الشارع مش ملك حد يا نااااااااس يا هوووووو

[abo_lamar]

بجد انا كل ما باشوف المنظر ده بيركبني 100 عفريت .... اجي اركن عربيتي ادوخ والف 100 مرة حوالين البيت عشان الاقي خرم ابره اركن فيه ومش بلاقي خالص .... ليه عشان البشوات اللي فاكرين الشوارع دي ملكهم وفاكرين ان حقهم الشرعي انهم يركنوا عربياتهم قدام بيتهم محتلين الشوارع بشويه طوب وبردورات وعواميد حديد عشان محدش يتجرأ ويفكر انه يركن مكانهم .
بالزمة دي اخلاق ... دي امور بلطجة وشغل عيال وياسلام بقى لو سيادتك اتجرأت وشيلت الطوب ده وركنت مكان الباشا ... القيامة ممكن تقوم في الحركة دي .. ممكن تلاقي السنج والمطاوي اتفتحت عليك .. والله العظيم انا شوفت المنظر ده قدامي .

[aldl]http://www.9m.com/upfiles/qAz51650.jpg[/aldl]

[aldl]http://www.9m.com/upfiles/KC151650.jpg[/aldl]

[Khaled_Nowaihy]

غابة والبقاء للبلطجة

[Mostafa.Mahran]

قمة التخلف و الجهل و عدم احترام الغير

و طالما الموضوع بيوصل للسنج و المطاوى والعراك يبقى متبهدلش نفسك مع الاشكال دى وتنزل نفسك لمستواهم

[solycar]

كلمة واحدة بس


احداااااااااااث

[Dr.Karim Emam]

قلة أدب و عقدة نقص

[M.Osman]

عادي جداً
لا جديد

[mahmoudysf]

للاسف اخلاق الناس بقت في الحضيض
منهم لله اللي كانو السبب

[smax]

يا بيه دة محل اكل عيش! حتي دية بطلوها علشان فيها شوية بسيطة استعطاف, دلوقتي مينفعش اصل في عربيات هتيجي تحمل! طب السئوال هما لية بيقعدوا يأكلوا العيش في الشارع مكان العربية و لية دايما العربية بتيجي تحمل اول ما تيجي تركن؟؟

[islambana]

يا بيه دة محل اكل عيش! حتي دية بطلوها علشان فيها شوية بسيطة استعطاف, دلوقتي مينفعش اصل في عربيات هتيجي تحمل! طب السئوال هما لية بيقعدوا يأكلوا العيش في الشارع مكان العربية و لية دايما العربية بتيجي تحمل اول ما تيجي تركن؟؟

دايما لما حد يقولي كده اقوله خد تليفوني واول ما العربيه تيجي تحمل رن عليا

[pro_samir]

يا بيه دة محل اكل عيش! حتي دية بطلوها علشان فيها شوية بسيطة استعطاف, دلوقتي مينفعش اصل في عربيات هتيجي تحمل! طب السئوال هما لية بيقعدوا يأكلوا العيش في الشارع مكان العربية و لية دايما العربية بتيجي تحمل اول ما تيجي تركن؟؟

العمارة اللي جنبنا كان فيها محل اجهزة منزلية وتلاجات وبوتجازات وعمرهم ما اتكلمو في موضوع الركنة قدامهم

الظريف بقي ان المحل دة قفل وفتح دلوقتي لانجري و لما تركن قدامة يقولك العربية بتجيب بضاعة هههههههههههههههههه

ببقي مش عارف اقولة اية الصراحة الرد هيبقي محرج لأن البضاعة كلها تتلف في كيس بلاستيك ،،، والمصيبة انة أصلا مش شغال وكان قاعد يتسلي علي الناس اللي بتركن مع ان الرصيف قدامة ييجي 3 متر بس دلوقتي زهق الحمد لله ومبقاش ينطق

[ahmed88hassan]

قلة أدب و عقدة نقص

++++++++++1
انا عندي صاحب البيت ليه وجه نظر مشابهة
ان الركنة اللي ادام البيت دي بتاعته ومفيش اي واحد في الدنيا ليه الحق انه يركن فيها حتي لو كان ابوه ...
مع العلم انه اساسا >>>>>>>> معندوش عربية
هيه مرة واحدة في حياته جاب عربية واتزنق وباعها وبعد كده مجبش تاني

[M!SHO]

طب ما تعمل زيهم
واللى مش عاجبه يخبط دماغه فى الحيطه

[smax]

العمارة اللي جنبنا كان فيها محل اجهزة منزلية وتلاجات وبوتجازات وعمرهم ما اتكلمو في موضوع الركنة قدامهم

الظريف بقي ان المحل دة قفل وفتح دلوقتي لانجري و لما تركن قدامة يقولك العربية بتجيب بضاعة هههههههههههههههههه

ببقي مش عارف اقولة اية الصراحة الرد هيبقي محرج لأن البضاعة كلها تتلف في كيس بلاستيك ،،، والمصيبة انة أصلا مش شغال وكان قاعد يتسلي علي الناس اللي بتركن مع ان الرصيف قدامة ييجي 3 متر بس دلوقتي زهق الحمد لله ومبقاش ينطق

طبيعي جدا. الموضوع دة حسب البيه الي بيأكل عيش, و كمان تحس انة زي الوباء يعني غالبا تلاقي شارع كل المحلات بتاعتة عملين كدة بيعدوا بعض, هو دة محاولة لاثبات انهم اقوية او ان الشغل مقطع بعضة و لا مجرد غتاتة و خلاص؟

[hossaam]

اولا..مبدا اصحاب البيت اولى بالمكان ده مبدأ غير واقعي
العمارة الواحدة بيكون فيها مش اقل من 30 شقة اما يكون نصهم عنده عربيات
يبقى ايهم اولى بال 5 او 10 متر اللي قدام العمارة
ده غير طبعا ان اصحاب البيت مالهومش اي ملكية فيه لانه ببساطة جزء من الطريق العام

ثانيا...العيب مش على الناس دي..العيب على البلد اللي ما فيهاش قانون يحمي ويمنع الكلام الفارغ ده
ولا فيه قانون ينظم المباني بحيث العمارة ما تطلعش الا بجراش تحت الارض

اما بقى بالنسبة لبعض اصحاب المحلات اللي شايف انه المحل والرصيف اللي قدامه وكمان الحته من الشارع اللي قدام الرصيف دول حق مكتسب ليه
فده بقه موضوع تااااني

[hamdy]

واللهي الواحد بقا قرفان و العيب مش علي الناس العيب علي الحكومة المسئولة عننا انها تمنع شغل قلة الادب و البلطحة دي
كنا بنقول الحكومة هي اللي عملت في الناس كدا
يا جماعة العيب من الناس لو الناس و متحضرة صدقوني الاصلاح من تحت مش من فوق
الناس مبقاش عندها لا عادات ولا تقاليد ولا دين ولا اقسم بالله حد بقا يراعي جيرة ولا عشرة
واللهي يا جماعة انا في بيت ملك بيت ابويا في عين شمس والبيت كله تلات ادوار بس منعم شقة مفهاش حد ومفيش حد عنده عربية غيري واللهي ياجماعة مبلقيش مكان اركن كل واحد حاطط حديدية وبرميل قدام بيته لغاية ما زهقوني اضطريت اشترك في جراج ب 150 جنيه
وبمشيلو محططتين من جوزا الشوارع