حد يعرف مكان لتحليل البنزين

[khalid_adel]

معلش ياجماعه انا دايخ والله في موضوع تحليل البنزين ده ولما رحت معهد بحوث البترول(جنب انبي) قالولي احنا مش بنتعامل مع افراد شركات فقط
وقالي كمان ده التحليل بيكلف كذا الف جنيه
فلو حد عنده اي معرفه بمكان يعمل تحليل لعينه بنزين ويعمل تقرير من خلوها من الجاز او المياه ياريت يقولي في اسرع وقت وياريت تفاصيل كامله لو سمحتو
وجزاكم الله كل خير

[MTAK]

اخ خالد
اظن تحليل البنزين كلمة عامة اوى
بمعنى ان اى مكان ممكن يعمل التحليل
لازم يعرف نوع الاختبار المطلوب و كل مصر تقريبا شغاله بـ Astm
فتذكر له اريد كذا بطريقه رقم كذا من Astm

لان كل طريقه و لها دقتها و اجهزتها و بالتالى مصاريفها
ثانيا خلو البنزين من الماء ده على قد خبرتى المتواضعة ده مش كلام صح

اى مكان سوف يحدد لك فقط نسبة المياه و ليس النفى بوجود المياه

مثال
اريد نسبه المياة فى عينه ما
1-تحديد نسبه المياة بواسطه كارل فيشر
2-تحديد المياه و الرواسب بواسطة الطرد المركزى
و هكذا

اما الاماكن
كل شركات التكرير الحكوميه يتم بها عمل تحاليل للغير بقيمة معرفة سلفا من وزارة البترول حسب الطريقة المطلوبه للتحليل

بس بصراحة مش عارف ممكن يحللوا لافراد و لا لأ
انا كان كل التعامل معهم من خلال شركتى

بس برضه من الممكن حلها عن طريق
سأل الاول عن طريقة الدفع و هل مطلوب اى مستندات من الشركة الطالبه للتحاليل
"بطاقة ضريبيه....................."
اذا كان لا اضربلهم اسم اى شركة
يعنى حسب احتياجك للتحليل
بس بيكلف شويه من 300 الى زى ما انت عايز
حسب نوع التحليل و الطريقه

اتمنى ان اكون ادتك و اى استفسار اخر انا تحت امرك