طريقة جديدة لأخلاء الحارة الشمال من السيارات البطيئة

[د.محمود صلاح]

لو ماسك الشمال وماشي في السرعة القانونية يبقى لا لوم عليه

[Samir Elshahawy]

وبعدين علشان نبقي عمليين 1% بس من اللى بيجروا بيبقي عندهم عذر حقيقي زي ما يكون معاه مريض زي الحالة اللى قالها اخونا احمد انما الباقيين لمجرد انهم عايزين يطيروا
بالعقل يا جماعة نوصل بالسلامة في وقت اطول شوية ولا منوصلش خالص احنا وغيرنا

يا جماعة فيه ناس طبيعة شغلها زي حالاتي بتتطلب انه يوصل لمكان عمله في وقت محدد و خاصة لما بيكون سفر و حالة طارئة

بيكون ساعات مطلوب مني اوصل لميناء معين في توقيت محدد و ألا التأخير ده ممكن يتسبب في تأخير سفينة عن عبور القناة و خسائر مادية بملايين و في مثل هذه الحالات عندنا سياسة في الشركة بضرورة كسر الرادارات و تتولي الشركة هي دفع قيمة المصالحة أيا كانت

المفروض اللي ماشي في الشمال ده لما يلاقي عربية جاية وراه بسرعة أكبر من سرعته هو ذوقيا يوسع له و مايخدش الموضوع علي انه تحدي و سباق ساعات الامر بيكون حياة أو موت أو بنتكلم في حالات طارئة و ناس تانية بتخسر ملايين

انا شخصيا لو ماشي 120 كم/ساعة (اللي هيا أصلا اعلي من سرعة الطريق و بألاقي واحد جاي بسرعة من بعيد بأدي أشارة يمين و بأوسع له علشان يفضل في حارته و ما أعرضوش لخطر أنه يضطر يعمل غرزة علي سرعة عالية

ياجماعة و أحنا سايقين لازم نراعي بعض و نفكر في بعض

مع خالص تحياتي
م/ سمير الشهاوي

[dr-mohamed]

يا جماعة فيه ناس طبيعة شغلها زي حالاتي بتتطلب انه يوصل لمكان عمله في وقت محدد و خاصة لما بيكون سفر و حالة طارئة

بيكون ساعات مطلوب مني اوصل لميناء معين في توقيت محدد و ألا التأخير ده ممكن يتسبب في تأخير سفينة عن عبور القناة و خسائر مادية بملايين و في مثل هذه الحالات عندنا سياسة في الشركة بضرورة كسر الرادارات و تتولي الشركة هي دفع قيمة المصالحة أيا كانت

المفروض اللي ماشي في الشمال ده لما يلاقي عربية جاية وراه بسرعة أكبر من سرعته هو ذوقيا يوسع له و مايخدش الموضوع علي انه تحدي و سباق ساعات الامر بيكون حياة أو موت أو بنتكلم في حالات طارئة و ناس تانية بتخسر ملايين

انا شخصيا لو ماشي 120 كم/ساعة (اللي هيا أصلا اعلي من سرعة الطريق و بألاقي واحد جاي بسرعة من بعيد بأدي أشارة يمين و بأوسع له علشان يفضل في حارته و ما أعرضوش لخطر أنه يضطر يعمل غرزة علي سرعة عالية

ياجماعة و أحنا سايقين لازم نراعي بعض و نفكر في بعض

مع خالص تحياتي
م/ سمير الشهاوي

الاول صباح الخير يا باشهمندس
1- بدل ما تطير بعربيتك اطلع بدري شوية
2- الشركة ممكن تدفع المخالفات لكن لا قدر الله لو حد حصله حاجة من السرعة الشركة هاتفيده بايه
3- المفروض ذوقيا وقانونا نلتزم كلنا بالسرعات القانونية واللى يتجاوزها يبقي هو المخطئ ومبطلبش من الاخرين انهم يوسعوا له علشان هو مخالف
4- الحالة الطارئة اللي بتبرر بيها السرعة ممكن يبقوا حالتين لو لا قدر الله السرعة العالية والاضواء العالية والترعيش خلوا اللى ادامك يرتبك او عميت عينيه للحظة
5- انا عن نفسي مش هعرض نفسي لخطر انى اعمل غرز علشان واحد جاي طاير من ورايا هو اللى يبغلط يبقي هو اللى يعرض نفسه للخطر وياخد الغرزة

وهاستعير كلمتك الاخيرة اللى بيتناقض كل كلامك


ياجماعة و أحنا سايقين لازم نراعي بعض و نفكر في بعض

[Akram]

عايز اسأل هو ليه الحكومة محدد السرعة بـ 90 أو بـ 100 ,
هل علشان الناس تتخطى السرعة و تتاخد رادار , يعني علشان تلم فلوس ,
ولا علشان ده قانون هدفه الأساسي المحافظة على أرواح الناس ,

طيب حاجة تانية ,,,
نسبة اللي بيعملوا حادثة و متخطيين السرعة القانونية كام للناس اللي بتبقى ملتزمة بيها ,
و نسبة اللي عايز يجري و عندي حالة طارئة فقط ,

من الآخر انا بحاول دائماً التزم بالسرعة القانونية و بمشي في الحارة الوسطى ((مش أول حارة يمين بعد الشمال)) لأن معظم الطرق 3 حارات , و بغض النظر انا ماشي شمال أو في الحارة الوسطى لو ... جِه واحد عايز يتخطاني و اداني نور فبدي اشارة يمين و بنتقل ليها و اسيبه يعدي بس من غير ما يكون فيها خطورة عليا و لو فيها خطورة و الطريق مش سامح بفضل ماشي في نفس طريقي و بديله اشارة شمال ,

و الحكمة اللي بتقول عايز توصل بسرعة يبقى امشي بالراحة دي حكمة صحيحة ,
و يا جماعة مش هتفرق 5 دقائق اللي تخللي الواحد يعرض حياته و حياة الآخرين للخطر .........

[Dr Ahmed]

ياباشا انا بتبع سياسه تانيه لو مش رضي يعديني من الشمال اروح طالع من اليمن وجاى قدامه وقايله مش( حعديك لو باض الديك )

أنا برضه بعمل كده بس مش بقول له حاجة ولما يحاول يتخطانى من اليمين أسبق وبعدين أهدى تانى لحد ما انا اللى أزهق وأسيبه وأطير وبعمل كده أساسا مع الترلات

[Samir Elshahawy]

الاول صباح الخير يا باشهمندس
1- بدل ما تطير بعربيتك اطلع بدري شوية
2- الشركة ممكن تدفع المخالفات لكن لا قدر الله لو حد حصله حاجة من السرعة الشركة هاتفيده بايه
3- المفروض ذوقيا وقانونا نلتزم كلنا بالسرعات القانونية واللى يتجاوزها يبقي هو المخطئ ومبطلبش من الاخرين انهم يوسعوا له علشان هو مخالف
4- الحالة الطارئة اللي بتبرر بيها السرعة ممكن يبقوا حالتين لو لا قدر الله السرعة العالية والاضواء العالية والترعيش خلوا اللى ادامك يرتبك او عميت عينيه للحظة
5- انا عن نفسي مش هعرض نفسي لخطر انى اعمل غرز علشان واحد جاي طاير من ورايا هو اللى يبغلط يبقي هو اللى يعرض نفسه للخطر وياخد الغرزة

وهاستعير كلمتك الاخيرة اللى بيتناقض كل كلامك


ياجماعة و أحنا سايقين لازم نراعي بعض و نفكر في بعض

أولا .. صباحك زي الفل

ثانيا .. شكرا علي مداخلتك اللي أنت طبعا علي حق فيها و لكن ..

1- انا مش بأطير بالعربية و لاحاجة و مش معني كده اني بأقفل العداد ابدا و لكن كل الحكاية اني بأكون ماشي بسرعة الطريق و مش عايز اللي قدامي يعطلني
2- انا قاعد اهو معاك دلوقتي لكن ممكن يتطلب مني اكون في بورسعيد بعد ساعتين من دلوقتي فطبعا بأحاول أكون في الموعد قدر المستطاع
3- كسر الرادارات مش معناه زي ماقولت قبل كده اني بأقفل العداد و لكن ممكن اتجاوز الي سرعة انا من وجهة نظري برضه انها امنة و لكن هاتوفر لي بعض الوقت خاصة في المسافات الطويلة و صدقني عمري ما بأزود عن ال 120 كم/ساعة طالما حالة الطريق و الكثافة عليه لاتسمح بذلك لأني مابأحبش برضه أتبع سياسة الغرز و الكلام ده
4- انا طبيعة شغلي في الاساس تخليني حذر جدا و ملتزم جدا بعوامل الامان و السلامة و حتي المخاطرة بتكون محسوبة يعني مش بأجري و خلاص و بتهور زي البعض لأ انت كده فهمتني غلط
5- ليه اللي ماشي أقل من سرعة الطريق مايمسكش الحارة اليمين أو الوسطي و يسيب الحارة الشمال للتخطي و اللي مستعجل بدل مايصعبها عليه و علي نفسه
لما قولت "ياجماعة و أحنا سايقين لازم نراعي بعض و نفكر في بعض" ماكنتش باناقض نفسي و لاحاجة و لكن حتي و أنا مستعجل دايما براعي الاخرين ووسع لهم و مش بس كده ده لو فيه عربية واقفة نتيجة مشكلة او حادثة ممكن أقف و أساعد كمان طالما مافيش خطورة عليا من تقديم المساعدة دي

و في النهاية تقبل تحياتي
م/ سمير الشهاوي

[م.احمد زكريا]

لا تعليق
لان القيادة فن و أخلاق
انت راجل فنان عطلت نفسك على الاقل دقيقة فى حوار مالوش لازمة
سيبة ماشى فى الشمال واطلع انت منة بغرزة جميلة لذيذة ظريفة
بدل ماتعطل نفسك وتعمل حوار

ردك عجبني جدا جدا وده البعمله باستمرار

لأني مش عايز احرق دمي او اشد اعصابي

تقليبتين وكلاكس خفاف ..... ما وسعش .... أشق طريقي وما اضيعش وقتي واحرق اعصابي

[dolly13]

هو موضوع الحارة الشمال ده الكلام فيه يطول
المفروض ان الشمال للتخطى فقط
لكن نظرا لان معظم شوارعنا حارتين بس او تلاتة فالحارة الشمال عندنا حيوية جدا نظرا لوجود عدد لا متناهى من اليوترن
خليك بارد اوفر لصحتك لانه ليس فى الامكان ابدع مما كان

[ahmed4000]

علشان تريح دماغك اطلع من اليمين ومتضيعش وقتك واعصابك

[ahmedhilmy]

مش ديما بتؤتي ثمارها ده اللي بيخل ياللي ماشي في الشمال احيانا مش بيوسع لعربيات الاسعاف هيقوم موسعلي انا !

[zaza_lanos]

سمير باشا اهلاً بيك على ارض الواقع

[Ahmed Nouh]

لا يا فندم مش الرادار هو اللى يحاسبه
نفترض ان بسبب انه عامل زي حضرتك ما بتقول لازق في عربيتي وعمال يرعش نور علشا ن اوسع له دي ممكن تخللي اللي سايق ادام يتسرع علشان يوسع له بدل ما عمال تضرب النور في عينه ويروح يمين بسرعة ويعمل حادثة

سيادتك فيه حدود قصوي للسرعة المفروض الكل يلتزم بيها
حضرتك عايز تمشي اسرع منها يبقي متبهدلش عين الناس
يا اما تعمل لنفسك طريق تمشي فيه لوحدك

طب بذمتك دي طريقة
نفترض هو معرفش يعديك لانه مش حريف سواقة زيك تقوم تعديه وتلزق فيه من ادام
نفترض واحد تاني من ورا بردو عمال يرعش له بالنور وعلشان ياخد يمين خبط فيك هايبقي الحال ايه؟؟؟؟؟؟؟

نفسي نحترم نفسنا وبعضنا واحنا سايقين الطريق وما دام فيه حد ملتزم بالقانون واحنا عايزين نخالف القانون يبقي منزجعش الملتزم

النهاردة بس اتعرضت للموقف ده مرتين
الاولى سواق سايق عربية ملاكي وواثق انه مجرد سواق عليها مش صاحبها في البطل احمد عبد العزيز قبل الاشارة اللى بتدخل على مستشفي لاجيش وجاي من شمالي وانا ماشي 50 لان الطريق مش سامح غير بكدة والبيه عمال يرعش بالنور ولازق اكصدامه الامامي في اكصدامي الخلفي ما كان مني الا انى سبته لغاية ما قربنا من الاشارة ووقفت ادامه وندهت لامين الشرطة ولسوء حظه طلع العربية فيه عميد شرطة واقف قالي اركن على جنب بدل ما توقف الطريق ركنت على جنب ورجعت كان الافندي جري بالعربية (طبعا هو لو مش غلطان مكانش هيجري) اخدت النمرة ورحت لقيت امين الشرطة اخدها وعمل له مخالفة سرعة ومخالفة استعمال اضواء مبهرة

بعدها باقل من نص ساعة على الدائري رايحين كارفور وماشيين حسب سرعة الطريق قبل كارفور بشوية فيه منطقة فيها عربيات نقل كتير معرفش ليه والكل بيهدي عندها وواحد افندي راكب عربية وعمال من ورا من مسافة بعيدة يقيد الرعاش بس النور بتاعه كانه طلقات ضوء بتضرب في العين وفعلا بتعمي اللى بيبص في المراية وشغال غرز علشان يعدي الناس كلها
طيب الطريق كله بقة اهدا بسبب العربيات النقل انت بتتنيل تشغل طلقات النور ليه
والله اكتر من عربية كانوا هيعملوا حادثة بسببه

من الاخر

لو انت مش خايف على نفسك الاخرين بيخافوا على نفسهم وعلى ولادهم
لو انت فرحان بعربيتك وبتزعج الناس وتقول الرادار يحاسبني ماتستعجلش ممكن عربية نقل تعمل معاك حاجة مشابهة او تخبطك والسواق يقول تبقي الحكومة تحاسبني
كما تدين تدان

مش كنت تيجى المقابلة اسهل نتكلم فى الموضوع ده

انا يا دكتور متكلمتش عن اللى ماشى بياخد 70 غرزه فى الثانيه , ده اساسا الواحد يبعد عنه حقنا للدماء لكن انا بتكلم فى واحد ماشى على الشمال وعايز يعدى منك سواء كان على السرعة القانونيه او تخطاها

مش كل الناس عندهم ظروف , كلام جميل طيب هل انت وقفت كل اللى بيعدى منك سألته ظروفه ايه ولا عاطل فى باطل ويلا يا ولود التيت ومحدش هيعدى !!

اساسا ايه الفكره من ضم الحارة الشمال لممتلكات صاحب المزاج اللى راكب عليها ومش راضى يسيبها ؟

مازلت بؤكد ان مفيش اى قائد سياره زيه زى على الطريق من حقه يحاسبنى على سرعتى طالما انا لم اعرضه للخطر , وده لا ينطبق فى انه يقف فى طريقى وانا بجرى وفى الحاره اللى من حقى انا

يعنى مثلا اشمعنى الناس اللى بتمشى فى الشمال دى بتزعل قوى من مشى النقل فى الشمال , طيب ما النقل بيبقى معظم الطريق ماشى بسرعه هل معنى كدا ان الشمال من حقه ؟!! , هتقولى لا هقولك تمام علشان هو ليه حارة يمشى فيها وكذلك الملاكى اللى ماشى بسرعه الطريق وكذلك الملاكى اللى ماشى 300 وبيعدى من باقى الناس برده من حقه لما يضرب النور الكل يوسعله اذا كان يمينه فاضى لكن اذا انا شايف اللى قصادى يمينه مقفول او فى حد وراه او بأى حال صعب يجى يمين بكل أدب بديله تقليبه واحده بس اقوله انى مستنى وراه يعنى وعلى اقل من مهله لما ياخد يمينه

انما ابقى جاى مفيش فى الطريق غيرى وغيره وهو حالف ما يوسعلى الشمال وفاكر انه كدا بيهدينى انا شخصيا ببقى عدائى اوى معاه ومباخفش عليه وبعدى منه بأسلوب اللى خايف على نفسه يوسع , هو كدا مستفدش غير تعريضى وتعريض نفسه للخطر

اللى بيخاف من السواقه يا دكتور مع احترامى ميركبش عربيات , او بمعنى اصح ميطلعش طرق سريعه وده كلام لا تعدى فيه على حقوقه بالعكس كل دول العالم المحترمه شرط تجديد رخصه القياده فيها لأى حد خاصه كبار السن اختبار قدرتهم على التعامل مع الطرق السريعه

الخلاصه زى ما قولنا الحاره الشمال للتخطى فقط ومن حق الاسرع دايما طالما اللى ماشى فيها دلوقتى الظروف تسمح انه يوسع ده قانون ثابت فى المرور لا جدال فيه وللأسف علشان حال الرخص الزحلايقى اللى ماشى فى بلدنا محدش عارف قواعد المرور و دلوقتى بنتناقش فى قاعده رئيسيه زى دى

وممكن يخبط فيك وتعملوا انتم الاتنين حادثة ويا عالم الخسائر البشرية ممكن تبقي ايه ؟؟

يا اخي افترض انه معرفش يوسع لك تقوم انت تمشي ادامه بسرعة اقل وبالعند كمان
يعني بتخاطر بحياتك وحياة ناس تانية علشان العند
ربنا يهديك وتخاف على نفسك اكتر من كدة

طيب انا نفسى اعرف هى الناس دى مبتوسعش ليه

سبب واحد بس اقتنع بيه ,

الناس دى يمينها فاضى ومبتوسعش ليه !!! , كسل ؟ , زهق ؟ , النور مش واصل عنده المقصوره الرئيسيه ؟ , مش فاضى مثلا !!!

[yyy]

منذ الامس بدأت في أتباع سياسة جديدة مع السيارات البطيئة الملتصقة بالحارة الشمال و خاصة في الليل و بدأت فعلا تؤتي ثمارها معي

بأكون جاي بسرعة و أبدأ أقلب نور علي مرة أو مرتين لو ماوسعش و فتح لي الحارة بأضرب النور العالي علي طول و بعد كده أدي أشارة شمال و أفضل لازق وراه (يعني بأقوله مش هأعدي ألا من الشمال)

فعلا النهاردة جابت نتيجة هايلة معايا علي طريق السويس و في صلاح سالم و اللي قدامي علي طول بقي يدي أشارة يمين و يوسع و ساعات يطلع ايديه من الششباك و يشاور لي النور فبعد ما أعدي أقلب له في الاشارات يمين في يمين في يمين (يعني عايز أقوله : ألزم يمينك ياحبيبي )

مش كل الناس ها تعمل نفس التصرف وتوسعلك كل مرة

اما الصبح بقي بأجرب الكلاكسات علي طول مع تقليب النور بشكل مستمر و أكبس عليه فيضطر يوسع و بسرعة كمان

وها تعمل اية لو الى قدامك ضرب فرامل مرة واحدة؟؟؟؟؟؟؟؟؟؟؟؟؟؟؟؟جرب تعمل كدة مع نص نقل
بجد ناس ماتجيش ألا كده

ما قولتك مش كل الناس زى بعضها

[M.Osman]

انا بقى اكتر حاجة بتغيظني
اني اكون ماسك شمال و شايف واحد جاي بسرعة ورايا ... ادي اشارة يمين و ابدأ ادخل الحارة اليمين... الاقي الأفندي ورايا برضه !!.... (طب ما تصبر ... و الله هوسعلك!)

اعمل اية مع دول بقى ؟؟

[amrseba]

انا بعمل حاجه ظريفه لطيف حضرتك تضرب الزينون فى عينه وتديله كلاكس على طول ولو رخم بقى هعدى منه و وهمشى براااااااااااااحه واخلى الديك يبيض راح يمين هروح يمين راح شمال هروح شمال رخامه برخامه بقى