قصة أشهر نوبيرا في مصر كلها: الفصل قبل الأخير

[ecybrarian]

عارفين ايه هي أشهر نوبيرا في مصر..هي العربية إللي دايما راكنه على الكورنيش جنب شبرد-جاردن سيتي وعليها يافطة بتقول إن العربية دي اوحش عربية في مصر وتوكيلها !!!!! (اكمل انت مكان علامات التعجب) المهم النهار ده وانا رايح الشغل الساعة 7 الصبح (كعادتي) لقيت العربية مكتوب عليها (على البودي بتاعها مش على يافطة) بخط واضح إن العربية دي ليس لها علاقة بتوكيلها أبو الفتوح...الغريب إن الكلام مكتوب بحرفيه عاليه جدا جدا يعني كاتبها خطاط مش واحد معدي جنبها

تفتكروا مين وراهم؟؟؟؟ :-)

هل ممكن يكون أبو الفتوح؟؟؟ وهل أبو الفتوح للدرجة دي بيخانق دبان وشه (مرة نايل موتورز وحتى العربية إللي راكنة في الشارع)؟؟؟ ولماذ لم يتخذ أبو الفتوح الطرق القانونية لوقف مهزلة اليافطة على العربية؟؟؟؟ وهل سيقوم صاحب العربية برفع قضية ضد ابو الفتوح يتهمه بالاعتداء على المال الخاص؟؟؟؟

[cpt_shawky]

فين الصور؟؟؟؟؟

[pinkfloyd]

انا مصور العربية دى من سنه 2005 والصور عندى بس مش عارف ابعتهم ازاى

بس على فكرة يا جماعة توكيل ابو الفتوح وحش جدا وسئ للغاية

[ecybrarian]

فعلا موضوع العربية دي قديم بس الجديد الكتابه إللي على البودي

بعض الصور

حجم أكبر للصورة

http://www5.0zz0.com/2008/02/19/10/390897292.jpg

حجم أكبر

http://www5.0zz0.com/2008/02/19/10/706628741.jpg

اضغط لمشاهدة الصورة الأخيرة

http://www.l22l.com/l22l-up-3/189bf80ff9.jpg

[mada121977]

بس اللى واضح من الصوره ان صاحب العربيه هوا اللى كاتب الكلام على البزدى وليس احد من طرف ابوالفتوح زى مافهمت من الموضوع

[CryptonX]

و ابو الفتوح ماله
انا شاري حاجة بفلوسي و كاتب عليها الي كاتبه ! انا حر !
الا اذا اسأت الي احد طبعا .

[major_memo]

ههههههههههه
حلوة
بس ابو الفتوح عمروا ما يفكر للدرجادي يا باشا
وبعدين صاحب العربية كدة هيبعها لو هيبعها ب 10000 جنية يبقي كدة حلو اوي بالي هوا عاملة فسيها دة
بس بجد دماغة عالية اوي انوا يعمل كدة في عربيتوا

[novocaine]

ممكن تكون مابتمشيش؟

[محمد ابراهيم 1]

أكيد هو مستغنى عشان كده بيتصرف بحريه كامله

[ecybrarian]

إلا مستغني..ده مليونير يا جماعه وساكن في شقة على كورنيش النيل جنب شبرد...بس مليونير إيه ده إللي يشتري نوبيرا...امال الغلابة إللي زي انا يركبوا ايه

انا مستغرب ايه إللي مخلي ابو الفتوح مش رافع عليه قضية تشهير لحد دلوقت؟؟؟؟ يمكن مش عايز الموضوع يتعرف على نطاق إعلامي؟؟ الله أعلم!!!!!

[novocaine]

أبو الفتوح تفكيره مالوش أي علاقة بالذكاء
دا اللي أنا متأكد منه
lol

[magomago]

يا جماعة ...ده عايز يبدلها باسبيرانزا
ودى برده تبع ابو الفتوح
الموضوع فيه إن
تفتكروا مين وراه ؟؟

[mahamedaraby]

لا بس الصراحه ضربه معلم الراجل ده استاذ والله بس ايه اللى عملوه فيه علشان يعمل كده
بس هو شكله مخنوق اوى منهم

[sherif80]

يا جماعة ...ده عايز يبدلها باسبيرانزا
ودى برده تبع ابو الفتوح؟؟

و خصوصا ان مشاكل النوبيرا عموما اقل من الاسبيرانزا
حاجة غريبة جدا

[farahat]

العربية دي بقالها أكتر من ثلاث سنين واقفة على الحالة ده ، و مرة كان كاتب عليها للبيع بأي تمن ، و مرة كتب عليها للبدل بأي حاجة و ساعات بتختفي ماتعرفش بتروح فين و بعدين ترجع و عليها كلام جديد