el backfire

[aloza]

يا جماعة ممكن حد يقولى الباك فير بتاع النار الى بيطلع من الشكمان بيتعمل فين وبكام وهل بيأثر على الموتور ولا لا انا عربيتى لانوس 2000 وهل النار بتبان اوى ولا لا ..........وشكرا...

[badblood]

طيب انا ممكن اعرف ايه فايدتها (اعتقد ان دي حاجه مش حلوه على الموتور خالص)

[fahd_628]

دة جهاز منفصل بيركب و على ما اعتقد انة بيطلع شوية بنزين فى الشكمان و بيفرقع و بيطلع النار الى بتطلع

انا رأى بلاش الكلام دة

[badblood]

واعتقد في ناس بيتركب بوجيهات محروقه (الله اعلم اذا كان الكلام ده صح ولا لا )

[SAbuhashem]

أنا عندي الجهاز كامل كنت شاريه من برة ركبته شوية في عربيتي وفعلا كان بيطلع لسان نار بيوصل لمتر كامل وبعدين فصلته لم غيرت الموتور ومكسل أوصل الدائرة بتاعته تاني.

Thanks
Eng.Sherif Shaker

[badblood]

طيب ايه فايدته ولا منظر و حركات:d

[Ahmed Samy]

أنا عندي الجهاز كامل كنت شاريه من برة ركبته شوية في عربيتي وفعلا كان بيطلع لسان نار بيوصل لمتر كامل وبعدين فصلته لم غيرت الموتور ومكسل أوصل الدائرة بتاعته تاني.

Thanks
Eng.Sherif Shaker

حلمك علينا يا باشمهندس :D
مادام عند حضرتك واحد يبقى ياريت تحكيلنا كده واحدة واحدة : الفكرة - المكونات - التأثير - السعر - التركيب و يا سلام ...يا سلام لو صور:) (غلاسة معلش)

[SAbuhashem]

طبعا منظر رهيب جدا أنا مدينة نصر كلها كانت بتتلم عليا لم كنت بأشغله

تاني حاجة أصحابنا بتوع الميكروباصات أو الشباب إلي فاكرين انهم ممكن يعدي من فوق عربيتي بمجرد إنه يلزق إكصدام عربيته الأمامي في عربتي من ورا كان طبعا بيتروق

Thanks
Eng.Sherif Shaker

[Hossam.Hamdy]

بس بتسيب اثر فى الاكصدام صح؟!!!!

[SAbuhashem]

هو مكوناته عبارة عن كونترول يونيت ، موبينة،كتاوت،قاعدة بتركب في الشكمان علشان يركب فيها البوجيه ، زرر ال-on/off

فكرة عمله إنه لازم يخلي العادم rich in gas وبكده لما المبينة تدي اشارت كهربا للبوجه في أخر الشكمان بتطلع نار شديدة مع دست البنزين

أنا مش شايف أي تأثير على العربية نهائي إلا انك مينفعش تشد أو تجري وهو on بس بمجرد ماتعمل off ترجع كل حاجة لطبعتها

تركيبه سهل و مش معقد أوي

أنا كنت شاريه بحوالي ١٠٠$

كان فيه فيديوهات على موبايلات أصحابي لعربيتي وأنا مشغله هحاول أدورلك عليها إن شاء الله

ملحوظة :في فرق بين الجهاز دة و ال-Anti lag system إلي بيركب في العربيات التربو علشان يقلل ال-turbo lag وهو كما بيسبب نار تطلع من الشكمان وبتكون ملحوظة أوي في عربيات الرالي.

Thanks
Eng.Sherif Shaker

[aloza]

شكرا ليكم يا جماعة ........بس سؤال هل هوة بيتباع هنا فى مصر انا سامع ان فى واحد فى الحرفيين اسمه مربع بيعمله وبيشتغل تمام هل الكلام ده صحيح ولو حد يعرف بيتعمل بكام يقول ....وشكرا

[piezo]

بجد انا مش عارف اقولك ايه لان الموضوع ده كان واكل دماغي بجد وكنت بدور عليه علي النت و بدور عليه بس هو بره بي 70 دولار
بس في حاجه قالقاني الشراره بتاعة البوجيه ديه بتكون جوه الشكمان هل بقي الشراره ديه مش ممكن تعمل مشكله في الكهرباء بتاعة العربيه يعني مثلا البوجيه في الماتور شراره جوه الماتور و مع بنزين بيحصل الاحتراق و الشراره الي في الماتور محكومه مش بتهرب في حته انما ديه شراره البوجيه سارحه مش محكومه مش عارف بقي حد فهمني ولا لا

[aloza]

يا جماعة يا ريت حد يرد على أسئلتنا ............وشكرا

[SAbuhashem]

هي فعلا زي ما إنت بتقول كدة شرارة في الشكمان يعني قبل العلبة الاخيرة مباشرة وهي بتكون بالمرصاد للعادم إلي في الحالة دي مليان بخار بنزين لما يكون الجهاز على وضع ON

هي حاجة مقلقة لبعض الناس
أنا مثلا علشان عندي free flow muffler باقدر أشوف الشرارة جوا وهي شرارة بوجيه يعني بسيطة أوي بس كافية لاشعال العادم مع دوسة البنزين

طيب أنا لو شرحتلك فكرة عمل ال-Anti Lag System في العربيات التربو وازاي بيقلل ال-Turbo lag وبردو بيسبب شعلة نار في الشكمان هتترعب وتستغرب ازاي العربيات دي بتمشي بال System ده من غير ما تنفجر


Thanks
Eng.Sherif Shaker

[aloza]

بكــــــــــــــــــــــــــــــــــــــــــــــــ ــام يا جدعان وبيتباع فى مصر ولا لا ؟؟؟؟؟؟