ارتفاع أسعار المستعمل بسبب ضريبة غالي

[mohd2]

علي حد فهمي ان الضريبة دي علي تجار المستعمل بس وبنسبة من الربح
يعني اللي بيبيع عربيته عادي ملوش دعوة
انما المعرض ليه ورق والتراخيص بتاعته هو ده اللي بيدفع الضريبة دي
يا ريت لو كلامي غلط حد يفهمني

[pro_samir]

مش عارف هو في حد قرأ الخبر كويس ولا أنا اللي نظري عل قدي ؟ التعليقات هنا وفي موقع كونتاكت تدل على أننا بنمشي ورا أي حاجة تتقال وخلاص ودي أول جملة في الموضوع وركز معايا يا مؤمن يمكن انا كلامي غلط :

يشهد سوق السيارات المستعملة في مصر رواجا شديدا بعد قرار وزير المالية الدكتور يوسف بطرس غالي بفرض ضريبة جديدة على مبيعات السيارات المستعملة الأمر الذي قلل حركة البيع والشراء.

ثم أن لما ضريبة تتفرض على حاجة يحصلها رواج ؟ ولا يحصلها أنخفاض ؟

معلش بردوا كلنا نتناقش يمكن نوصل لحل في البلد اللي الواحد مبقاش عارف راسه من رجله فيها ... لا هو في حاجة واحدة بس معروفة أن الأسعار تزيد على طول ليه وعشان اية وازاى دة اللي مش معروف اما انها تنخفض فدة بقى كابوس شنيع مريع ربنا يبعده عننا .

مش كدة برضو ؟

انا شكيت في نفسي قلت اكيد انا اللي مش فاهم لأني لسة في الشغل ومش شايف قدامي

[yyy]

أوضح أن أسعار السيارات المستعملة ارتفعت بنسبة 40% خاصة السيارات الأكثر شعبية مثل "فيات، هيونداي، دايو".

40%

الراجل ال كاتب المقال ده شكلو كان مهييس

[AMA]

الناس بتبيع عربية بموديل معين مش بتبيع أثار يعنى العربيه كل مابتقدم سعرها بيقع و دا الطبيعى
و كمان أنا سمعت من تاجر عربيات بنفسه قالى البنزين لما يغلى + الشتا لما ييجى أى عربيه هتقل فى حدود 3 أو 5 ألاف جنيه
يعنى من النهايه ولا غالى ولا رخيص هيخلى السوق بمزاجة

الناس مش لاقيه تاكل و هوا عايز يغلى الدنيا بمزاجه عشان الناس تقول أة ماهو كل حاجة غاليه
الله يخربيته و يخربيت ضرايبة المنيله إلى بتمص دم الشعب

[eng_ahmedryad]

هو مش العربيات دي في الأصل عليها ضريبة مابيعات ضمن الأفراج الجمركي وتحمله المشتري الأصلي فعلا

ويتم تحمل الضريبة تباعا عند البيع ولكن ضمنياً وبنسبة

من أحد علامات فشل الإقتصاد القومي كثرة الضرائب ( مش عاوز أقول فشل حاجه تانيه )

[m_mekkawy]

الغالي علينا غالي

حلوين من يومنا والله والله وضريبنا مهيساااااااااااااااااا

[ibrahimsaad]

الله يخرب بيت غالى وسنينه
الراجل ده مش عايز يجيبها البر
هنلاحقها منين ولا منين
دا حتى الزياده اللى قال عليها الريس لم تطبق علينا لا والاكثر من كده انه رفع الضريبه على المرتب من 7 % الى 10% المفترى اللى ربنا يهده ده
حسبنا الله ونعم الوكيل

[momokinzy]

انا برضه يا جماعة عملت موضوع اسأل على الحكاية دى و الرجالة قالولى ان الضريبة دى على المعارض فقط و مش ساريىة من فرد لفرد

http://www.nilemotors.net/Nile/163738-a.html

[kingnoro]

المقال دة مش راكب على بعضة

[i_Am_Legend]

على فكرة الاسعار عالية فى سوق الجمعة النهاردة وبالذات السيارات الصغيرة. واحد صحبى بقالة فترة بيدور على عربية 1050 نضيفة زى اللى معايا.بيقولى الاسعار 15 و16 و13 وعايزين مصاريف بردة والمازدا323 ب22 و18 وحاجات تانية قالى عليها بس انا صوابعى وجعتنى من الكتابة..