المرأة تفضل مرآة السيارة لضبط الماكياج

[icehearted girl]

ملحوظة: ممكن تفتكروا البنات مثبتة المراية علي وشها.. بس علشان هي قصيرة شوية.. مش شرط عشان اللي فبالكم دا

[icehearted girl]

بعيداً عن الدين...
مش من الإتيكيت وضع الماكياج في وسائل المواصلات ولا أماكن العمل

ارحمنا يا رب

+1111111111111

بصراحة حركة الموبايل اللي في الايشارب دي بقت مستفزة جدا حتي خارج العربيات , قال خلاص يعني سيدات اعمال و الموبايل مابيبطلش

انا اعرف الموبايل غلط اثناء القيادة ودا يتساوي فيه الجنسين ايا كان الاسلوب

مش الراجل يتكلم بسماعة بلوتوث يبقي تمام والبنت لما تحط الموبايل تحت الطرحة يبقي غلط

[Samir Elshahawy]

+1111111111111



انا اعرف الموبايل غلط اثناء القيادة ودا يتساوي فيه الجنسين ايا كان الاسلوب

مش الراجل يتكلم بسماعة بلوتوث يبقي تمام والبنت لما تحط الموبايل تحت الطرحة يبقي غلط

معاكي حق في دي
فعلا ... الموضوع أصبح زايد اوي و كأنه موضة

- الراجل أو الست عايز يركن قدام السوبرماركت علشان الناس كلها تشوف أنه عنده عربية أخر موديل (سيراتو - كورولا - ألنترا - .....)
- و حاطط سماعة الموبايل البلوتوث و ماسك البلاك بيري و لو واحدة تبقي حاطة الموبايل في الايشارب لدرجة أني حاسس ان الحجاب بقي موضة لزوم الموبايل و الهاند فري

بجد بقت حاجة مستفزة و مالهاش لازمة ده انا مابأصدق يوم الاجازة علشان أقفل الموبايل و أرميه في البيت

مع خالص تحياتي
م/ سمير الشهاوي

[icehearted girl]

طب العربية ماشي.. انما اللي بيتمنظر بموبايل دا خلاص بطل اوي


البواب معاه موبايل احسن من موبايلز السكان كلهم فمبقتش مجال للتباهي فعلا

انا عمري مبستخدم الموبايل غير لما اعوز اوصل لحد للضرورة القصوي فقط

غير كدا يا اما سايلنت يا اما فلبيت مرمي يا اما مبردش ونا فلبيت اصلا

[Abo_Lina]

أه ممكن ده يفسر العك اللي بشوفه على الوشوش كل يوم تحت مسمى ميك أب

[MoToRiZeR]

انا بعمل حاجات كتير و انا سايق اليومين دول .. تغيير الهدوم و حلاقة الدقن محسسونيش بأي إنبهار!

[esraatefa]

ملحوظة: ممكن تفتكروا البنات مثبتة المراية علي وشها.. بس علشان هي قصيرة شوية.. مش شرط عشان اللي فبالكم دا

يعنى ايه يا ايس؟؟مش فاهمه ازاى علشان قصيرة شويه...؟

[icehearted girl]

يعني لو بنت قصيرة بتكون منزلة المراية لتحت شوية فالناس بتفتكرها مثبتاها علي وشها

[mahmoudysf]

طب العربية ماشي.. انما اللي بيتمنظر بموبايل دا خلاص بطل اوي


البواب معاه موبايل احسن من موبايلز السكان كلهم فمبقتش مجال للتباهي فعلا

انا عمري مبستخدم الموبايل غير لما اعوز اوصل لحد للضرورة القصوي فقط

غير كدا يا اما سايلنت يا اما فلبيت مرمي يا اما مبردش ونا فلبيت اصلا

+1
انا في البيت دايما سايب الموبايل بعيد عني
حتى لو نزلت للصلاة واي سبب جمب البيت بنسى ان معايا موبايل

[esraatefa]

يعني لو بنت قصيرة بتكون منزلة المراية لتحت شوية فالناس بتفتكرها مثبتاها علي وشها

معلش اسفة يا ايس ...انا كنت فاكرة قصدك على المرايه اللى فى الشماسه مش اللى على الازاز

[محمد محمد]

انا بشوف بعض النساء بتبقي شايلة العيل وهي سايقة ...ناقص ترضعه وتغيرله الكافولة.

[د.محمود صلاح]

لا تفعلي هذا



ولا تفعلوا هذا

[M.almaghraby]

طيب بذمتك انت بتشوف الستات فى مصر بقت بتحط مكياج من اصله
ده 90%من الستات بتنط جوة العباية وتلبس الطرحة ولو الحاجات دى مكوية يبقى الست دى استايل
الله يرحم ايام ماكنت الست بتهتم بشكلها

اه و مكياج اوفر كمان

[Samir Elshahawy]

طيب أخر حاجة أفتكرتها أمبارح ..

كنت مرة رايح الشغل الصبح و واقف في الوصلة اللي تحت كوبري الكيلو 4,5 و جنبي عربيتين سايقينهم ستات
اللي قدام منهمكة في الماكياج بتاعها في المراية و مش شايفة العربيات اللي وراها و لا اللي قدامها

واللي وراها محجبة و كانت بتعدل الايشارب و فجأة العربية اتحركت و طاخ دخلت في اللي قدامها

طبعا ماكانش فيه خسائر تقريبا جامدة لكن أتفرجوا بقي علي الستات الاستايل اللي راكبين عربيات و بيظبطوا مكياجهم عملوا أيه بعد كده

وصلة من الردح و الشتايم لدرجة أن الطريق كله وقف يتفرج و كان فيه ظابط و أمناء شرطة بيمشوا المرور وقفوا مبلمين و فاتحين بقهم و مش عارفين يتصرفوا ازاي

بصراحة منظر كان كوميدي جدا

[medo_2060]

المواضيع دى الى بتنتقد ستات ظريفه اوى علطول تلاقى الرجاله واخدين جانب وبينتقدوا الستات والستات بسرعه يعملوا ساتر ترابى ويستعدوا للحرب ويقولوا الكلمتين طب ما انتوا كمان يتعملوا كدا اشمعزى الستات