"بنتلي" مصر الأولى في مبيعات الشرق الأوسط

[blazer]

قال المهندس أحمد الغريب المدير العام لشركة MTI وكيل سيارات "بنتلي" في مصر إن التزايد المستمر في المبيعات يؤكد إيمان العملاء وثقتهم في طرازات "بنتلي" العريقة.

وأضاف الغريب لصحيفة "اليوم السابع" الثلاثاء : "نحن سعداء بهذا النمو القوي في مبيعات بنتلي، بل ونؤمن أن هذه السيارة الفارهة العالمية ستعزز من مكانة سيارات بنتلي في السوق".

واستطاعت شركة MTI للسيارات تحقيق رقماً قياسيا في مبيعات "بنتلي" في مصر، وذلك بتحقيقها معدل نمو يصل إلى 150% في المبيعات خلال الربع الأول من العام الحالي، لتحتل المركز الأول في تحقيق المبيعات المستهدفة للسيارة في الشرق الأوسط.

من جانبه ، أوضح هاني سالم مدير مبيعات "بنتلي" أن قوة وأداء وفخامة الطرازات التي تقدمها الشركة هي العامل الرئيسي في تحقيق مثل هذه النجاحات، فضلا عن العمل الجاد لفريق المبيعات.

وتتطلع شركة MTI للسيارت لتحقيق المزيد من النجاحات لطرازات "بنتلي" في المستقبل القريب من خلال البنية الأساسية القوية والاستثمارات المتزايدة إضافة إلى الالتزام بجودة وكفاءة خدمات ما بعد البيع.

يذكر أن شركة MTI شاركت بقوة بعدد من طرازات "بنتلي" خلال معرض "أوتوماك أخبار اليوم" الأخيرة الذي أقيم الشهر الماضي.
[info]منقول[/info]
طبعا انا عامل الموضوع دا عشان اشتكى الشركه
اقعد شهر عشان مش لاقى كاميرا الباركينج فى الوكيل
والبنتلى مغرقه الشوارع

[omar-saad]

سؤال رفيع هو عربيتك نوعها ايه
ماتقوليش بنتلى

[Moe86]

دة على أساس انهم كانوا بيبيعوا 1000 عربية و بقوا يبيعوا 1500 ؟
سؤال رفيع بس, هما بيبيعوا كام واحدة فعلا كل سنة ؟ أعتقد مش أكتر من 3

[MaZaGAngeE]

غريبة قوي و لا واحد من اصحابي و لا معارفي رضي يشتريها عشان فيه مشاكل في التقفيل و كمان العزل بتاعها مش قد كده و اخيرا التوكيل شايل كماليات كتيرة منها و بيركب صيني بدالها و يزود في السعر عشان اوبشن و احتمال مش متأكد الصاج مش متعالج من البارومة
يمكن لو الشركة حلت المشاكل دي العربية ترجع تاني شعبية في مصر

[amr.mostafa]

يا جماعه فيه ايه عادي ... بنتلي باعت السنه اللي فاتت عربية والسني دي 3...

[Angel_wolf]

ياعم الناس دى كدابة انا رحت لقتها
من غير جنوط اسبور جنوط 126 ومركبنلها طاسات 128
والازاز كلة بالاكر مفيش كهرباء
عفشة زبالة بعد ال 60 بتعوم منك
كوتش ( النسر ) طبعا زى ما انتوا عارفين بيتاكل لوحدة
العدادت مفيهاش rpm ولا فيها حرارة بيدولك ترمومتر هدية معاه تقيس بية
وبعد الفرامل تعبانة اوى مفيهاش ABS , ESP , EBD ,ولا حتى تيل فرامل هما جايبين عيل صغير قاعد تحت العربية تصفرلة يمسك العجل والعربية تقف
وبعدين مفيهاش باور والدركسيون تقيل اوى
وعداد السرعة اخرة 100 كم\ساعة بيقلك علشان متعديش ردار الصحرواى
المتور 1100 سى سى و 50 حصان
دة غير التبلوة سئ جدا كلة من بلاستك الشباشب
الكراسى لو قعدت عليها تخطس بيك لتحت
وبعدين مفيهاش خرم سقف
بس فيها بلاعة و مفيهاش و ولاعة

بقى التقرير قريب مع الصور

[ashrafsadany]

اول مقريت العنوان قلت دى اشتغاله بس بعد مقريت المشاركات تأكدت انها حقيقه وهميه او واقع من الخيال او غالبآ الكاتب الى كتب دا فى اليوم السابع كان فاكر نفسه اترقى وراح اليوم الثامن والجميل ان صدمه الخبر من هولها اثرت على المشاركين والمتفرجين والمتابعين وربنا يستر على المشرفين

[أحمد كمال]

يعني على كده الامارات اللي بتتكعبل فيها في البنتلي اقل مننا؟

[omaroof]

الغريب البنتلى اللى فى الامارات غير اللى عندنا خالص موش عارف ليه
هناك عربيات فخمه وعندنا ميكرو بنتلى
وفعلا الرجل عنده حق لو بيبيع عربيه وباع السنه دى3 يبقى 300%
وربنا يجعله عامر

[tameraast]

يا جدعان هتلقوها باعت السنه الى فاتت عربيه و السنادى 3 كان فى كام باشا من حبايبنا الى سرقنا عايزين يغيرو فباعو 3 و دى الزياده الى هيا 150 %

[Ahmed Nouh]

اما شغل صحفيين صحيح :)

التصريح ده كان فى الاوتوماك اللى فات وكان فى مؤتمر صحفى والصيغه دى اتوزعت على كل الصحفيين يعنى هو مكتبهاش ده كوبى وبست على طول زى باقى جرايد مصر كلها

ويقولك احمد الغريب لليوم السابع :)

انا عندى ال Press release بتاع المؤتمر الصحفى ومش مكتوب فيه كدا , هو بس البيه الصحفى حور الكلام شويه علشان يراضى MTI

المكتوب ان مبيعات بنتلى فى مصر فى الربع الاول فى 2010 هى الاعلى فى الشرق الاوسط , يعنى ممكن نكون بيعنا عربيه ومحدش فى الشرق الاوسط باع ولا عربيه

ده بجانب ان الزيادة ال 150% دى مقارنه بنفس الفتره من العام الماضى اللى فعلا زى ما بتقولوا لن تتعدى ال 5 عربيات بأى حال

[som3aa]

بكره الاخبار دى اوى
بحس اننا متخلفين , يعنى لما هما شاطرين كدا يقولولنا باعوا كام عربية؟؟
العربية كمان مش غالية اوى لو جمرك بالنسبة للعربيات اللى موجودة فى مصر يعنى ارخص من ال740 و الs350
ايه 150% دى ممكن يكونوا باعوا 3 عربيات بدل عربيتن فعلا و كدا 150%!!!!
!حاجة مستفزة و بعدين الاولى فى الشرق الاوسط فى ايه؟؟ اكييييد مش فى عدد العربيات
ممكن تكون فى نسبة الارتفاع يعنى هناك بيبيعوا 50 عربية فى الشهر و زادوا ل60 و احنا هنا بيبيعوا فى السنة عربيتين بقوا 3 كدا 150% و بقوا الاول!!
خبر مستفز و بيستفزنى اوى contact اللى شغالين نقل اخبار

[Car's Sniper]

هههههههههههههههه اول مرة اعرف ان فى بنتلى فى مصر اساسا

[Mzeid]

هههههههههههههههه

يا حلاوة
على كدة هروح الاقيلها قطع غيار استيراد و مواتير استيراد مرمية عند التجار من كتر ما هي مرطرطة في الشوارع المصرية اللي فيها سيارات بنتلي اكتر من الشرق الاوسط اللي افقر واحد فيهم يشتري ساحل البحر عندنا بلا فخر


اي حاجة في اي حاجة و هي نفس التصريحات بتاعت كل سنة

[kingnoro]

وايه يعني م البلد فيها فلوس كتيير