دور الشخصية المهمة ..
العكس بقى لو هجمت عليه بيستكين و يرجع لحجمه الطبيعي و مش بعيد يرفع إيده و يقولك لا مؤاخذة يا باشا ..

كل حاجة ماشية بالعكس في البلد دي
ده شعب عجيب

[Mohamed.Raafat]

هو لسه حد بيعدي حد ..
كتير من المشاة معدومي الذوق و لو حد وقفله بياخد ٢٠ قلم في نفسه و يعيش دور الشخصية المهمة ..
العكس بقى لو هجمت عليه بيستكين و يرجع لحجمه الطبيعي و مش بعيد يرفع إيده و يقولك لا مؤاخذة يا باشا ..

كل حاجة ماشية بالعكس في البلد دي
ده شعب عجيب

ككتيييييييييييييييييييييييييييييييير جدا
من الناس دماغها تعبانة و مش بتعرف تعدي الشارع امتى

بس بنحاول على قد ما نقدر اننا نتفادي اخطاء الغير

انا عن نفسي مش بحب اعدي الشارع من قدام موتوسيكل
لأنه لو مش قد كده و عمل حاجة غلط ولا ضرب فرامل فجأة ( الله يرحمه )

[gazzar91]

هي دي بس الأخطاء اللي بنشوفها من المشاة......

بيعدي الشارع من غير مايبص
جاي من المقابل و كمان داخل بقلب جامد على المراية
ماشية و سايبة عيالها يجروا في وسط الطريق
مكسل (أو في الغالب مكسلة) يطلع على الرصيف
بيعدي الشارع من الملف
واقف مع بنوتة في وسط مدخل الشارع علشان يوقفلها تاكسي( و دي أكتر حاجة بتنرفزني قوي قوي قوي قوي... طيب مش خايف عليها يعني لما هو شهم كده؟؟؟)
واقف ورا عربيتك و معاك لمبة مارشدير تعمي و مع ذلك مستنيك تخبط فيه!!!!!
عيال متشردة بتلعب في وسط الشارع كورة!!!

و غيرهم كتيييييييييييييير بنشوفه...
ربنا يستر علينا علشان دايماً بيطلعوا اللي سايق غلطان!!
في رعاية الله...

[metenawy]

يا جماعا انا كان حيجيلي شلل بسبب الموضوع داه النهاردة في شارع الهرم كل واحد يقوم مفرمل فجاة عشان يعدي حد و اقعد انا اهدي و اسايس العربية عشان ملبسي فيه خصوصا العربيات الركبها البنات اما لو اتكلمنا علي الناس الي تعديهم و حتي مايقولوش شكرا سواء مشاه و لا عربيات فدول كتير(الموضوع المفروض زوق و تربية ابل ما يكون سواقة)

[zoom2zoom]

والله انا بسبب التوقف فجاه ده عملت حادثه في بورسعيد ودمرت وش العربيه بتاعتي وضهر عربيه البيه اللي شاف شوية ميه خاف يدخل فيهم ويبهدل عربيته وراح داس فرامل بعزم ما عنده وانا وراه وللاسف كان جمبي عربيه علي يميني وشمالي الرصيف يعني معرفتش ارمي نفسي كده ولا كده وياعيني بقي علي سواقه الستات اللي تخليك تتشل تلاقيها ماسكه الدريكسيون بايدها لاتنين ومتشعبطه فيه كانها باصه من بلكونه وتلاقيها فجاه رمت عليك وانتا ماشي ومعتبراك برضه انتا اللي غلطان عشان الطريق بتاعها لوحدها .......... وعجبي

[NoRmAl]

طيب تقولى أيه يا دوك فى واحد يبقى شايف الطريق ورايا فاضى ويعدى من قدامى!!
دا أسمه أيه معلش يعنى
متستنى أعدى وأزحف أنت مالطريق فاضى
أو بقى الالعن
يشفنى جاى من بعيد والطريق فاضى
يستنى....يستنى.........يستنى
أول لما أجى يروح معدى $#^!#$#&#^!#&^%$!
أقول أيه!

[devilishtigers]

انا بجد خدت قرار وقولت مش هقف إلا للناس الكبيرة او واحدة ومعاها اطفال
كنت الاول بقف للشباب والانسات وتقريبا كل الناس وبعدها بضرب نفسي 100000 جذمة اني و قفت
لما الشباب بتيجي تعدي هي او الانسات تحس انهم بيتمشوا على الكورنيش مش طريق وفيه عربيات بتمشي
من ساعتها وقلت هقف للي الاقيه يستحق
وبرده بطلع غلطان

[pro_samir]

عندك حق طبعا واللي ناوي يقف علشان يخلي حد يعدي الطريق يبقي يتكرم ويبص في المراية الأول ويشوف هيعرف يقف مستريح ولا لأ ويشغل انتظار

ولو وراة مفيش عربيات قريبة يبقي يرزع فرامل زي ماهو عايز

ويبقي الوضع علي ماهو علية ادينا بنفضفض وخلاص علشان منفرقعش زي فردة الكاوتش اللي مظبوطة 50 في عز الحر

[m7nsh]

هي دي بس الأخطاء اللي بنشوفها من المشاة......

بيعدي الشارع من غير مايبص
جاي من المقابل و كمان داخل بقلب جامد على المراية
ماشية و سايبة عيالها يجروا في وسط الطريق
مكسل (أو في الغالب مكسلة) يطلع على الرصيف
بيعدي الشارع من الملف
واقف مع بنوتة في وسط مدخل الشارع علشان يوقفلها تاكسي( و دي أكتر حاجة بتنرفزني قوي قوي قوي قوي... طيب مش خايف عليها يعني لما هو شهم كده؟؟؟)
واقف ورا عربيتك و معاك لمبة مارشدير تعمي و مع ذلك مستنيك تخبط فيه!!!!!
عيال متشردة بتلعب في وسط الشارع كورة!!!

و غيرهم كتيييييييييييييير بنشوفه...
ربنا يستر علينا علشان دايماً بيطلعوا اللي سايق غلطان!!
في رعاية الله...

اااااااااااااااااااااااااااااااااااااااااااااااااا ه
والله تعبت تعبت
انت جبت جميع المواقف الملعونه من المشاه !!.. و اللى الحمد لله كلهم ماسلمتش منهم
بجد السواقه بقت مغامره و انتهاك لحرمه اعصابك .. فعلا انا بقيت اتعمد مانزلش بالعربيه كتير .. والله حاجه تجيب الضغط
و كلام الدكتوره صح .. بس هو الحل ايه فعلا ؟؟؟ نبطل سواقه ؟

[AirForces]

انا ساعات بحس ان فى ناس بترمى نفسها فى الطريق والمفروض انه العربيات تقف للباشا على ما يعدى حتى بيبقا بيعدى وباصص الناحية التانية
والأنسات نفس الموضوع لو سيبتهم يعدوا يعيشوا الدور وتتمشى قدام العربية والناس ورايا تكلكس وانا دمى يتحرق
اللى بيغيظنى اكتر بقا تلاقى واحد ماشى سريع وانا ماشى وراه يروح ضارب فرامل فجأة ومحود من غير اى إشارة