حتي لا أكون سلبيا !

[AhmedBahgat]

بص ياباشا اولا حضرتك غلطان
1- اشتريت و انت عارف ان السعر غالى
2- بعد ما اشتريت مخدتش فاتورة
3- لو قالك معنديش فاتورة كنت طلبت الشرطة علي الموبيل وانت واقف هتجيلك عربية النجدة و تعملة محضر و انت واقف

يامااا اااا كنت حضرتك خذت بعضك ومشيت من غير ما تشترى منة لو انت متاكد من السعر

يا فندم أنا ماشتريتش :)

أنا بس بأحاول أفيد الأعضاء و الشركة الموزعة و أعرض ما حدث بأمانة

[ahmed88hassan]

اولا: أشكرك على ايجابيتك ولو كل واحد عمل زيك كده حالنا هيتحسن كتير.

شكرا

لو كلنا بقينا بمثل هذه الإيجابية لانصلح حالنا كثيراً

بارك الله فيك يا أستاذ أحمد

ربنا يخليك

[aly_moh]

يا فندم أنا ماشتريتش :)

أنا بس بأحاول أفيد الأعضاء و الشركة الموزعة و أعرض ما حدث بأمانة

اولا اانا بشكر حضراتك عشن مااشترتش من الناس المستغلة دى
ثانيا انا كمان نفسى ماتسبوش و تمشى بالسهل كدااا كنت لازم تغلس علية يعنى بكام ؟ ولية ؟ داانا شرية من اسبوعين بكذا ..
و كمان تقولية انا عايز فاتورة وياريت لو قلت معنديش فاتورة بيبقى يوم سعدة وياسلام لو مسجل ضريبة مبيعات
حاجة زى الفل ممكن تعملة مش محضر لا قضية و انت واقف مكانك

شكرا لتفهمك

[Mohamed_Tazy]

تم رفع الامر للساده المسئولين عن هذا التاجر وسوف يتم متابعة الامر باذن الله
احب اوضح ان التاجر بياخد بتخفيض للكميه ولكن من غير المعقول زيادة 60 جنيه على سعر المستهلك الى هو اصلا فيه مكسب للتاجر واليافطه الموجوده على المحل هى على سبيل الدعايه للشركه ليس الا زى يفط بيبسى وجميع المنتجات الى على المحلات
(محمد التازى )