رسالة إلي الوالى "إرفعوا الجمارك عن أنظمة الأمان في السيارات"

[Islam_galal]

بسم الله الرحمن الرحيم

إلي كل مسئول عنا ،
إلي كل من يلي أمرنا ،

إرفعوا الجمارك عن أنظمة الأمان في سيارتنا ، فلا يعقل أن يكون أمن المواطن المدفوع الثمن رفاهية ليدفع عنها جمارك إضافية
الوسائد الهوائية و أنظمة الفرامل الآمنة هي مثلها مثل حزام الأمان
ظللنا سنوات ندفع الجمارك عن أحزمة الأمان حتي أنار الله بصيرتكم بل و جعلتم وجودها بأمر القانون
ألا ننظر نفس النظرة لباقي وسائل الأمان

نناشدكم فالوكلاء يزيلون هذه الأنظمة الآمنة بسبب جمارككم

إرفعوها من أجل أمن النساء و الأطفال

إرفعوها يرحمكم الله

[tareksedra]

كلامك منطقى و صح جدا وياريت الرساله توصل للوالى و يعمل بيها فعلا سلامه راكب السياره أمر مهم و حيوى جدا ده بالعكس هيقلل من ميزانيه وزاره الصحه على المدى البعيد لان لو كل سياره فى مصر بها كافه وسائل الامان اكيد معدل الاصابات فى الحوادث هيقل بدرجه كبيره و ده فى حد ذاته خفض لنفقات كتير لوزاره الصحه ده غير أمن وسلامه المواطن الذى لا يقدر بثمن( مش عارف يمكن ببالغ شويه فى موضوع المواطن لا يقدر بثمن )

[mahmoud_afifi]

عارف لو كنا بنركب عربيات رخيصه ومفيهاش وسائل الامان دي كنا قلنا ماشي على قد فلوسنا انما ندفع فلوس قد كده في عربيات مفيهاش وسائل امان ؟؟؟
ده بقى الي حراااااااام

[Ahmed Samy]

و الله يا استاذ اسلام كنت بفكر اعمل نفس الموضوع

و عندي دفوع مقنعة منها :

1 - بسبب وجود الجمارك فإن الوكلاء لا يستوردون الكثير من أجهزة الأمان ...فالناتج مفقود
يبقى لو خليناها مرفوعة الجمارك و استوردوها ...مش هانخسر حاجة .

2 - كم حادث نتج عن ما يسمى "اختلال عجلة القيادة" و كم مليونا تدفعهم الدولة في اصلاح ما تضرر من الطرق و العواميد و الأرصفة بسبب حوادث قد يكون منعها ممكنا بإضافة عوامل أمان ايجابي مثل منع الانزلاق أو الثبات الالكتروني .

3 - كم مليونا يدفعه التأمين الصحي أو مستشفيات الطوارىء في علاج المصابين من حوادث أيضا كان من الممكن تقليل اصابتهم أو منعها تماما

4 - كل اللي فات يأتي بعد مصلحة المواطن التي تأتي دوما في المقام الأول .

شكرا أستاذ اسلام

[powerofhelll]

هي ده كمان بندفع فلوسها

[devilishtigers]

ياريت حد يفكر في حاجة زي دي بس .........

4 - كل اللي فات يأتي بعد مصلحة المواطن التي تأتي دوما في المقام الأول .

الجملة دي تقريبا فيها حاجة غلط

[omaroof]

الجمارك اصلا لازم تترفع كلها
هل يعقل انك تبقى متغرب فوق ال10 سنوات وانته نازل وعاوز تقعد فى بلدك يدفعك جمرك على سيارتك
بالزمه موش استغلال

[Islam_galal]

و الله يا استاذ اسلام كنت بفكر اعمل نفس الموضوع

القلوب عند بعضها

و عندي دفوع مقنعة منها :

1 - بسبب وجود الجمارك فإن الوكلاء لا يستوردون الكثير من أجهزة الأمان ...فالناتج مفقود
يبقى لو خليناها مرفوعة الجمارك و استوردوها ...مش هانخسر حاجة .

2 - كم حادث نتج عن ما يسمى "اختلال عجلة القيادة" و كم مليونا تدفعهم الدولة في اصلاح ما تضرر من الطرق و العواميد و الأرصفة بسبب حوادث قد يكون منعها ممكنا بإضافة عوامل أمان ايجابي مثل منع الانزلاق أو الثبات الالكتروني .

3 - كم مليونا يدفعه التأمين الصحي أو مستشفيات الطوارىء في علاج المصابين من حوادث أيضا كان من الممكن تقليل اصابتهم أو منعها تماما

4 - كل اللي فات يأتي بعد مصلحة المواطن التي تأتي دوما في المقام الأول .

شكرا أستاذ اسلام

دفوع ممتازة ، جزاك الله خيرا و عندي إقتراح لإدارة المنتدي
لو أمكن تبني الفكرة و جمع توقيعات و أفكار -كالموجود في الإقتباس-و إعادة صياغة الموضوع بشكل أدبي من أقلام المنتدي المحترفه و أفضل وضعه في بانر المنتدي كإعلان لنشر مفهوم الأمان في السيارات موجه للدوله و ممكن أخونا أبو روقي (معلش يا خالد) يعمل كام إعلان جرافيك و أنيماشن و نحاول ننشرهم و نعرضهم في بانر المنتدي بالتبادل

يعني حملة إعلامية كاملة ذات مغزي و هدف محترم يمكن حد من القيادات يتعاطف مع الشعب

شكرا لكل من شارك و كل من صوت ، جزاكم الله كل الخير

[تامر.محمد]

هي الجمارك اصلا كفكرة كانت معمولة لحماية الصناعة الوطنية , او ممكن نقول ده هدفها الطبيعي

طبعا حاليا مافيش صناعة وطنية اصلا
لكن الجمارك لسه موجودة لأن فيه جباية وطنية

[ahmedbasto]

دكتور احمد جاب من الأخر

[aly_moh]

كلامك منطقى و صح جدا

[marsguy]

بصراحه فعلاً الجمارك على وسائل الأمان دية شئ مش منطقي إطلاقاً

أنا كنت عامل موضوع مشابه من فتره

http://www.nilemotors.net/Nile/64592-abs-ebd.html

وبعت أكثر من إيميل لشخصيات مهمه في البلد ولكن لا حياة لمن تنادي

يا ريت نحاول تاني يا جماعه

حد عنده أفكار نوصل بيها صوتنا؟

[khalid_adel]

انا معاكم بصوتي في اي حاجه تعملوها
بس يارب صوتنا وعملنا يبقى فعال لانه موضوع مهم اوي اوي

[aly_moh]

بصراحه فعلاً الجمارك على وسائل الأمان دية شئ مش منطقي إطلاقاً

أنا كنت عامل موضوع مشابه من فتره

http://www.nilemotors.net/nile/64592-abs-ebd.html

وبعت أكثر من إيميل لشخصيات مهمه في البلد ولكن لا حياة لمن تنادي

يا ريت نحاول تاني يا جماعه

حد عنده أفكار نوصل بيها صوتنا؟

ممكن ياباشا نبعت للدكتور نظيف علي الميل بتاعة او مجلس الوزراء و مجلس الشعب و كمان ممكن نبعت للدكتور يوسف بطرس غالى و ممكن نعمل جروب علي الفيس بوك و نكون اعضاء كتير و نتكلم باسمهم

[Islam_galal]

المنتدي ليه صوت
لازم يبقي فيه اسم موحد علشان الصوت يتسمع
الحملات الفردية و الخطابات الالكترونية لا تلفت نظر أحد

لو حملة يتبناها نايل موتورز خلال 2010 مثلا
و يتم عمل لوجو للحملة مصحوب بلوجو نايل موتورز
بها حملة إعلانية من أفلام قصيرة و لوحات إعلانية تحتل إحداها واجهة المنتدي و تتغير باستمرار
و يتم إرسال باسم المنتدي و بعدد الموقعين علي الحملة من الأعضاء للمسئولين
و لو استطاع أعضاء المنتدي و إدارته ايصال صوت المنتدي لوسائل الاعلام و برامج التوك شو

أعتقد نايل موتورز حيبقي ليه دور في التغيير و إصلاح الخطأ