احترس من النصابين في السوق

[banboty]

اولا مكنتش واثق فيهم من كتر الكدب اللي شفتوا
ثانيا : مش ممكن اثق في موظف الشهر العقاري لأنه ببساطه ممكن ميكتشفش التزوير لو موجود في التوكيل
ثالثا: ممكن تكون رخصه العربيه هي اللي مضروبه و اتبني عليها باقي الورق
اما النصابايه فهي ان العربيه عامله حادثه و بيبعهالي علي انها فابريكه

* بفرض ان التوكيل زي ما بتقول مضروب ( و طبعا سهل اوي انه ينكشف ) , برضوا مش مسئوليتك
انت توصيفك قانونيا ( حسن النية ) ... بالاضافة انك من مجمل الاحداث عرفت اصل و قرار العربية .


* اما الرخصة فأعتقد انك سهل توصل للمرور بتاعها و تكشف اذا كان متبلغ عليها و لا لأ .و خاصة و انت كثير العلاقات و المعارف..

اما النصباية فانت بتقول ان بتاع البنزينة كشف عليها و قالك انها تمام ما عدا رش بره و لااعتقد انها تفرق في سلامة العربية ما عدا السعر فقط ..و سعر 84 الف اللى انت اشتريت بيه سعر عادل للحالة دي !!!

و على فكرة في واد اسطى في البنزينة اسمه عربي , الواد ده فنان و انا اقصد اللى في بنزينة التعاون اللى اول عباس العقاد ... اذا كان هوا اللى كشف فانا باعتبر ان الكشف بتاعه احسن من التوكيل شخصيا ..

اما حنفية الكدب , فهى دي بصراحة الحاجة اللى تفرس و تقرف و يرجع الامر ليك شخصيا اذا كانت سبب كافي لهدم البيعة او استكمالها .

[mohamedhfz]

* بفرض ان التوكيل زي ما بتقول مضروب ( و طبعا سهل اوي انه ينكشف ) , برضوا مش مسئوليتك
انت توصيفك قانونيا ( حسن النية ) ... بالاضافة انك من مجمل الاحداث عرفت اصل و قرار العربية .


* اما الرخصة فأعتقد انك سهل توصل للمرور بتاعها و تكشف اذا كان متبلغ عليها و لا لأ .و خاصة و انت كثير العلاقات و المعارف..

اما النصباية فانت بتقول ان بتاع البنزينة كشف عليها و قالك انها تمام ما عدا رش بره و لااعتقد انها تفرق في سلامة العربية ما عدا السعر فقط ..و سعر 84 الف اللى انت اشتريت بيه سعر عادل للحالة دي !!!

و على فكرة في واد اسطى في البنزينة اسمه عربي , الواد ده فنان و انا اقصد اللى في بنزينة التعاون اللى اول عباس العقاد ... اذا كان هوا اللى كشف فانا باعتبر ان الكشف بتاعه احسن من التوكيل شخصيا ..

اما حنفية الكدب , فهى دي بصراحة الحاجة اللى تفرس و تقرف و يرجع الامر ليك شخصيا اذا كانت سبب كافي لهدم البيعة او استكمالها .

انا متهيألي ان التوصيف القانوني (حسن النيه) مش هينفعني لو العربيه مسروقه لأن في الأخر العربيه هتتصادر او ترجع لصاحبها و ساعتها هكون انا اللي خسرت فلوسي
و بعدين هما كانوا رافضين تماما اننا نروح المرور او اكشف علي التوكيل التاني
و انا كشفت في بنزينه كالتكس مش التعاون
و بعدين محدش بيكدب كميه الكدب ده كله و هو بيبيع سلعه سليمه . اكيد الموضوع في مشكله كبيره و بيداري عليها بالكدب ده

و بعدين انا بالنسبالي لما تبعلي عربيه خرج حوادث و تكدب عليا و تبعهالي علي انها كسر زيرو يبقي ده نصب و ملوش اي مسمي تاني غير كده و اذا كنت حضرتك شايف انها شطاره بياعين فده شئ تاني يرجع لحضرتك

[banboty]

و اذا كنت حضرتك شايف انها شطاره بياعين فده شئ تاني يرجع لحضرتك

ملوش معنى التخمين والكلام الفاضى ده و انا رديت عليك هنا ... وبقول ان الموضوع يرجع ليك

اما حنفية الكدب , فهى دي بصراحة الحاجة اللى تفرس و تقرف و يرجع الامر ليك شخصيا اذا كانت سبب كافي لهدم البيعة او استكمالها .

[mohamedhfz]

ملوش معنى التخمين والكلام الفاضى ده و انا رديت عليك هنا ... وبقول ان الموضوع يرجع ليك

انا مش قصدي حاجه
انا بقصد انه ممكن تكون وجهه نظرك شايفه الموضوع بطريقه غير و جهه نظري
و مقصدش بيها حاجه في حقك

[banboty]

حصل خير ,
و إن شاء الله ربنا يوفقك في حاجة كويسة

[dramir1]

هو ايه الفرق بين الكذب او النصب ...كله محصل بعضه...
بالنسبه لي لو حصل معايا الموقف ده يبقى لايمكن كنت كملت البيعه حتى لو رضي ينزل في سعرها كمان وكمان
وانا ماكرهش في الدنيا اد الكذابين

[mohamedhfz]

الكدب زيه زي النصب مفيش فرق

[dramir1]

الكدب زيه زي النصب مفيش فرق

صحححححح 100%

[jisso82]

انا دماغى لفت من الحوارات والأفلام اللى عملوها ولاد ال ............. دول
الحمد لله انه سخر لك أولاد الحلال اللى يساعدوك واحييك على يقظتك
بس اوعى تروح سوق العاشر ده تانى ... طالما كان ممكن تدفع 85000 ... رايح تجيب مستعمل ليه ؟ ده 4/3 تجار الزيرو نصابين دلوقت .. فما بالك بتوع المستعمل ؟
الحمد لله

+10000000000000000000

هو ده الكلام

[ahmed88hassan]

ياسلاااااااااام اللى له ظهر فى بلدنا دى مينضربش على بطنه آآآآآآآآآآآآباااااااااااااداااااااا

ايه ده ... الأستاذ (صلاح السعدني) معانا في المنتدي !

[خالد]

[
اوعى تروح سوق العاشر ده تانى ... طالما كان ممكن تدفع 85000 ... رايح تجيب مستعمل ليه ؟ ده 4/3 تجار الزيرو نصابين دلوقت .. فما بالك بتوع المستعمل ؟
الحمد لله [/quote]

كلام أصلى مية فى المية
وحمداً لله على السلامة

[mohamedhfz]

[
اوعى تروح سوق العاشر ده تانى ... طالما كان ممكن تدفع 85000 ... رايح تجيب مستعمل ليه ؟ ده 4/3 تجار الزيرو نصابين دلوقت .. فما بالك بتوع المستعمل ؟
الحمد لله

كلام أصلى مية فى المية
وحمداً لله على السلامة[/quote]

الله يسلمك
طب قوللي ال 85000 دول يجيبوا ايه زيرو نضيف؟

[خالد]

كلام أصلى مية فى المية
وحمداً لله على السلامة

الله يسلمك
طب قوللي ال 85000 دول يجيبوا ايه زيرو نضيف؟[/quote]

يوووووه كتييييييييييييييير قوى
بص ياباشا


نيسان صنى فول أوبشن 86500 ج

رينو سكالا فول أوبشن 89000 ج
رينو سيمبول فول أوبشن 88000 ج
رينو لوجان فول أوبشن 68000 ج

شيفروليه أوبترا 86000 ج
شيفروليه أفيو فول أوبشن 81000 ج
شيفروليه لانوس فول أوبشن 67000 ج

كيا ريو فول اوبشن 87000 ج

هيونداى أكسنت فول أوبشن 81900 ج
i 20 فول أوبشن 86900 ج
ماتريكس فول أوبشن 89000 ج
فيرنا فول أوبشن 68000 ج
فيرنا ستار فول أوبشن 70000 ج

شوف بقى اللى تريحك نفسياً أخترها الأول ، وضيق الإختيارات بتاعتك وأحصرهم فى 3 عربيات بس وبعدين أعمل دراسة حواليهم كويس من آراء الأخوة الأفاضل فى المنتدى ، وبعدين تركز على واحدة بس وتتوكل على الله وتشوف هاتشترى من الوكيل ولا من المعرض ، وتشوف المعارض ذات السمعة الجيدة فقط ( كتيييييييييير من أصحاب المعارض الزيرو نصابين زى تجار المستعمل بالظبط ) ، وبعدين تتوكل على الله وتشترى
نصيحتى أنك تدفع وتستلم فوراً ، متستناش ولا ربع يوم ، تدفع .... تستلم ، لسه فى تأخير ، يبقى لما تجيبوا العربية أتصلوا بيا ، والمعارض المحترمة برضه كتير وعندهم كل الموديلات والألوان

رنا يصلحلك الحال ويوفقك

[mohamedhfz]

الله يسلمك
طب قوللي ال 85000 دول يجيبوا ايه زيرو نضيف؟

يوووووه كتييييييييييييييير قوى
بص ياباشا


نيسان صنى فول أوبشن 86500 ج

رينو سكالا فول أوبشن 89000 ج
رينو سيمبول فول أوبشن 88000 ج
رينو لوجان فول أوبشن 68000 ج

شيفروليه أوبترا 86000 ج
شيفروليه أفيو فول أوبشن 81000 ج
شيفروليه لانوس فول أوبشن 67000 ج

كيا ريو فول اوبشن 87000 ج

هيونداى أكسنت فول أوبشن 81900 ج
i 20 فول أوبشن 86900 ج
ماتريكس فول أوبشن 89000 ج
فيرنا فول أوبشن 68000 ج
فيرنا ستار فول أوبشن 70000 ج

شوف بقى اللى تريحك نفسياً أخترها الأول ، وضيق الإختيارات بتاعتك وأحصرهم فى 3 عربيات بس وبعدين أعمل دراسة حواليهم كويس من آراء الأخوة الأفاضل فى المنتدى ، وبعدين تركز على واحدة بس وتتوكل على الله وتشوف هاتشترى من الوكيل ولا من المعرض ، وتشوف المعارض ذات السمعة الجيدة فقط ( كتيييييييييير من أصحاب المعارض الزيرو نصابين زى تجار المستعمل بالظبط ) ، وبعدين تتوكل على الله وتشترى
نصيحتى أنك تدفع وتستلم فوراً ، متستناش ولا ربع يوم ، تدفع .... تستلم ، لسه فى تأخير ، يبقى لما تجيبوا العربية أتصلوا بيا ، والمعارض المحترمة برضه كتير وعندهم كل الموديلات والألوان

رنا يصلحلك الحال ويوفقك[/QUOTE]

متشكر جدا علي نصيحتك و علي مجهودك

[mohamedhfz]

علي فكره
واحد صاحبي كلمني من مصر و نفس الموضوع ده حصل معاه من اسبوع
بس معرفش يرجع العربون
خلوا بالكم يا جماعه .. تقريبا الموضوع ده بدأ ينتشر في مصر